ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠴᠠᠬᠠᠷ ᠰᠣᠶᠣᠯ
ᠬᠤᠪᠴᠡᠰᠦ ᠬᠤᠨᠠᠷ ᠬᠢᠭᠡᠳ ᠵᠡᠭᠦᠳᠡᠯ ᠵᠢᠮᠰᠡᠭ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2020/7/8
ᠴᠠᠬᠠᠷᠴᠣᠳ᠂ ᠨᠡᠶᠢᠳᠡ ᠮᠤᠩᠭᠤᠯᠴᠤᠳ ᠲᠠᠢ ᠠᠳᠠᠯᠢ ᠪᠠᠷ ᠲᠡᠪᠡᠯ ᠭᠤᠳᠤᠯ ᠡᠮᠤᠰᠴᠦ ᠪᠦᠰᠨ ᠪᠦᠰᠡᠯᠡᠨ᠂ ᠮᠠᠯᠠᠭᠠᠢ ᠡᠮᠣᠰᠴᠣ᠂ ᠠᠯᠴᠢᠭᠤᠷ ᠤᠷᠢᠶᠠᠭᠠᠳ᠂ ᠠᠯᠳᠠ ᠮᠦᠡᠭᠬᠦ᠂ ᠡᠷᠳᠡᠨᠢ ᠶᠢᠨ ᠴᠢᠯᠠᠭᠤᠨ ᠵᠡᠭᠦᠳᠡᠯ ᠵᠢᠮᠰᠡᠭ ᠡᠳ᠋ᠯᠡᠵᠤ ᠶᠠᠪᠤᠳᠠᠭ ᠵᠠᠩᠰᠢᠯ ᠲᠠᠢ᠃ ᠴᠠᠬᠠᠷ ᠮᠠᠶ᠋ᠢᠭ ᠤᠨ ᠬᠤᠪᠴᠡᠰᠦ ᠬᠤᠨᠠᠷ ᠬᠢᠭᠡᠳ ᠵᠡᠬᠦᠳᠡᠯ ᠵᠠᠰᠠᠯ ᠵᠢᠮᠰᠡᠭ ᠨᠢ ᠭᠠᠵᠠᠷ ᠨᠤᠳᠤᠭ ᠤᠨ ᠢᠶᠠᠨ ᠪᠠᠶᠢᠭᠠᠯᠢ ᠤᠷᠴᠢᠨ᠂ ᠠᠭᠤᠷ ᠠᠮᠢᠰᠬᠤᠯ ᠤᠨ ᠨᠦᠭᠦᠴᠡᠯ ᠪᠠ ᠨᠡᠭᠦᠳᠡᠯ ᠮᠠᠯᠵᠢᠯ ᠤᠨ ᠬᠡᠷᠡᠭᠴᠡᠭᠡ  ᠲᠠᠢ ᠶᠠᠪ ᠴᠡᠪ ᠵᠤᠬᠢᠴᠠᠵᠦ᠂ ᠪᠦᠰᠡᠳᠡᠢ ᠬᠦᠮᠦᠨ ᠳᠤ ᠰᠦᠷ ᠵᠢᠪᠬᠤᠭ᠎ᠠ ᠨᠡᠮᠡᠭᠳᠡᠭᠦᠯᠦᠨ ᠪᠦᠰᠡᠭᠦᠢ ᠬᠦᠮᠦᠨ ᠳᠤ ᠴᠢᠮᠡᠭ ᠦᠵᠡᠰᠭᠦᠯᠡᠩ ᠪᠦᠷᠢᠳᠤᠭᠦᠯᠦᠭᠰᠡᠨ ᠢᠶᠠᠷ ᠢᠶᠠᠨ ᠲᠠᠶᠡᠩ ᠳᠤ ᠠᠯᠳᠠᠷᠰᠢᠵᠡᠢ᠃ ᠴᠠᠬᠠᠷᠴᠤᠳ  ᠶᠡᠷᠣ ᠨᠢ ᠬᠤᠪᠴᠡᠰᠦ ᠬᠤᠨᠠᠷ ᠢᠶᠠᠨ ᠬᠡᠵᠢᠶᠠᠳᠡ ᠴᠡᠪᠡᠷ ᠲᠡᠭᠰᠢ ᠡᠮᠤᠰᠴᠦ᠂ ᠮᠠᠯᠠᠭᠠᠢ ᠪᠠᠨ ᠬᠠᠵᠠᠭᠠᠢ ᠲᠠᠯᠪᠢᠬᠤ᠂ ᠡᠩᠭᠡᠷ ᠲᠤᠪᠴᠢ ᠪᠠᠨ ᠰᠤᠯᠨ ᠵᠠᠳᠠᠭᠠᠢ ᠤᠷᠬᠢᠬᠤ᠂ ᠪᠦᠰᠨ ᠪᠠᠨ ᠤᠨᠵᠢᠩ ᠰᠠᠨᠵᠢᠩ ᠪᠦᠰᠡᠯᠡᠬᠦ᠂ ᠭᠤᠳᠤᠯ ᠢᠶᠠᠨ ᠮᠠᠶᠢᠵᠢᠬᠢ ᠬᠢᠰᠬᠢᠬᠦ᠂ ᠵᠡᠭᠦᠳᠡᠯ ᠵᠢᠮᠰᠡᠭ ᠢᠶᠠᠨ ᠬᠠᠰᠢ ᠶᠠᠰᠢ ᠵᠡᠭᠦᠬᠦ ᠵᠡᠷᠭᠡ ᠶᠢ ᠲᠠᠩᠬᠠᠢ ᠰᠤᠷᠳᠡᠯ ᠬᠡᠵᠦ ᠵᠢᠭᠰᠢᠨ᠂ ᠨᠡᠩ ᠴᠤ ᠭᠡᠵᠢᠭᠡ ᠦᠰᠦ ᠪᠠᠨ ᠰᠤᠯᠨ ᠲᠠᠯᠪᠢᠬᠤ᠂ ᠪᠠᠶ᠎ᠡ ᠴᠤᠭᠴᠨ ᠶᠢᠨ ᠴᠢᠬᠢᠷᠠᠭ ᠦᠵᠡᠰᠭᠦᠯᠡᠩ ᠢᠶᠠᠨ ᠢᠯᠨ ᠭᠠᠶᠢᠬᠠᠭᠤᠯᠬᠤ  ᠶᠢ ᠲᠠᠰᠦ ᠴᠡᠭᠡᠷᠯᠡᠳᠡᠭ᠃         ᠲᠡᠪᠡᠯ ᠪᠠ ᠲᠡᠷᠯᠢᠭᠲᠡᠪᠡᠯ ᠪᠠ ᠲᠡᠷᠯᠢᠭ ᠢ ᠪᠦᠰ ᠲᠤᠷᠭ᠎ᠠ᠂ ᠴᠢᠰᠴᠡᠤ᠂ ᠦᠭᠡᠳᠡᠩ᠂ ᠮᠡᠩᠨᠤᠭ ᠪᠤᠶᠤ ᠬᠤᠨᠢ ᠬᠤᠷᠠᠭᠠᠨ ᠤ ᠠᠷᠠᠰᠦ ᠵᠡᠷᠭᠡ ᠪᠠᠷ ᠡᠰᠭᠡᠵᠦ ᠤᠶᠤᠭᠠᠳ᠂ ᠬᠠᠪᠤᠷ ᠵᠤᠨ ᠤ ᠡᠮᠤᠰᠭᠡᠯ ᠢ ᠨᠢ ︽ᠲᠡᠷᠯᠢᠭ︾ ᠭᠡᠵᠦ᠂ ᠨᠠᠮᠤᠷ ᠡᠪᠤᠯ ᠤᠨ ᠡᠮᠤᠰᠭᠡᠯ ᠢ ᠨᠢ ︽ᠲᠡᠪᠡᠯ︾ ᠭᠡᠵᠦ ᠨᠡᠷᠡᠯᠡᠳᠡᠭ᠃ ᠲᠡᠷᠯᠢᠭ ᠢ ᠪᠦᠰ ᠪᠤᠶᠤ ᠲᠤᠷᠭ᠎ᠠ ᠪᠠᠷ ᠲᠤᠳᠤᠷ ᠲᠠᠢ ᠡᠰᠡᠬᠦ ᠪᠠᠷ  ᠨᠢ ︽ᠲᠡᠩ ᠲᠡᠷᠯᠢᠭ︾᠂ ︽ᠲᠠᠪᠬᠤᠷ ᠲᠡᠷᠯᠢᠭ︾ ᠭᠡᠵᠦ ᠢᠯᠭᠠᠨ᠂ ᠲᠡᠪᠡᠯ ᠢ ᠬᠡᠷᠡᠭᠯᠡᠭᠰᠡᠨ ᠮᠠᠲ᠋ᠧᠷᠢᠶᠠᠯ ᠤᠨ ᠬᠢᠨᠢ ᠲᠦᠷᠦᠯ ᠵᠦᠢᠯ ᠢᠶᠠᠷ ᠬᠦᠪᠤᠡᠭ ᠲᠡᠪᠡᠯ᠂ ᠨᠡᠭᠡᠢ ᠲᠡᠪᠡᠯ᠂ ᠵᠤᠪᠴᠠᠭ᠎ᠠ᠂ ᠬᠤᠷᠠᠭᠠᠨ ᠲᠡᠪᠡᠯ ᠭᠡᠵᠦ ᠢᠯᠭᠠᠨ᠎ᠠ᠃ᠴᠠᠬᠠᠷ ᠮᠠᠶ᠋ᠢᠭ ᠤᠨ ᠲᠡᠪᠡᠯ ᠲᠡᠷᠯᠢᠭ ᠨᠢ ᠨᠡᠶᠢᠳᠡᠮ ᠳᠡᠭᠡᠨ ᠪᠤᠰᠤᠭ᠎ᠠ ᠵᠠᠭᠠᠮ᠎ᠠ᠂ ᠤᠨᠤᠭᠤ᠂ ᠲᠤᠳᠤᠭᠠᠳᠦ ᠡᠩᠭᠡᠷ ᠲᠠᠢ ᠂ ᠬᠤᠶᠠᠷ ᠪᠤᠶᠤ ᠭᠤᠷᠪᠠ ᠪᠠᠷ ᠡᠮᠵᠢᠭᠰᠡᠨ ᠪᠠᠶᠢᠳᠠᠭ᠃ ᠲᠡᠪᠡᠯ ᠲᠡᠷᠯᠢᠭ ᠢ ᠡᠮᠵᠢᠬᠦ ᠳᠡᠭᠡᠨ ᠮᠠᠯᠳᠠᠭᠠᠷᠢ᠂ ᠵᠠᠭᠠᠮ᠎ᠠ᠂ ᠡᠩᠭᠡᠷ᠂ ᠬᠠᠨᠴᠤᠢ᠂ ᠤᠨᠤᠭᠤ ᠶᠢᠨ ᠬᠢᠨᠢ ᠬᠦᠪᠡᠭᠡ ᠶᠢ ᠦᠡᠭᠭᠡ ᠢᠯᠭᠠᠷᠠᠭᠰᠠᠨ ᠬᠤᠷᠭᠤᠢ ᠲᠤᠷᠭᠠᠨ ᠡᠮᠵᠢᠶᠡᠷᠢ ᠪᠠᠷ ᠡᠮᠵᠢᠵᠤ᠂ ᠲᠤᠤᠵᠨ ᠲᠠᠷᠤᠭᠤᠯᠬᠤ ᠪᠤᠶᠤ ᠦᠯᠵᠡᠢ ᠤᠳᠡᠰᠦ᠂ ᠤᠭᠠᠯᠵᠨ ᠬᠤᠸᠠᠷ ᠬᠠᠳᠬᠤᠨ ᠤᠷᠠᠯᠠᠭᠰᠠᠨ ᠴᠤ ᠪᠠᠶᠢᠳᠠᠭ᠃ ᠪᠦᠰᠡᠳᠡᠢ ᠬᠦᠮᠦᠨ ᠤ ᠲᠡᠪᠡᠯ ᠲᠡᠷᠯᠢᠭ ᠢ ᠰᠤᠭᠤ ᠬᠦᠷᠳᠡᠯ᠎ᠡ ᠡᠮᠵᠢᠶᠡᠷᠢᠯᠡᠵᠦ᠂ ᠪᠦᠰᠡᠭᠦᠢ ᠬᠦᠮᠦᠨ ᠤ ᠬᠢ  ᠶᠢ ᠰᠤᠮᠤ ᠲᠤᠵᠢ  ᠳᠤ ᠨᠢ ᠡᠮᠵᠢᠶᠡᠷᠢᠯᠡᠳᠡᠭ ᠶᠤᠰᠤ ᠲᠠᠢ᠃ ᠵᠠᠷᠢᠮ ᠭᠠᠵᠠᠷ ᠲᠡᠪᠡᠯ ᠲᠡᠷᠯᠢᠭ ᠤᠨ ᠢᠶᠠᠨ ᠬᠠᠨᠴᠤᠢ ᠶᠢᠨ ᠬᠠᠷᠢᠳᠦᠨ ᠬᠡᠰᠡᠭ ᠲᠤ ᠬᠤᠷᠭᠤᠢ ᠲᠤᠷᠭ᠎ᠠ ᠠᠯᠬᠠᠯᠠᠨ᠂ ᠲᠤᠤᠵᠨ ᠲᠠᠷᠤᠭᠤᠯᠵᠦ ᠴᠢᠮᠠᠨ ᠤᠶᠤᠭᠰᠠᠨ ᠴᠤ ᠪᠠᠶᠢᠳᠠᠭ᠃ ᠡᠭᠦᠨ ᠢ ︽ᠪᠡᠯᠴᠢᠩ ᠤᠶᠤᠬᠤ︾ ᠭᠡᠳᠡᠭ᠃  ᠲᠡᠪᠡᠯ ᠲᠡᠷᠯᠢᠭ ᠲᠤ ᠡᠮᠵᠢᠶᠠᠷᠢ ᠶᠢᠨ ᠬᠢᠨᠢ ᠬᠤᠷᠭᠤᠢ ᠲᠤᠷᠭ᠎ᠠ ᠪᠠᠷ ᠲᠤᠪᠴᠢ ᠵᠡᠩᠬᠢᠳᠴᠦ ᠬᠠᠳᠠᠬᠤ ᠪᠤᠶᠤ ᠲᠠᠷᠬᠠᠨ ᠤ ᠦᠢᠯᠡᠳᠦᠭᠰᠡᠨ ᠬᠦᠭᠡᠭᠡᠮᠡᠯ ᠮᠦᠡᠭᠭᠦᠨ ᠲᠤᠪᠴᠢ᠂ ᠰᠠᠶᠢᠯᠪᠤᠷᠢ ᠲᠠᠢ ᠮᠦᠡᠭᠬᠦ ᠪᠤᠶᠤ ᠭᠠᠤᠯᠢᠨ ᠲᠤᠪᠴᠢ᠂ ᠮᠦᠡᠭᠭᠦᠨ ᠴᠢᠭᠳᠠ ᠲᠤᠪᠴᠢ᠂ ᠰᠢᠬᠢᠳᠭᠡᠭᠡ ᠲᠠᠢ ᠮᠦᠡᠭᠭᠦᠨ ᠲᠤᠪᠴᠢ᠂ ᠰᠠᠨᠵᠢ  ᠲᠠᠢ ᠱᠢᠷᠦᠨ ᠲᠤᠪᠴᠢ ᠨᠤᠭᠤᠳ ᠠᠴᠠ ᠰᠤᠩᠭᠤᠨ ᠬᠡᠷᠡᠭᠯᠡᠳᠡᠭ ᠪᠠᠶᠢᠨ᠎ᠠ᠃ ᠲᠤᠪᠴᠢ ᠰᠢᠯᠪᠢ ᠬᠠᠳᠠᠬᠤ ᠳᠠᠭᠠᠨ ᠭᠡᠳᠦᠨ ᠡᠮᠵᠢᠶᠠᠷᠢ ᠲᠠᠢ ᠪᠤᠯ ᠲᠡᠳᠦᠢ ᠲᠤᠭᠠᠨ ᠤ ᠲᠤᠪᠴᠢ ᠰᠢᠯᠪᠢ ᠶᠢ ᠵᠠᠭᠠᠮ᠎ᠠ᠂ ᠡᠩᠭᠡᠷ᠂ ᠰᠤᠭᠤ᠂ ᠤᠨᠤᠭᠤ ᠳᠤ ᠵᠡᠷᠭᠡᠴᠡᠭᠦᠯᠦᠨ ᠬᠠᠳᠠᠳᠠᠭ᠃ ᠮᠠᠯ ᠠᠵᠤ ᠠᠬᠤᠢ ᠶᠢᠨ ᠠᠵᠤ ᠬᠦᠳᠡᠯᠮᠤᠷᠢ ᠪᠠ ᠨᠡᠭᠦᠳᠡᠯ ᠪᠠᠭᠤᠳᠠᠯ ᠤᠨ ᠬᠡᠷᠡᠭᠴᠡᠭᠡᠨ  ᠠᠴᠠ ᠪᠦᠰᠡᠳᠡᠢ ᠬᠦᠮᠦᠨ ᠤ ᠲᠡᠪᠡᠯ ᠲᠡᠷᠯᠢᠭ ᠢ ᠵᠠᠪᠠᠯ ᠪᠡᠶ᠎ᠡ ᠠᠴᠠ ᠨᠢ ᠠᠭᠤᠵᠢᠮ ᠤᠷᠳᠤ ᠣᠶᠣᠳᠠᠭ᠃ ᠲᠡᠷᠡ ᠨᠢ ᠮᠠᠯ ᠬᠠᠷ᠎ᠡ ᠲᠠᠢ ᠨᠤᠴᠤᠯᠳᠤᠬᠤ ᠳᠤ ᠡᠪᠳᠡᠢ᠂ ᠡᠮᠤᠰᠤᠭᠡᠳ ᠶᠠᠪᠤᠪᠡᠯ ᠬᠤᠪᠴᠠᠰᠦ᠂ ᠨᠦᠮᠦᠷᠢᠭᠡᠳ ᠬᠡᠪᠳᠡᠪᠡᠯ ᠬᠤᠴᠢᠯᠭ᠎ᠠ ᠪᠤᠯᠳᠠᠭ᠃ᠴᠠᠬᠠᠷ ᠮᠠᠶ᠋ᠢᠭ ᠤᠨ ᠲᠡᠪᠡᠯ ᠤᠨ ᠲᠦᠷᠦᠯ ᠵᠦᠢᠯ ᠤᠯᠠᠨ᠂ ᠬᠤᠪᠢ ᠬᠤᠪᠢ ᠶᠢᠨ ᠤᠨᠴᠠᠯᠢᠭ ᠲᠠᠢ ᠪᠠᠶᠢᠳᠠᠭ᠃ ᠲᠡᠪᠡᠯ  ᠤᠨ ᠭᠠᠳᠠᠷ ᠲᠤᠳᠤᠷ ᠤᠨ ᠵᠠᠪᠰᠠᠷ ᠬᠦᠪᠤᠡᠭ ᠵᠤᠯᠠᠵᠦ ᠲᠠᠯᠪᠢᠨ ᠲᠤᠵᠢ ᠬᠠᠪᠠᠵᠦ ᠤᠶᠤᠭᠰᠠᠨ ᠢ ᠬᠦᠪᠤᠡᠭ ᠲᠡᠪᠡᠯ ᠭᠡᠳᠡᠭ᠃ ᠬᠦᠪᠤᠡᠭ ᠲᠠᠪᠡᠯ ᠤᠨ ᠬᠠᠪᠠᠭᠠᠰᠦ ᠶᠢᠨ ᠵᠠᠢ ᠨᠢ ᠲᠠᠷᠢ ᠵᠢᠭᠳᠡ᠂ ᠬᠠᠳᠬᠤᠭᠰᠠᠨ ᠨᠢᠳᠦ ᠨᠢ ᠦᠢᠷ᠎ᠡ ᠲᠡᠩᠴᠡᠭᠦᠤ᠂ ᠤᠳᠠᠰᠦᠨ ᠳᠤ ᠨᠢ ᠬᠦᠪᠤᠡᠭ ᠲᠠᠭᠠᠭᠰᠠᠨ ᠦᠭᠡᠢ ᠪᠠᠶᠢᠪᠡᠯ ᠤᠷᠠᠨ ᠤᠶᠤᠳᠠᠯ ᠳᠤ ᠲᠤᠭᠠᠴᠠᠭᠳᠠᠨ᠎ᠠ᠃ ᠢᠳᠡᠭᠡᠯᠡᠵᠦ ᠡᠯᠳᠡᠭᠰᠡᠨ ᠡᠪᠤᠯ ᠤᠨ ᠬᠤᠨᠢᠨ ᠠᠷᠠᠰᠦ ᠪᠠᠷ ᠡᠰᠭᠡᠵᠦ ᠤᠶᠤᠭᠰᠠᠨ ᠲᠡᠪᠡᠯ ᠢ ︽ᠨᠡᠭᠡᠢ ᠲᠡᠪᠡᠯ︾ ᠪᠤᠶᠤ ︽ᠦᠡᠭᠭᠡ ᠴᠠᠭᠠᠨ ᠲᠡᠪᠡᠯ︾ ᠭᠡᠵᠦ᠂ ᠵᠤᠨ ᠨᠠᠮᠤᠷ ᠤᠨ ᠬᠤᠨᠢᠨ ᠠᠷᠠᠰᠦ ᠪᠠᠷ ᠤᠶᠤᠭᠰᠠᠨ ᠢ ᠨᠢ ︽ᠦᠵᠣᠬᠦᠷᠰᠡᠭ ᠲᠡᠪᠡᠯ︾ ᠭᠡᠳᠡᠭ᠃ ᠠᠷᠠᠰᠦᠨ ᠲᠡᠪᠡᠯ ᠤᠶᠤᠬᠤ ᠳᠠᠭᠠᠨ ᠡᠩᠭᠡᠷ᠂ ᠬᠤᠷᠮᠤᠢ᠂ ᠬᠠᠨᠴᠦᠢ᠂ ᠮᠠᠯᠳᠠᠭᠠᠷᠢ ᠶᠢᠨ ᠬᠢᠨᠢ ᠬᠦᠪᠡᠭᠡ ᠶᠢ ᠬᠤᠷᠤᠭᠤ ᠦᠷᠭᠡᠨ ᠲᠡᠰᠡᠮ᠎ᠠ ︵ᠦᠰᠦ ᠶᠢ ᠨᠢ ᠬᠠᠶᠢᠴᠢᠯᠠᠭᠰᠠᠨ  ᠬᠦᠳᠦᠰᠣ︶ ᠪᠠᠷ ᠲᠡᠰᠡᠮᠡᠳᠡᠵᠦ ᠤᠶᠤᠬᠤ ᠪᠤᠶᠤ ᠬᠠᠷ᠎ᠠ ᠪᠦᠰ᠂ ᠦᠭᠡᠳᠡᠩ᠂ ᠬᠠᠷ᠎ᠠ ᠬᠤᠷᠭᠤᠢ ᠪᠠᠷ ᠬᠦᠪᠡᠭᠡᠯᠡᠨ᠂ ᠢᠷᠮᠡᠭ ᠢᠶᠠᠷ ᠨᠢ ᠬᠤᠷᠠᠭᠠᠨ ᠠᠷᠠᠰᠦᠨ ᠤ ᠦᠰᠦ ᠶᠢ ᠪᠤᠯᠳᠠᠶᠢᠯᠭᠠᠨ ᠤᠶᠤᠭᠰᠠᠨ ᠪᠠᠶᠢᠳᠠᠭ᠃ ᠦᠡᠭᠭᠡ ᠴᠠᠭᠠᠨ ᠲᠡᠪᠡᠯ ᠢᠶᠠᠨ ᠬᠤᠷᠤᠬᠠᠶᠢᠳᠦᠬᠤ ᠦᠭᠡᠢ᠂ ᠭᠬᠢᠷᠳᠦᠬᠦ ᠦᠭᠡᠢ᠂ ᠴᠢᠬᠢᠭ ᠨᠦᠢᠳᠡᠨ ᠳᠤ ᠲᠡᠪᠳᠤᠬᠦ ᠦᠭᠡᠢ ᠪᠤᠯᠭᠠᠬᠤ ᠶᠢᠨ ᠲᠤᠰᠡᠳᠡ ᠡᠯᠳᠡᠭᠰᠡᠨ ᠠᠷᠠᠰᠦ  ᠪᠠᠨ ᠤᠳᠤᠵᠦ ᠰᠢᠷᠠᠯᠠᠭᠤᠯᠤᠭᠠᠳ ᠤᠶᠤᠳᠠᠭ ᠴᠤ ᠪᠤᠢ᠃ ᠡᠭᠦᠨ ᠢ ︽ᠤᠳᠤᠮᠠᠯ ᠠᠷᠠᠰᠦᠨ ᠲᠡᠪᠡᠯ︾ ᠭᠡᠳᠡᠭ᠃ ᠠᠷᠠᠰᠦᠨ ᠲᠡᠪᠡᠯ ᠳᠡᠭᠡᠨ ᠪᠦᠰ ᠭᠠᠳᠠᠷ ᠲᠠᠳᠠᠭᠰᠠᠨ ᠢ ᠨᠢ ︽ᠵᠤᠪᠴᠠᠭ᠎ᠠ︾ ᠭᠡᠳᠡᠭ᠃ ᠭᠤᠤᠯᠳᠠᠭᠤ ᠤᠳᠠᠭᠠᠨ ᠡᠮᠤᠰᠴᠦ ᠡᠳ᠋ᠯᠡᠭᠰᠡᠨ ᠠᠴᠠ ᠬᠦᠷᠦᠰᠦ ᠨᠢ ᠨᠢᠮᠭᠡᠷᠡᠵᠦ ᠦᠡᠭᠭᠡ ᠦᠭᠡᠢ ᠪᠤᠯᠤᠭᠰᠠᠨ ᠪᠤᠶᠤ ᠦᠰᠦ ᠨᠢ ᠰᠠᠭᠤᠵᠦ ᠢᠯᠴᠢ ᠪᠠᠷ ᠪᠠᠷᠤᠭᠳᠠᠢ ᠪᠤᠯᠤᠭᠰᠠᠨ ᠦᠡᠭᠭᠡ  ᠴᠠᠭᠠᠨ ᠲᠡᠪᠡᠯ ᠢᠶᠠᠨ ᠭᠠᠳᠠᠷᠯᠠᠵᠦ ᠡᠮᠤᠰᠳᠡᠭ᠃ ᠵᠤᠪᠴᠠᠭ᠎ᠠ ᠤᠶᠤᠬᠤ  ᠠᠴᠠ ᠡᠮᠤᠨ᠎ᠠ ᠬᠠᠭᠤᠴᠢᠨ ᠲᠡᠪᠡᠯ ᠤᠨ ᠢᠶᠠᠨ ᠠᠪᠴᠢᠵᠦ ᠠᠳᠤᠷᠢᠭᠰᠠᠨ ᠭᠠᠵᠠᠷ ᠢ ᠪᠠᠭ᠎ᠠ ᠴᠢᠬᠢᠭᠳᠡᠭᠦᠯᠦᠨ ᠬᠦᠨᠳᠦ ᠢᠯᠡᠤᠷ ᠢᠶᠠᠷ ᠢᠯᠡᠤᠷᠳᠡᠵᠦ ᠲᠠᠨᠠᠶᠢᠯᠭᠡᠪᠡᠯ ᠭᠠᠳᠠᠷ ᠲᠤᠳᠤᠷ ᠨᠢ ᠨᠠᠶᠢᠯᠠᠮᠵᠢ ᠰᠠᠶᠢᠳᠡᠢ ᠪᠤᠯᠳᠠᠭ᠃ ᠰᠡᠩᠰᠡᠨ ᠬᠤᠷᠠᠭᠠᠨ ᠠᠷᠠᠰᠦ ᠪᠤᠶᠤ ᠨᠠᠷᠢᠨ ᠬᠤᠷᠠᠭᠠᠨ ᠠᠷᠠᠰᠦ ᠪᠠᠷ ᠡᠰᠭᠡᠵᠦ ᠤᠶᠤᠭᠰᠠᠨ ᠲᠡᠪᠡᠯ ᠢ ︽ᠬᠤᠷᠠᠭᠠᠨ ᠲᠡᠪᠡᠯ︾ ᠪᠤᠶᠤ ︽ᠰᠡᠩᠰᠡᠨ ᠵᠤᠪᠴᠠᠭ᠎ᠠ︾ ᠭᠡᠳᠡᠭ᠃ ᠬᠤᠷᠠᠭᠠᠨ ᠠᠷᠠᠰᠦ ᠶᠢ ᠡᠰᠭᠡᠵᠦ ᠵᠦᠢᠬᠦ ᠳᠡᠭᠡᠨ ᠠᠷᠠᠰᠦ ᠵᠠᠭᠤᠷ᠎ᠠ ᠶᠢᠨ ᠦᠰᠦ ᠶᠢ ᠡᠪᠳᠡᠢ ᠲᠠᠭᠠᠷᠠᠭᠤᠯᠤᠨ ᠨᠢᠭᠡᠨ ᠴᠤᠭᠴᠨ ᠮᠡᠳᠦ ᠠᠪᠴᠠᠯᠳᠤᠭᠤᠯᠬᠤ ᠨᠢ ᠤᠶᠤᠳᠠᠯᠴᠢᠨ ᠤ ᠤᠷᠠᠨ ᠮᠡᠷᠭᠡᠰᠢᠯ ᠶᠤᠮ᠃ ᠰᠡᠩᠰᠡᠨ ᠲᠡᠪᠡᠯ ᠳᠤ ᠲᠤᠷᠭ᠎ᠠ ᠴᠢᠰᠴᠡᠤ ᠪᠠᠷ ᠭᠠᠳᠠᠷ ᠲᠠᠳᠠᠵᠦ ᠭᠡ᠂ ᠶᠤᠰᠤᠨ ᠳᠤ ᠡᠮᠤᠰᠴᠦ ᠶᠠᠪᠤᠳᠠᠭ᠃ ᠭᠠᠳᠠᠷ  ᠨᠢ ᠬᠠᠭᠤᠴᠢᠷᠠᠪᠠᠯ ᠰᠢᠨ᠎ᠡ ᠪᠠᠷ ᠰᠤᠯᠢᠳᠠᠭ᠃         ᠤᠤᠵᠢ᠂ ᠬᠠᠨᠵᠢᠶᠠᠷᠢ᠂ ᠬᠦᠷᠮ᠎ᠠᠴᠠᠬᠠᠷ ᠲᠤ ᠬᠤᠷᠢᠮᠯᠠᠭᠰᠠᠨ ᠬᠦᠮᠦᠨ ᠯᠨ ᠲᠡᠪᠡᠯ ᠲᠡᠷᠯᠢᠭ ᠤᠨ ᠢᠶᠠᠨ ᠲᠡᠭᠡᠭᠦᠷ ᠤᠤᠵᠢ ᠬᠠᠨᠵᠢᠶᠠᠷ᠂ ᠬᠦᠷᠮ᠎ᠠ ᠡᠮᠤᠰᠳᠡᠭ ᠶᠤᠰᠦ ᠲᠠᠢ᠃ ᠴᠠᠬᠠᠷ ᠮᠠᠶ᠋ᠢᠭ ᠤᠨ ᠤᠤᠵᠢ ᠨᠢ ᠵᠠᠭᠠᠮ᠎ᠠ᠂ ᠬᠠᠨᠴᠦᠢ ᠦᠭᠡᠢ᠂ ᠡᠭᠴᠨ ᠡᠩᠭᠡᠷ᠂ ᠤᠷᠳᠤ ᠬᠤᠷᠮᠤᠢ ᠲᠠᠢ᠂ ᠬᠤᠶᠠᠷ ᠲᠡᠰᠢᠶ᠎ᠡ ᠬᠢᠭᠡᠳ ᠨᠢᠷᠤᠭᠤᠨ ᠭᠤᠤᠯ ᠪᠦᠰᠡᠯᠡᠭᠦᠷ ᠠᠴᠠ ᠲᠤᠷᠤᠭᠰᠢ ᠤᠨᠤᠭᠤ ᠲᠠᠢ᠂ ᠲᠡᠪᠡᠯ  ᠲᠠᠢ ᠪᠠᠨ ᠦᠡᠭᠭᠡ ᠢᠯᠭᠠᠷᠠᠭᠰᠠᠨ ᠲᠤᠷᠭ᠎ᠠ᠂ ᠴᠢᠰᠴᠡᠤ ᠪᠠᠷ ᠤᠶᠤᠵᠦ᠂ ᠡᠩᠭᠡᠷ᠂ ᠬᠤᠷᠮᠤᠢ᠂ ᠮᠠᠯᠳᠠᠭᠠᠷᠢ ᠶᠢ ᠲᠤᠵᠢ  ᠳᠤ ᠨᠢ ᠦᠷᠭᠡᠨ ᠬᠤᠷᠭᠤᠢ ᠲᠤᠷᠭ᠎ᠠ ᠪᠠᠷ ᠬᠦᠪᠡᠭᠡᠯᠡᠵᠦ᠂ ᠲᠤᠳᠤᠷ ᠲᠠᠯ᠎ᠠ  ᠳᠤ ᠨᠢ ᠠᠯᠳᠠ ᠮᠦᠡᠭᠭᠦᠨ ᠤᠳᠠᠰᠦᠨ ᠲᠤᠤᠵᠨ ᠬᠤᠤᠰᠯᠠᠭᠤᠯᠤᠨ ᠲᠠᠷᠤᠬᠤ ᠪᠤᠶᠤ ᠬᠤᠷᠮᠤᠢ ᠶᠢᠨ ᠦᠨᠴᠦᠭ ᠲᠤ ᠭᠡ ᠤᠭᠠᠯᠵᠨ᠂ ᠦᠯᠵᠡᠢ ᠤᠳᠠᠰᠦ ᠴᠢᠮᠡᠭᠯᠡᠵᠤ ᠤᠶᠤᠭᠠᠳ᠂ ᠬᠤᠭᠤᠯᠠᠢ ᠠᠴᠠ ᠪᠦᠰᠡᠯᠡᠭᠦᠷ ᠬᠦᠷᠳᠡᠯ᠎ᠠ ᠲᠠᠪᠤᠨ ᠲᠤᠪᠴᠢ ᠰᠢᠯᠪᠢ ᠬᠠᠳᠠᠳᠠᠭ᠃ ᠬᠡᠤᠭᠡᠨ ᠮᠤᠷᠳᠡᠵᠦ ᠪᠡᠷᠢ ᠪᠤᠯᠪᠠᠯ ᠤᠤᠵᠢ ᠡᠮᠤᠰᠦᠨ᠎ᠡ᠃ ᠬᠠᠨᠵᠢᠶᠠᠷ ᠨᠢ ᠮᠦᠨ ᠵᠠᠭᠠᠮ᠎ᠠ ᠬᠠᠨᠴᠦᠢ ᠦᠭᠡᠢ᠂ ᠡᠭᠴᠨ ᠪᠤᠶᠤ ᠲᠤᠭᠤᠯ ᠡᠩᠭᠡᠷ᠂ ᠤᠭᠳᠤᠷ ᠬᠤᠷᠮᠤᠢ᠂ ᠲᠡᠰᠢᠶᠠᠨ ᠳᠠᠭᠠᠨ ᠤᠨᠤᠭᠤ ᠲᠠᠢ᠃ ᠦᠪᠴᠢ ᠳᠤ ᠨᠢ ᠬᠤᠷᠭᠤᠢ ᠪᠠᠷ ᠬᠦᠪᠡᠭᠡᠯᠡᠨ ᠲᠤᠤᠵᠨ ᠲᠠᠷᠤᠭᠤᠯᠵᠦ ᠲᠤᠪᠴᠢ ᠰᠢᠯᠪᠢ ᠬᠠᠳᠠᠭᠰᠠᠨ ᠪᠠᠶᠢᠳᠠᠭ᠃ ᠬᠠᠨᠵᠢᠶᠠᠷ   ᠢ ᠬᠤᠷᠢᠮᠯᠠᠭᠰᠠᠨ ᠡᠷᠡᠭᠳᠡᠢ ᠡᠮᠡᠭᠳᠡᠢ ᠠᠯᠢᠨ ᠴᠤ ᠪᠦᠷ ᠡᠮᠤᠰᠴᠦ ᠪᠤᠯᠤᠨ᠎ᠠ᠃ ᠬᠦᠷᠮ᠎ᠡ ᠶᠢ ᠬᠤᠷᠢᠮᠯᠠᠭᠰᠠᠨ ᠡᠷᠡᠭᠳᠡᠶᠢᠴᠦᠳ ᠯᠨ ᠡᠳ᠋ᠯᠡᠳᠡᠭ᠃ ᠭᠤᠤᠯᠳᠠᠭᠤ ᠬᠠᠷ᠎ᠡ ᠦᠡᠭᠭᠡ ᠶᠢᠨ ᠲᠤᠷᠭ᠎ᠠ ᠪᠠᠷ ᠤᠶᠤᠳᠠᠭ ᠪᠦᠭᠡᠳ ᠡᠮᠵᠢᠶᠡᠷᠢᠯᠡᠬᠦ ᠦᠭᠡᠢ ᠪᠤᠶᠤ ᠶᠡᠭᠡ ᠪᠡᠶ᠎ᠡ ᠶᠢᠨ ᠬᠢᠨᠢ ᠪᠠᠷᠠᠭ᠎ᠠ ᠪᠠᠷ ᠲᠡᠩ ᠡᠮᠵᠢᠶᠠᠷᠢᠯᠡᠭᠰᠡᠨ ᠴᠣ᠋ ᠪᠠᠶᠢᠳᠠᠭ᠃ ᠪᠤᠰᠤᠭ᠎ᠠ ᠵᠠᠭᠠᠮ᠎ᠠ᠂ ᠤᠷᠳᠤ ᠬᠠᠨᠴᠦᠢ᠂ ᠪᠠᠷᠠᠭᠤᠨᠰᠢ ᠵᠦᠷᠢᠭᠰᠡᠨ ᠡᠩᠭᠡᠷ ᠲᠠᠢ᠂ ᠬᠤᠷᠮᠤᠢ ᠨᠢ ᠪᠦᠰᠨ ᠠᠴᠠ ᠲᠤᠷᠤᠭᠰᠢ᠂ ᠲᠠᠰᠢᠶᠠᠨ ᠳᠠᠭᠠᠨ ᠤᠨᠤᠭᠤ ᠲᠠᠢ᠃ ᠬᠦᠷᠮ᠎ᠠ ᠨᠢ ᠲᠡᠪᠡᠯ ᠲᠡᠷᠯᠢᠭ ᠤᠨ ᠭᠠᠳᠠᠭᠤᠷ ᠲᠠᠪᠬᠤᠷᠯᠠᠵᠦ ᠡᠮᠤᠰᠳᠡᠭ ᠪᠣᠯᠬᠤᠷ ᠡᠯᠪᠡᠭ ᠠ᠊ ‍ᠭᠤᠵᠢᠮ ᠤᠶᠤᠵᠦ᠂ ᠲᠤᠪᠴᠢ ᠰᠢᠯᠪᠢ ᠬᠠᠳᠠᠳᠠᠭ ᠪᠦᠭᠡᠳ ᠲᠠᠪᠬᠤᠷ᠂ ᠬᠦᠪᠤᠡᠭ ᠲᠤᠯᠢᠶᠠᠯᠭᠠᠭᠰᠠᠨ᠂ ᠬᠤᠷᠠᠭᠠᠨ ᠲᠤᠳᠤᠷ ᠲᠠᠢ ᠭᠡᠵᠦ ᠢᠯᠭᠠᠳᠠᠭ ᠪᠠᠶᠢᠵᠡᠢ᠃             ᠭᠤᠶᠠᠪᠴᠢ ᠬᠢᠭᠡᠳ ᠨᠢᠳᠤᠷᠭ᠎ᠠᠭᠤᠶᠠᠪᠴᠢ ᠨᠢ ᠦᠮᠤᠳᠦᠨ ᠤ ᠭᠠᠳᠠᠭᠤᠷ ᠲᠠᠪᠬᠤᠷᠯᠠᠨ ᠡᠮᠤᠰᠬᠦ ᠳᠤ ᠲᠤᠬᠢᠷᠠᠭᠤᠯᠤᠭᠰᠠᠨ ᠡᠳ᠋ᠯᠡᠭᠡᠨ᠂ ᠭᠤᠶ᠎ᠠ ᠳᠠᠭᠠᠨ ᠣᠭᠯᠠᠭᠠᠳ ᠲᠠᠯᠠᠢ ᠠᠴᠠ ᠪᠠᠨ ᠤᠭᠤᠰᠤᠷᠯᠠᠨ ᠵᠡᠭᠦᠳᠡᠭ᠃ ᠭᠤᠶᠠᠪᠴᠢ ᠶᠢᠨ ᠡᠮᠤᠨ᠎ᠡ ᠲᠠᠯ᠎ᠠ ᠨᠢ ᠠᠷᠤ ᠲᠠᠯ᠎ᠠ ᠠᠴᠠ  ᠪᠠᠨ ᠦᠨᠳᠦᠷ᠂ ᠲᠡᠭᠡᠷ᠎ᠡ ᠲᠠᠯ᠎ᠠ ᠳᠤ ᠨᠢ ᠭᠤᠷᠪᠠᠯᠵᠢᠨ ᠭᠡᠯᠪᠡᠷᠢ ᠶᠢᠨ ᠮᠣᠬᠤᠭᠤ ᠬᠤᠰᠢᠭᠤ ᠭᠠᠷᠭᠠᠨ ᠣᠭᠤᠰᠣᠷ ᠬᠠᠳᠠᠭᠠᠳ ᠡᠪᠣᠳᠦᠭ ᠲᠡᠭᠡᠷ᠎ᠡ ᠨᠢ ᠭᠡ ᠤᠭᠠᠯᠵᠨ ᠲᠠᠢ ᠲᠠᠪ ᠭᠠᠷᠭᠠᠵᠦ᠂ ᠲᠡᠭᠡᠳᠦ ᠲᠤᠤᠷᠠᠳᠦ ᠬᠦᠪᠡᠭᠡ ᠶᠢ ᠨᠢ ᠬᠤᠷᠭᠤᠢ ᠲᠤᠷᠭ᠎ᠠ ᠪᠠᠷ ᠡᠮᠵᠢᠵᠦ ᠤᠶᠤᠭᠰᠠᠨ ᠪᠠᠶᠢᠳᠠᠭ᠃ ᠭᠤᠶᠠᠪᠴᠢ ᠶᠢ ᠪᠦᠰ ᠲᠤᠷᠭ᠎ᠠ ᠪᠠᠷ ᠲᠠᠪᠬᠤᠷ᠂ ᠬᠦᠪᠤᠩᠳᠡᠢ ᠤᠶᠤᠬᠤ ᠪᠤᠶᠤ ᠠᠷᠠᠰᠦ ᠪᠠᠷ ᠴᠤ ᠤᠶᠤᠳᠠᠭ᠃ ᠲᠠᠷᠨ ᠨᠢ ᠡᠳ᠋ ᠪᠠᠷᠠᠭ᠎ᠠ ᠳᠤ ᠭᠠᠮᠳᠡᠢ᠂ ᠤᠶᠤᠵᠦ ᠬᠢᠬᠦ  ᠳᠤ ᠲᠦᠭᠦᠮ᠂ ᠡᠮᠤᠰᠴᠦ ᠶᠠᠪᠤᠬᠤ ᠳᠤ ᠬᠦᠡᠭᠭᠡᠨ ᠮᠦᠷᠳᠡᠭᠡᠨ ᠲᠤᠯᠠᠭᠠᠨ ᠡᠳ᠋ᠯᠡᠭᠡᠨ ᠶᠤᠮ᠃ ᠭᠤᠶᠠᠪᠴᠢ ᠨᠢ ᠤᠯᠠᠷᠢᠵᠦ ᠬᠤᠪᠢᠷᠠᠭᠰᠠᠭᠠᠷ ᠡᠳᠦᠭᠡ ᠪᠤᠯᠬᠤ ᠳᠤ ᠪᠥᠭᠡ ᠬᠦᠮᠦᠨ ᠤ ᠲᠤᠰᠬᠠᠢ ᠭᠤᠶᠤᠯᠠᠯ ᠵᠠᠰᠠᠯ ᠪᠤᠯᠵᠡᠢ᠃ ᠨᠢᠳᠤᠷᠭ᠎ᠠ ᠪᠤᠯ ᠮᠤᠷᠢᠨ ᠲᠤᠭᠤᠷᠠᠢ ᠶᠢᠨ ᠬᠡᠯᠪᠡᠷᠢ ᠶᠢ ᠲᠠᠭᠤᠷᠢᠶᠠᠵᠦ ᠤᠶᠤᠭᠰᠠᠨ ᠲᠡᠪᠡᠯ ᠲᠡᠷᠯᠢᠭ ᠤᠨ ᠬᠠᠨᠴᠦᠢ ᠶᠢᠨ ᠵᠠᠯᠭᠠᠭᠠᠰᠦ ᠪᠤᠯᠤᠨ᠎ᠠ᠃ ᠨᠢᠳᠤᠷᠭ᠎ᠠ ᠶᠢ ᠲᠡᠪᠡᠯ ᠲᠡᠷᠯᠢᠭ ᠤᠨ ᠦᠡᠭᠭᠡ ᠳᠤ ᠵᠤᠬᠢᠴᠠᠭᠰᠠᠨ ᠪᠦᠰ ᠲᠤᠷᠭ᠎ᠠ ᠶᠢ ᠰᠤᠩᠭᠤᠨ᠂ ᠬᠠᠨᠴᠦᠢ ᠶᠢᠨ ᠦᠵᠦᠭᠦᠷ ᠲᠠᠢ ᠵᠠᠯᠭᠠᠵᠦ ᠤᠶᠤᠬᠤ ᠪᠤᠶᠤ ᠰᠠᠯᠤᠩᠬᠢ ᠤᠶᠤᠭᠰᠠᠨ ᠴᠤ ᠪᠠᠶᠢᠳᠠᠭ᠃ ᠰᠡᠯᠣᠩᠭᠢ ᠣᠶᠣᠭᠰᠠᠨ  ᠪᠠᠨ ︽ᠬᠠᠨᠴᠣᠪᠴᠢ︾ ᠭᠡᠳᠡᠭ᠃ ᠨᠢᠳᠦᠷᠭ᠎ᠠ ᠶᠢᠨ ᠲᠤᠭᠤᠷᠠᠢ ᠬᠡᠯᠪᠡᠷᠢ ᠲᠠᠢ ᠭᠡᠰᠡᠭ ᠢ ︽ᠠᠯᠠᠭ᠎ᠠ︾ ᠭᠡᠵᠦ᠂ ᠬᠠᠨᠴᠦᠢ ᠲᠠᠢ ᠵᠠᠯᠭᠠᠭᠰᠠᠨ ᠭᠡᠰᠡᠭ ᠢ ︽ᠤᠮᠤᠭ︾ ᠭᠡᠨ᠎ᠡ᠃ ᠨᠢᠳᠤᠷᠭ᠎ᠠ ᠤᠶᠤᠬᠤ ᠳᠠᠭᠠᠨ ᠤᠮᠤᠭ ᠢ ᠨᠢ ᠡᠮᠵᠢᠶᠠᠷᠢᠯᠡᠵᠦ᠂ ᠠᠯᠠᠭ᠎ᠠ ᠶᠢ ᠨᠢ ᠬᠤᠷᠠᠭᠠᠨ ᠠᠷᠠᠰᠦ ᠪᠤᠶᠤ ᠦᠨᠡᠭᠡᠨ ᠠᠷᠠᠰᠦ ᠪᠠᠷ ᠲᠤᠳᠤᠷᠯᠠᠭᠠᠳ᠂ ᠪᠦᠰᠡᠭᠦᠢ᠂ ᠵᠠᠯᠠᠭᠤ ᠬᠦᠮᠦᠨ ᠤ ᠬᠢ ᠶᠢ ᠴᠤᠮᠪᠤᠭᠤᠷ ᠪᠠᠭ᠎ᠠ ᠬᠡᠯᠪᠡᠷᠢ ᠲᠠᠢ᠂ ᠨᠡᠰᠦᠳᠡᠶᠢᠴᠤᠳ ᠤᠨ ᠬᠢ ᠶᠢ ᠦᠷᠭᠡᠨ ᠲᠠᠯᠪᠢᠭᠤ ᠬᠡᠯᠪᠡᠷᠢ ᠲᠠᠢ ᠤᠶᠤᠳᠠᠭ᠃ ᠲᠡᠪᠡᠯ ᠲᠡᠷᠯᠢᠭ ᠤᠨ ᠨᠢᠳᠦᠷᠭ᠎ᠠ ᠶᠢ ᠶᠡᠷᠦ ᠴᠠᠭ ᠲᠡᠭᠡᠭᠰᠢ ᠡᠷᠬᠢᠭᠦᠯᠵᠦ᠂ ᠭᠤᠶᠤᠯᠠᠯ ᠴᠢᠮᠡᠭᠯᠡᠯ ᠤᠨ ᠡᠳ᠋ᠯᠡᠭᠡᠨ ᠪᠤᠯᠭᠠᠨ᠂ ᠬᠦᠷ ᠬᠦᠢᠳᠡᠨ ᠳᠤ ᠮᠤᠷᠢ ᠤᠨᠤᠭ᠎ᠠ ᠲᠠᠢ ᠶᠠᠪᠤᠬᠤ ᠳᠠᠭᠠᠨ ᠨᠢᠳᠤᠷᠭ᠎ᠠ  ᠪᠠᠨ ᠪᠠᠭᠤᠯᠭᠠᠵᠦ᠂ ᠭᠠᠷ ᠬᠤᠷᠤᠭᠤ ᠪᠠᠨ ᠬᠠᠮᠠᠭᠠᠯᠠᠵᠦ ᠶᠠᠪᠤᠳᠠᠭ᠃ ᠴᠠᠬᠠᠷ ᠲᠤ ᠨᠡᠰᠦᠳᠡᠡ ᠲᠤᠮᠤᠭᠠᠳᠠᠨ ᠳᠤ ᠵᠣᠯᠭᠠᠵᠤ ᠰᠢᠨᠡᠯᠡᠬᠦ᠂ ᠨᠤᠶᠠᠨᠳᠡᠨ ᠭᠡᠭᠡᠨ ᠳᠤ ᠰᠦᠬᠦᠳᠴᠣ ᠪᠠᠷᠠᠭᠠᠯᠠᠬᠤ᠂ ᠤᠪᠤᠭ᠎ᠠ ᠰᠦᠯᠳᠡ ᠳᠤ ᠰᠦᠵᠦᠭᠯᠡᠨ ᠮᠦᠷᠭᠦᠬᠦ ᠳᠡᠭᠡᠨ ᠵᠠᠪᠡᠯ ᠨᠢᠳᠦᠷᠭ᠎ᠠ ᠪᠠᠨ ᠪᠠᠭᠤᠯᠭᠠᠳᠠᠭ ᠵᠡᠩᠰᠢᠯ ᠲᠠᠢ᠃          ᠲᠠᠬᠤ ᠪᠠ ᠬᠡᠪᠡᠨᠡᠭᠲᠠᠬᠤ ᠭᠡᠳᠡᠭ ᠨᠢ ᠡᠪᠤᠯ ᠴᠠᠭ ᠲᠠᠪᠡᠯ ᠤᠨ ᠭᠠᠳᠠᠭᠤᠷ ᠲᠠᠪᠬᠤᠷᠯᠠᠨ ᠡᠮᠤᠰᠳᠡᠭ ᠡᠭᠴᠨ ᠡᠩᠭᠡᠷ ᠲᠠᠢ ᠠᠷᠠᠰᠦᠨ ᠬᠤᠪᠴᠠᠰᠦ ᠶᠢ ᠬᠡᠯᠡᠨ᠎ᠡ᠃  ᠲᠡᠷᠨ ᠨᠢ ᠡᠯᠪᠡᠭ ᠠᠭᠤᠵᠢᠮ ᠮᠦᠷᠳᠡᠭᠡᠨ ᠤᠷᠳᠦ᠂ ᠲᠡᠪᠡᠯ ᠤᠨ ᠬᠤᠷᠮᠤᠢ ᠠᠴᠠ ᠶᠡᠯᠢᠭᠦᠢ ᠪᠤᠭᠤᠨᠢᠬᠠᠨ ᠪᠠᠶᠢᠳᠠᠭ᠃ ᠡᠮᠤᠰᠬᠦ ᠳᠤ ᠬᠦᠡᠭᠭᠡᠨ᠂ ᠦᠰᠦᠨ ᠳᠤ ᠨᠢ ᠠᠮᠠᠷᠬᠠᠨ ᠲᠤᠭᠤᠰᠦ ᠰᠢᠷᠢᠬᠦ ᠦᠭᠡᠢ  ᠶᠢ ᠪᠤᠳᠤᠵᠦ᠂ ᠢᠮᠡᠭᠠᠨ ᠠᠷᠠᠰᠦ ᠪᠠᠷ ᠲᠠᠬᠤ ᠤᠶᠤᠬᠤ   ᠨᠢ ᠠᠷᠪᠢᠨ᠃ ᠲᠠᠬᠤ ᠳᠤ ᠲᠤᠪᠴᠢ ᠰᠢᠯᠪᠢ ᠬᠠᠳᠠᠳᠠᠭ ᠦᠭᠡᠢ᠂ ᠦᠷᠭᠡᠨ ᠪᠦᠴᠨ ᠪᠤᠶᠤ ᠲᠡᠰᠡᠮ᠎ᠠ ᠬᠠᠳᠠᠨ ᠤᠶᠠᠵᠦ ᠵᠠᠩᠬᠢᠳᠳᠣᠳᠠᠭ᠃ ᠲᠠᠬᠤ ᠶᠢ ᠭᠤᠤᠯᠳᠠᠭᠤ ᠬᠦᠷ ᠬᠦᠢᠳᠡᠨ ᠳᠤ ᠠᠶᠠᠨ ᠵᠢᠩ ᠬᠦᠭᠡᠭᠡᠬᠦ᠂ ᠠᠩ ᠬᠦᠷᠦᠭᠡ ᠬᠢᠬᠦ᠂ ᠡᠷᠢᠯ ᠰᠤᠷᠠᠭ ᠢᠶᠠᠷ ᠮᠤᠷᠳᠠᠬᠤ ᠵᠡᠷᠭᠡ ᠠᠵᠢᠯ ᠳᠤ ᠡᠮᠤᠰᠴᠦ᠂ ᠴᠢᠬᠢᠭ ᠨᠦᠢᠳᠡᠨ ᠳᠤ ᠦᠰᠦ ᠶᠢ ᠨᠢ ᠭᠠᠳᠠᠭᠰᠢ ᠬᠠᠷᠠᠭᠤᠯᠤᠨ‌ᠡᠮᠤᠰᠪᠡᠯ ᠨᠠᠪᠰᠢᠭ ᠴᠠᠰᠣ ᠠᠮᠠᠷᠬᠠᠨ ᠰᠦᠭᠦᠷᠡᠵᠦ᠂ ᠬᠦᠷᠦᠰᠦ ᠨᠢ ᠨᠤᠷᠠᠵᠦ ᠴᠢᠬᠢᠭᠳᠡᠬᠦ ᠦᠭᠡᠢ ᠪᠠᠶᠢᠳᠠᠭ᠃ ᠤᠷᠢᠳᠦ ᠭᠡᠭᠡᠷ᠎ᠡ ᠭᠠᠳᠠᠨ᠎ᠠ ᠮᠠᠯ ᠬᠠᠷᠢᠭᠤᠯᠬᠤ ᠳᠠᠭᠠᠨ ᠨᠠᠮᠤᠷ ᠤᠨ ᠬᠦᠢᠳᠡᠨ ᠪᠤᠷᠤᠭᠠᠨ ᠳᠤ ᠬᠠᠯᠠᠭᠪᠴᠢ ᠪᠤᠯᠭᠠᠬᠤ  ᠶᠢᠨ ᠲᠤᠰᠠᠳᠠ ᠪᠤᠷᠤ ᠦᠡᠭᠭᠡ ᠶᠢᠨ ᠨᠢᠮᠭᠡᠨ ᠢᠰᠡᠭᠡᠢ ᠪᠠᠷ ᠪᠤᠭᠤᠨᠢᠪᠳᠤᠷ ᠬᠤᠷᠮᠤᠢ᠂ ᠬᠠᠨᠴᠦᠢ ᠦᠭᠡᠢ᠂ ᠦᠷᠭᠦᠯᠵᠢ ᠮᠠᠯᠠᠭᠠᠢ ᠲᠠᠢ ᠨᠦᠮᠦᠷᠭᠡ ᠤᠶᠤᠵᠦ ᠬᠡᠷᠡᠭᠯᠡᠳᠡᠭ ᠪᠠᠶᠢᠵᠡᠢ᠃ ᠡᠭᠦᠨ ᠢ ︽ᠭᠡᠪᠡᠨᠡᠭ︾ ᠭᠡᠳᠡᠭ᠃ ᠤᠨ ᠤᠳᠠᠭᠰᠠᠨ ᠭᠡᠪᠡᠨᠡᠭ ᠨᠢ ᠤᠰᠤ ᠲᠤᠭᠤᠰᠦᠨ ᠳᠤ ᠬᠦᠨᠳᠤᠷᠠᠵᠦ ᠬᠡᠷᠡᠭᠯᠡᠬᠦ ᠳᠤ ᠲᠦᠭᠦᠮ ᠦᠭᠡᠢ ᠪᠤᠯᠳᠠᠭ ᠠᠴᠠ ᠪᠤᠷᠤᠭᠠᠨ ᠤ ᠴᠤᠪᠠ ᠨᠠᠶᠢᠳᠡᠮ ᠲᠡᠯᠭᠡᠷᠡᠬᠦ ᠶᠢ ᠲᠠᠭᠠᠯᠳᠦᠨ ᠠᠶᠠᠨᠳᠠᠭᠠᠨ ᠤᠷᠬᠢᠭᠳᠠᠵᠡᠢ᠃             ᠪᠦᠰᠨᠪᠦᠰᠨ ᠨᠢ ᠲᠡᠪᠡᠯ ᠲᠡᠷᠯᠢᠭ ᠤᠨ ᠵᠠᠰᠠᠯ ᠴᠢᠮᠡᠭᠯᠡᠯ᠂ ᠮᠤᠷᠢ ᠤᠨᠤᠭᠠᠨ ᠲᠡᠭᠡᠷ᠎ᠡ ᠶᠠᠪᠤᠬᠤ ᠳᠤ ᠰᠡᠯᠬᠢ ᠵᠢᠪᠡᠷ ᠨᠡᠪᠳᠡᠷᠡᠬᠦ ᠦᠭᠡᠢ᠂ ᠪᠡᠶ᠎ᠡ ᠴᠤᠯᠤ ᠵᠠᠶᠢᠯᠤᠭᠳᠠᠬᠤ ᠦᠭᠡᠢ ᠵᠡᠷᠭᠡ ᠤᠯᠠᠨ ᠦᠢᠯᠡᠳᠦᠯ ᠲᠠᠢ᠃  ᠪᠦᠰᠨ ᠰᠤᠩᠭᠤᠬᠤ ᠳᠠᠭᠠᠨ ᠡᠷᠡᠭᠳᠡᠢ ᠡᠮᠡᠭᠳᠡᠢ ᠶᠢᠨ ᠢᠯᠭᠠᠯ᠂ ᠨᠠᠰᠦᠨ ᠤ ᠪᠠᠶᠢᠳᠡᠯ ᠢᠶᠠᠷ ᠤᠷᠳᠤ ᠦᠷᠭᠡᠨ ᠤ ᠬᠡᠮᠵᠢᠶ᠎ᠡ᠂ ᠦᠡᠭᠭᠡ ᠵᠤᠬᠢᠴᠡᠯ ᠨᠢ ᠲᠤᠬᠢᠷᠠᠭᠰᠠᠨ ᠴᠢᠰᠴᠡᠤ᠂ ᠲᠤᠷᠳᠤᠩ ᠢ ᠰᠢᠯᠢᠨ ᠰᠣᠩᠭᠤᠳᠠᠭ᠃ ᠪᠦᠰᠡᠳᠡᠢ ᠬᠦᠮᠦᠨ ᠤ ᠪᠦᠰᠨ ᠶᠢᠨ ᠤᠷᠳᠤ ᠨᠢ ᠠᠷᠪᠠᠨ ᠨᠠᠢᠮᠠᠨ ᠲᠤᠬᠤᠢ᠂ ᠪᠦᠰᠡᠭᠦᠢ ᠬᠦᠮᠦᠨ᠂ ᠬᠡᠤᠭᠡᠳ ᠪᠠ ᠨᠠᠰᠦᠳᠡᠶᠢᠴᠤᠤᠯ ᠤᠨ ᠪᠦᠰᠨ ᠶᠢᠨ ᠤᠷᠳᠤ ᠨᠢ ᠠᠷᠪᠡᠨ ᠬᠤᠶᠠᠷ ᠠᠴᠠ ᠠᠷᠪᠡᠨ ᠲᠠᠪᠤᠨ ᠲᠤᠬᠤᠢ ᠪᠠᠶᠢᠳᠠᠭ᠃ ᠵᠠᠯᠠᠭᠤᠴᠤᠳ ᠤᠨ ᠪᠦᠰᠨ ᠨᠢ ᠬᠤᠷᠴᠨ ᠦᠡᠭᠭᠡ ᠶᠢᠨ ᠂ ᠨᠡᠰᠦᠳᠡᠶᠢᠴᠤᠳ ᠤᠨ ᠪᠦᠰᠨ ᠨᠢ ᠲᠠᠷᠤᠤ ᠦᠡᠭᠭᠡ ᠶᠢᠨ ᠪᠠᠶᠢᠳᠠᠭ᠃ ᠪᠦᠰᠡᠯᠡᠭᠦᠷ ᠤᠨ ᠡᠮᠤᠨ᠎ᠡ ᠠᠴᠠ ᠬᠤᠶᠢᠰᠢ ᠪᠠᠷᠠᠭᠤᠨ ᠭᠠᠷ ᠲᠠᠭᠠᠵᠦ ᠴᠢᠩᠭᠠᠬᠠᠨ ᠤᠷᠢᠶᠠᠵᠦ ᠪᠦᠰᠡᠯᠡᠨ᠂ ᠪᠦᠰᠡᠨ ᠤ ᠦᠵᠦᠭᠦᠷ ᠢ ᠲᠡᠰᠢᠶᠠᠨ ᠳᠠᠭᠠᠨ ᠤᠨᠵᠢᠭᠤᠯᠳᠠᠭ ᠴᠤ ᠪᠤᠢ᠃ ᠪᠦᠰᠡᠳᠡᠶᠢᠴᠤᠳ ᠨᠢ ᠲᠡᠪᠡᠯ ᠲᠡᠷᠯᠢᠭ ᠢᠶᠠᠨ ᠬᠦᠭᠡᠷᠭᠡᠵᠦ ᠪᠦᠰᠡᠯᠡᠳᠡᠭ ᠵᠡᠩᠰᠢᠯ ᠲᠠᠢ᠃ ᠪᠦᠰᠡᠨ ᠳᠤ ᠴᠢᠰᠴᠡᠤ᠂ ᠲᠤᠷᠳᠤᠩ ᠪᠠᠶᠢᠬᠤ ᠠᠴᠠ ᠭᠠᠳᠠᠨ᠎ᠠ ᠠᠷᠠᠰᠦ ᠰᠢᠷᠢᠨ ᠪᠦᠰᠨ ᠴᠤ ᠪᠤᠢ᠃ ᠲᠡᠷᠨ ᠨᠢ ᠠᠯᠠᠭ᠎ᠠ ᠲᠠᠷᠤᠮ᠎ᠠ ᠦᠷᠭᠡᠨ ᠰᠢᠷᠢᠨ ᠲᠡᠭᠡᠷ᠎ᠡ ᠮᠦᠡᠭᠬᠦ᠂ ᠭᠠᠤᠯᠢ᠂ ᠬᠦᠷᠡᠯ ᠢᠶᠠᠷ ᠴᠢᠳᠬᠤᠭᠰᠠᠨ ᠡᠯᠳᠡᠪ ᠶᠠᠩᠵᠦ ᠶᠢᠨ ᠴᠢᠮᠡᠭᠯᠡᠯ ᠬᠠᠳᠠᠵᠦ᠂ ᠬᠤᠶᠠᠷ ᠦᠵᠤᠭᠦᠷ ᠲᠤ ᠨᠢ ᠭᠤᠷᠬᠢ ᠪᠤᠶᠤ ᠲᠡᠭᠡᠭ ᠲᠠᠢ ᠬᠢᠭᠰᠡᠨ ᠪᠠᠶᠢᠳᠠᠭ᠃ ᠴᠠᠬᠠᠷᠴᠤᠳ ᠶᠠᠷᠦ ᠠᠴᠠ ᠪᠦᠰᠨ ᠶᠢ ᠡᠶ᠎ᠡ ᠨᠠᠶᠢᠷ᠂ ᠡᠪ ᠪᠦᠯᠭᠦᠮᠳᠡᠯ ᠤᠨ ᠪᠡᠯᠭᠡ ᠲᠡᠮᠳᠡᠭ ᠪᠤᠯᠭᠠᠨ ︽ᠪᠦᠳᠦᠬᠦ ᠲᠦᠷᠦ ᠶᠢᠨ ᠪᠦᠰᠨ︾ ᠭᠡᠵᠦ ᠡᠷᠬᠢᠮᠯᠡᠳᠡᠭ ᠠᠴᠠ ᠪᠦᠰᠨ ᠪᠠᠨ ᠲᠡᠶᠢᠯᠵᠦ ᠲᠠᠯᠪᠢᠬᠤ ᠳᠠᠭᠠᠨ ᠰᠤᠯᠨ ᠵᠠᠳᠠᠭᠠᠢ ᠬᠠᠶᠠᠬᠤ ᠶᠢ ᠴᠡᠭᠡᠷᠯᠡᠵᠦ᠂ ᠬᠡᠵᠢᠶᠡᠳᠠ ᠤᠷᠢᠶᠠᠵᠦ ᠡᠪᠭᠡᠭᠡᠳ ᠣᠷᠣ ᠲᠡᠷ᠎ᠡ  ᠶᠢᠨ  ᠢᠶᠠᠨ ᠲᠡᠭᠡᠳᠦ ᠲᠠᠯ᠎ᠠ  ᠳᠤ ᠲᠠᠯᠪᠢᠳᠠᠭ ᠪᠥᠭᠡᠳ ᠭᠠᠳᠠᠭᠰᠢ ᠭᠠᠷᠪᠠᠯ ᠪᠥᠰᠨ  ᠪᠠᠨ ᠡᠪᠭᠡᠵᠤ ᠲᠡᠷ᠎ᠡ ᠪᠤᠯᠭᠠᠳᠠᠭ᠃ ᠪᠦᠰᠨ ᠶᠢ ᠪᠤᠰᠤᠳ ᠲᠠᠢ ᠰᠤᠯᠢᠳᠠᠭ ᠦᠭᠡᠢ᠃ ᠪᠠᠳᠤ ᠢᠳᠡᠭᠡᠯᠴᠡᠭᠰᠡᠨ ᠠᠨᠳᠠ ᠨᠦᠬᠦᠷ ᠲᠠᠢ ᠪᠠᠨ ᠲᠡᠭᠷᠢ ᠳᠤ ᠮᠦᠷᠭᠦᠵᠦ᠂ ᠠᠬ᠎ᠠ ᠲᠡᠭᠦᠤ ᠪᠠᠷᠢᠯᠳᠤᠪᠠᠯ ᠰᠠᠶ᠋ᠢ ᠬᠠᠷᠢᠯᠴᠠᠨ ᠪᠦᠰᠨ ᠪᠠᠨ ᠰᠤᠯᠢᠵᠦ ᠪᠦᠰᠡᠯᠡᠳᠡᠭ ᠶᠤᠰᠦ ᠲᠠᠢ᠃           ᠮᠠᠯᠠᠭᠠᠢ ᠬᠢᠭᠡᠳ ᠠᠯᠴᠢᠭᠤᠷ ᠮᠠᠯᠠᠭᠠᠢ ᠨᠢ ᠮᠤᠩᠭᠤᠯ ᠬᠤᠪᠴᠠᠰᠦ ᠵᠠᠰᠠᠯ ᠤᠨ ᠴᠢᠬᠤᠯᠨ ᠪᠦᠷᠢᠯᠳᠤᠭᠦᠨ᠂ ᠨᠡᠷᠡᠶᠢᠳᠦᠯ ᠪᠤᠯᠤᠨ ᠶᠡᠩᠵᠦ ᠮᠠᠶ᠋ᠢᠭ ᠨᠢ ᠬᠤᠪᠢ ᠬᠤᠪᠢᠨ ᠤ ᠤᠨᠴᠠᠯᠢᠭ ᠲᠠᠢ ᠪᠠᠶᠢᠳᠠᠭ᠃ ᠴᠠᠬᠠᠷ ᠲᠤ ᠭᠤᠤᠯᠳᠠᠭᠤ ᠲᠤᠭᠤᠷᠴᠤᠭ ᠮᠠᠯᠠᠭᠠᠢ᠂ ᠲᠤᠭᠤᠢ ᠮᠠᠯᠠᠭᠠᠢ᠂ ᠦᠨᠡᠭᠡᠨ ᠮᠠᠯᠠᠭᠠᠢ᠂ ᠵᠠᠯᠭᠠᠳᠦ ᠮᠠᠯᠠᠭᠠᠢ ᠵᠡᠷᠭᠡ ᠶᠢ ᠨᠡᠶᠢᠳᠡᠮ ᠡᠮᠣᠰᠴᠣ ᠡᠳ᠋ᠯᠡᠳᠡᠭ ᠪᠠᠶᠢᠵᠡᠢ᠃ ᠲᠤᠭᠤᠷᠴᠤᠭ ᠮᠠᠯᠠᠭᠠᠢ ᠨᠢ ᠲᠦᠷᠪᠡᠨ ᠭᠡᠰᠡᠭ ᠭᠤᠷᠪᠠᠯᠵᠢᠨ ᠡᠰᠭᠡᠭᠰᠡᠨ ᠪᠦᠰ ᠢ ᠵᠦᠢᠵᠦ ᠤᠶᠤᠨ᠂ ᠬᠠᠷ᠎ᠠ ᠪᠤᠶᠤ ᠬᠦᠷᠡᠩ ᠲᠤᠷᠭ᠎ᠠ ᠪᠠᠷ ᠭᠠᠳᠠᠷᠯᠠᠭᠰᠠᠨ ᠬᠠᠳᠠᠭᠤ ᠪᠦᠮᠪᠤᠭᠡᠷ ᠤᠷᠤᠢ ᠲᠠᠢ ᠮᠠᠯᠠᠭᠠᠢ ᠪᠢᠯᠨ᠃ ᠲᠤᠤᠷ᠎ᠠ ᠬᠦᠪᠡᠭᠡ ᠳᠤ  ᠨᠢ ᠭᠤᠷᠪᠠᠨ ᠬᠤᠷᠤᠭᠤ ᠦᠷᠭᠡᠨ ᠬᠤᠷᠭᠤᠢ ᠪᠠᠷ ᠡᠮᠵᠢᠨ ᠠᠯᠳᠠ ᠮᠦᠡᠭᠭᠦᠨ ᠲᠤᠤᠵᠨ ᠲᠠᠷᠤᠭᠤᠯᠵᠦ ᠴᠢᠮᠡᠭᠡᠳ᠂ ᠤᠷᠤᠢ ᠳᠤ ᠨᠢ ᠤᠯᠠᠭᠠᠨ ᠰᠠᠮᠫᠠᠨ ᠬᠠᠳᠠᠭᠠᠳ᠂ ᠪᠦᠰᠡᠳᠡᠶᠢᠴᠤᠳ ᠪᠠ ᠴᠢᠪᠠᠭᠠᠨᠴᠨ ᠡᠮᠤᠰᠳᠡᠭ᠃ ᠡᠪᠤᠯ ᠴᠠᠭ ᠡᠪᠤᠭᠡᠳ ᠨᠢᠮᠭᠡᠨ ᠬᠠᠷ᠎ᠠ ᠢᠰᠡᠭᠡᠢ  ᠪᠠᠷ ᠬᠢᠭᠰᠡᠨ ᠬᠠᠪᠴᠢᠭ ᠤᠷᠤᠢ ᠲᠠᠢ ᠲᠤᠭᠤᠷᠴᠤᠭ ᠡᠳ᠋ᠯᠠᠵᠦ ᠡᠮᠣᠰᠳᠡᠭ᠃ ᠲᠡᠷᠨ  ᠨᠢ ᠲᠦᠷᠪᠡᠨ ᠲᠠᠯ᠎ᠠ ᠳᠠᠭᠠᠨ ᠲᠠᠯ᠎ᠠ ᠵᠤᠤᠪᠠᠨᠭ᠌ ᠬᠡᠯᠪᠡᠷᠢ ᠶᠢᠨ ᠰᠠᠷᠠᠪᠴᠢ ᠲᠠᠢ᠂ ᠰᠠᠷᠠᠪᠴᠢᠨ  ᠳᠤ ᠨᠢ ᠦᠨᠡᠭᠡ ᠪᠤᠶᠤ ᠬᠠᠷ᠎ᠠ ᠬᠤᠷᠠᠭᠠᠨ ᠠᠷᠠᠰᠦ ᠬᠠᠳᠠᠭᠠᠳ᠂ ᠶᠠᠷᠦ ᠴᠠᠭ ᠲᠤᠳᠤᠭᠰᠢ ᠨᠤᠭᠤᠯᠤᠨ ᠭᠠᠳᠠᠭᠰᠢ ᠭᠠᠷᠪᠡᠯ ᠪᠠᠭᠤᠯᠭᠠᠵᠦ ᠪᠤᠯᠳᠠᠭ᠃ ᠲᠤᠭᠤᠢ ᠮᠠᠯᠠᠭᠠᠢ ᠨᠢ ᠬᠠᠳᠠᠭᠤ ᠪᠦᠮᠪᠦᠭᠡᠷ ᠤᠷᠤᠢ ᠲᠠᠢ᠂ ᠲᠡᠭᠡᠭᠰᠢ ᠡᠷᠬᠢᠭᠦᠯᠦᠭᠰᠡᠨ ᠲᠤᠭᠤᠢ ᠰᠠᠷᠠᠪᠴᠢ  ᠲᠠᠢ᠂ ᠪᠠᠰᠨ ︽ᠲᠤᠭᠤᠷᠢᠭᠤᠯ ᠮᠠᠯᠠᠭᠠᠢ︾ ᠴᠣ᠋ ᠭᠡᠳᠡᠭ᠃ ᠲᠤᠭᠤᠢ ᠮᠠᠯᠠᠭᠠᠢ ᠶᠢᠨ ᠤᠷᠤᠢ ᠶᠢ ᠤᠯᠠᠭᠠᠨ ᠬᠦᠷᠡᠩ ᠲᠤᠷᠭ᠎ᠠ ᠪᠠᠷ ᠭᠠᠳᠠᠷᠯᠠᠵᠦ᠂ ᠠᠯᠳᠠ ᠮᠦᠡᠭᠭᠦᠨ ᠲᠤᠤᠵᠨ ᠪᠠᠷ ᠲᠡᠪ ᠭᠠᠷᠭᠠᠨ ᠴᠢᠮᠡᠭᠯᠡᠭᠡᠳ᠂ ᠤᠯᠠᠭᠠᠨ ᠰᠠᠮᠫᠠᠨ ᠬᠠᠳᠠᠵᠦ᠂ ᠤᠯᠠᠭᠠᠨ ᠲᠤᠷᠭᠠᠨ ᠵᠠᠯᠠᠭ᠎ᠠ ᠪᠤᠯᠤᠨ ᠪᠦᠴᠨ ᠲᠠᠢ ᠤᠶᠤᠭᠰᠠᠨ ᠪᠠᠶᠢᠳᠠᠭ᠃  ᠲᠤᠭᠤᠢ ᠮᠠᠯᠠᠭᠠᠢ ᠶᠢᠨ ᠰᠠᠷᠠᠪᠴᠢ ᠶᠢ ᠤᠶᠤᠬᠤ ᠳᠠᠭᠠᠨ ᠵᠤᠨ ᠤ ᠮᠠᠯᠠᠭᠠᠢ ᠪᠤᠯ ᠬᠠᠷ᠎ᠠ ᠦᠡᠭᠭᠡ ᠶᠢᠨ ᠦᠭᠡᠳᠡᠩ ᠪᠤᠶᠤ ᠬᠢᠯᠢᠩ ᠢᠶᠠᠷ ᠭᠠᠳᠠᠷᠯᠠᠨ᠎ᠠ᠃ ᠡᠪᠤᠯ ᠤᠨ ᠮᠠᠯᠠᠭᠠᠢ ᠶᠢ ᠪᠤᠯᠠᠭ᠎ᠠ᠂ ᠬᠠᠯᠢᠭᠤ᠂ ᠮᠢᠨᠵᠢ ᠵᠡᠷᠭᠡ ᠴᠤᠬᠠᠭ ᠠᠮᠢᠳᠡᠨ ᠤ ᠠᠷᠠᠰᠦ ᠪᠤᠶᠤ ᠦᠨᠡᠭᠡᠨ ᠱᠠᠬᠠᠷ᠂ ᠨᠢᠯᠬ᠎ᠠ ᠲᠤᠭᠤᠯ᠂ ᠬᠠᠷ᠎ᠠ ᠬᠤᠷᠠᠭ᠎ᠠ᠂ ᠢᠰᠢᠭᠡᠨ  ᠤ ᠠᠷᠠᠰᠦ ᠪᠠᠷ ᠭᠠᠳᠠᠷᠯᠠᠨ ᠪᠦᠴᠠᠯᠡᠪᠴᠢ ᠬᠠᠳᠠᠳᠠᠭ᠃ ᠲᠤᠭᠤᠢ ᠮᠠᠯᠠᠭᠠᠢ ᠶᠢ ᠶᠡᠭᠡᠰ ᠨᠤᠶᠡᠳ ᠡᠮᠤᠰᠬᠦ ᠳᠡᠭᠡᠨ ᠵᠡᠷᠭᠡ ᠲᠡᠰ ᠢᠶᠠᠨ ᠬᠠᠷᠠᠭᠤᠯᠤᠭᠰᠠᠨ ᠵᠢᠩᠰᠨ ᠵᠡᠭᠦᠳᠡᠭ ᠪᠠᠶᠢᠵᠡᠢ᠃ ᠦᠨᠡᠭᠡᠨ ᠮᠠᠯᠠᠭᠠᠢ ᠶᠢ ᠪᠠᠰᠨ ︽ᠬᠦᠪᠡᠭᠡ ᠴᠠᠭᠠᠨ ᠮᠠᠯᠠᠭᠠᠢ︾ ᠭᠡᠵᠦ ᠨᠡᠷᠡᠯᠠᠨ᠎ᠠ᠃ ᠲᠡᠷᠨ ᠨᠢ ᠭᠤᠨᠵᠤᠭᠤᠷ ᠤᠷᠤᠢ ᠲᠠᠢ᠂ ᠠᠷᠤ ᠭᠡᠰᠡᠭ ᠨᠢ ᠰᠢᠯᠢᠨ ᠬᠦᠵᠦᠭᠦᠤ ᠠᠴᠠ ᠲᠤᠷᠤᠭᠰᠢ ᠵᠠᠭᠠᠮ᠎ᠠ ᠲᠠᠷᠤᠵᠦ᠂ ᠮᠡᠩᠨᠠᠢ ᠲᠤᠮᠳᠠ ᠨᠢ ᠲᠡᠭᠡᠭᠰᠢ ᠡᠷᠬᠢᠭᠦᠯᠵᠦ ᠪᠤᠯᠬᠤ ᠰᠠᠷᠠᠪᠴᠢ ᠲᠠᠢ ᠪᠦᠭᠡᠳ ᠲᠡᠭᠦᠨ ᠲᠠᠢ ᠦᠷᠭᠦᠯᠵᠢ ᠪᠡᠶ᠎ᠡ ᠬᠠᠴᠠᠷ ᠲᠠᠷᠤᠨ ᠪᠠᠭᠤᠭᠰᠠᠨ ᠦᠷᠭᠡᠨ ᠴᠢᠬᠢ ᠲᠠᠢ ᠪᠠᠶᠢᠳᠠᠭ᠃ ᠦᠨᠡᠭᠡᠨ ᠮᠠᠯᠠᠭᠠᠢ ᠶᠢᠨ ᠭᠠᠳᠠᠷ ᠢ ᠭᠤᠤᠯᠳᠠᠭᠤ ᠴᠡᠩᠭᠡᠷ ᠬᠦᠭᠡ ᠲᠤᠷᠭ᠎ᠠ ᠪᠠᠷ ᠤᠶᠤᠵᠦ᠂ ᠲᠤᠳᠤᠷ ᠨᠢ ᠬᠦᠪᠤᠡᠭ ᠲᠠᠯᠪᠢᠵᠦ ᠬᠠᠪᠠᠭᠠᠳ᠂ ᠤᠷᠤᠢ ᠲᠡᠭᠡᠷ᠎ᠡ ᠨᠢ ᠤᠯᠠᠭᠠᠨ ᠲᠤᠷᠭᠠᠨ ᠬᠤᠤᠰ ᠪᠦᠴᠨ ᠶᠢ ᠰᠠᠮᠫᠠᠨ ᠤ ᠬᠠᠮᠳᠦ ᠬᠠᠳᠠᠭᠰᠠᠨ ᠪᠠᠶᠢᠳᠠᠭ᠃ ᠰᠠᠷᠠᠪᠴᠢ ᠬᠢᠭᠡᠳ ᠴᠢᠬᠢ ᠶᠢ ᠨᠢ ᠦᠨᠡᠭᠡᠨ ᠠᠷᠠᠰᠦ ᠪᠤᠶᠤ ᠴᠠᠭᠠᠨ ᠬᠤᠷᠠᠭᠠᠨ ᠠᠷᠠᠰᠦ ᠪᠠᠷ ᠲᠤᠳᠤᠷᠯᠠᠨ ᠡᠷᠡᠤ ᠶᠢᠨ ᠪᠦᠴᠡᠯᠠᠪᠴᠢ ᠬᠠᠳᠠᠳᠠᠭ᠃ ᠦᠨᠡᠭᠡᠨ ᠮᠠᠯᠠᠭᠠᠢ ᠶᠢ ᠡᠮᠤᠰᠬᠦ ᠳᠡᠭᠡᠨ ᠰᠠᠷᠠᠪᠴᠢ ᠶᠢ ᠨᠢ ᠲᠡᠭᠡᠭᠰᠢ ᠡᠷᠬᠢᠭᠦᠯᠪᠡᠯ ᠬᠤᠶᠠᠷ ᠴᠢᠬᠢᠨ ᠤ ᠬᠢᠨᠢ ᠬᠦᠪᠡᠭᠡ ᠲᠠᠭᠠᠨ ᠡᠷᠬᠢᠭᠡᠳ᠂ ᠦᠰᠦ ᠨᠢ ᠭᠠᠳᠠᠭᠰᠢ ᠬᠠᠷᠠᠨ ᠨᠡᠩ ᠭᠤᠶᠤᠮᠰᠤᠭ ᠬᠠᠷᠠᠭᠳᠠᠳᠠᠭ᠃ ᠵᠠᠯᠠᠭᠠᠳᠦ ᠮᠠᠯᠠᠭᠠᠢ ᠪᠤᠯ ᠪᠠᠷᠢ ᠬᠦᠮᠦᠨ ᠤ ᠲᠦᠷᠦ ᠶᠤᠰᠦᠨ ᠤ ᠮᠠᠯᠠᠭᠠᠢ ᠶᠤᠮ᠃ ᠶᠡᠩᠵᠦ ᠬᠡᠯᠪᠡᠷᠢ ᠨᠢ ᠲᠤᠭᠤᠢ ᠮᠠᠯᠠᠭᠠᠢ ᠲᠠᠢ ᠠᠳᠠᠯᠢᠪᠳᠤᠷ ᠪᠤᠯᠪᠠᠴᠦ ᠤᠷᠤᠢ  ᠨᠢ ᠲᠤᠭᠤᠢ ᠮᠠᠯᠠᠭᠠᠢ ᠠᠴᠠ ᠲᠤᠯᠢ ᠦᠨᠳᠦᠷ᠂ ᠰᠠᠷᠠᠪᠴᠢ ᠨᠢ ᠶᠠᠯᠢᠭᠦᠷ ᠴᠤᠮᠪᠤᠭᠤᠷ᠂ ᠪᠤᠯᠠᠭ᠎ᠠ᠂ ᠬᠠᠯᠢᠭᠤ ᠵᠡᠷᠭᠡ ᠠᠮᠢᠳᠡᠨ ᠤ ᠠᠷᠠᠰᠦ ᠪᠠᠷ ᠭᠠᠳᠠᠷ ᠲᠠᠳᠠᠭᠰᠠᠨ ᠪᠠᠶᠢᠳᠠᠭ᠃ ᠵᠠᠯᠠᠭᠠᠳᠦ ᠮᠠᠯᠠᠭᠠᠢ ᠶᠢᠨ ᠤᠷᠤᠢ ᠲᠡᠭᠡᠷ᠎ᠡ ᠮᠦᠡᠭᠭᠦᠨ ᠤᠳᠠᠰᠦ ᠪᠠᠷ ᠬᠡᠯᠬᠢᠭᠰᠡᠨ ᠱᠢᠷᠦᠨ ᠲᠣᠪᠴᠢ ᠶᠢ ᠤᠯᠠᠭᠠᠨ ᠵᠠᠯᠠᠭ᠎ᠠ᠂ ᠤᠯᠠᠭᠠᠨ ᠲᠤᠷᠭᠠᠨ ᠬᠤᠤᠰ ᠪᠦᠴᠨ ᠶᠢᠨ ᠬᠠᠮᠳᠦ ᠬᠠᠳᠠᠭᠰᠠᠨ ᠪᠠᠶᠢᠳᠠᠭ᠃ ᠤᠯᠠᠭᠠᠨ ᠲᠤᠷᠭᠠᠨ ᠪᠦᠴᠨ ᠨᠢ ᠲᠡᠯᠤ ᠮᠦᠷᠦ ᠬᠦᠷᠤᠭ᠍ᠰᠡᠨ ᠤᠷᠳᠤ᠂ ᠲᠡᠭᠡᠷ᠎ᠡ ᠨᠢ ᠠᠯᠳᠠ ᠮᠦᠡᠭᠭᠦᠨ ᠤᠳᠠᠰᠤ ᠪᠠᠷ ᠦᠯᠵᠡᠢ ᠵᠡᠩᠬᠢᠶ᠎ᠡ ᠵᠡᠷᠭᠡ ᠭᠡ ᠤᠭᠠᠯᠵᠨ ᠬᠠᠳᠬᠤᠭᠰᠠᠨ ᠴᠤ ᠪᠠᠶᠢᠳᠠᠭ᠃ ᠵᠠᠯᠠᠭᠠᠳᠦ ᠮᠠᠯᠠᠭᠠᠢ ᠶᠢ ᠵᠠᠯᠠᠭ᠎ᠠ ᠲᠠᠢ ᠨᠢ ᠦᠡᠭᠭᠡ ᠢᠵᠢᠯᠰᠢᠭᠦᠯᠦᠨ ᠤᠯᠠᠭᠠᠨ ᠲᠤᠷᠭ᠎ᠠ ᠪᠠᠷ ᠭᠠᠳᠠᠷᠯᠠᠵᠦ᠂ ᠡᠷᠡᠤ ᠶᠢᠨ ᠪᠦᠴᠡᠯᠠᠪᠴᠢ ᠬᠠᠳᠠᠳᠠᠭ᠃ ᠡᠪᠤᠯ ᠴᠠᠭ ᠵᠠᠯᠠᠭᠠᠳᠦ ᠮᠠᠯᠠᠭᠠᠢ ᠲᠠᠢ ᠪᠠᠨ ᠵᠡᠷᠭᠡᠴᠡᠭᠦᠯᠦᠨ ᠵᠠᠳᠠᠭᠠᠢ ᠤᠷᠤᠢ ᠲᠠᠢ ᠬᠤᠯᠤᠭᠤᠪᠴᠢ ᠡᠮᠣᠰᠴᠣ᠂ ᠴᠢᠬᠢ ᠬᠦᠵᠦᠬᠦᠤ ᠪᠠᠨ ᠬᠠᠮᠠᠭᠠᠯᠠᠳᠠᠭ ᠪᠠᠶᠢᠵᠠᠢ᠃ ᠲᠡᠷᠨ ᠨᠢ ᠮᠠᠯᠠᠭᠠᠢ ᠪᠢᠰᠢ᠂ ᠵᠦᠪᠭᠡᠨ ᠴᠢᠰᠴᠡᠤ ᠲᠤᠷᠭᠠᠨ ᠭᠠᠳᠠᠷ᠂ ᠬᠤᠷᠠᠭᠠᠨ ᠲᠤᠳᠤᠷ ᠲᠠᠢ ᠪᠤᠶᠤ ᠬᠦᠪᠤᠩᠳᠡᠢ ᠴᠢᠬᠢᠭᠳᠡᠢ ᠲᠡᠳᠦᠢ ᠪᠢᠯᠨ᠃ ᠡᠭᠦᠨ ᠠᠴᠠ ᠭᠠᠳᠠᠨ᠎ᠠ ᠴᠠᠬᠠᠷᠴᠤᠳ ᠶᠠᠷᠦ ᠶᠢᠨ ᠠᠵᠢᠯ ᠠᠮᠢᠳᠦᠷᠡᠯ ᠤᠨ ᠲᠤᠮᠳᠠ ᠪᠠᠨ ᠲᠡᠶᠢᠯᠤᠩᠬᠢ ᠨᠢ ᠠᠯᠴᠢᠭᠤᠷ ᠤᠷᠢᠶᠠᠳᠠᠭ ᠵᠡᠩᠰᠢᠯ ᠲᠠᠢ᠃ ᠪᠦᠰᠡᠳᠠᠶᠢᠴᠣᠳ ᠨᠢ ᠠᠷᠪᠠᠭᠠᠳ ᠲᠤᠬᠤᠢ ᠤᠷᠳᠤ ᠴᠠᠭᠠᠨ᠂ ᠪᠤᠷᠤ᠂ ᠬᠦᠭᠡ ᠵᠡᠷᠭᠡ ᠦᠡᠭᠭᠡ ᠶᠢᠨ ᠨᠢᠮᠭᠡᠨ ᠶᠤᠷᠤᠭ ᠢᠶᠠᠷ ᠲᠤᠯᠤᠭᠠᠢ ᠪᠠᠨ ᠴᠠᠭᠠᠷᠢᠯᠠᠨ ᠤᠷᠢᠶᠠᠵᠦ᠂ ᠡᠮᠨᠢᠭ ᠲᠤᠭᠰᠢᠨ ᠲᠠᠢ ᠨᠤᠴᠤᠯᠳᠤᠬᠤ  ᠳᠠᠭᠠᠨ  ᠰᠢᠨ᠋ᠨ ᠲᠡᠷᠢᠬᠢ ᠪᠠᠨ ᠬᠠᠮᠠᠭᠠᠯᠠᠨ᠂ ᠬᠦᠷ ᠬᠦᠢᠳᠡᠨ ᠳᠤ ᠴᠢᠬᠢ ᠪᠠᠨ ᠲᠠᠷᠤᠵᠦ  ᠬᠦᠵᠦᠭᠦᠤ ᠪᠠᠨ ᠤᠷᠢᠶᠠᠨ ᠶᠠᠪᠤᠳᠠᠭ ᠪᠠᠶᠢᠵᠡᠢ᠃ ᠪᠦᠰᠡᠭᠦᠢ ᠬᠦᠮᠦᠨ ᠤ ᠠᠯᠴᠢᠭᠤᠷ ᠨᠢ ᠪᠦᠰᠡᠳᠠᠶᠢᠴᠤᠳ ᠤᠨ ᠬᠢ ᠠᠴᠠ ᠪᠤᠭᠤᠨᠢᠬᠠᠨ ᠮᠦᠷᠳᠡᠭᠡᠨ ᠨᠠᠰᠦᠨ ᠤ ᠪᠠᠨ ᠪᠠᠶᠢᠳᠡᠯ ᠳᠤ ᠲᠤᠬᠢᠷᠠᠭᠰᠠᠨ ᠦᠡᠭᠭᠡ ᠪᠦᠷᠢ ᠶᠢᠨ ᠲᠤᠷᠳᠤᠩ ᠠᠯᠴᠢᠭᠤᠷ ᠤᠷᠢᠶᠠᠵᠦ᠂ ᠦᠰᠦ ᠭᠡᠵᠢᠭᠡ ᠪᠠᠨ ᠲᠠᠷᠤᠵᠦ ᠪᠤᠭᠤᠳᠠᠭ ᠪᠠᠶᠢᠵᠡᠢ᠃ ᠤᠷᠤᠯᠳᠤᠭᠠᠨ ᠮᠤᠷᠢ ᠵᠠᠶᠢᠳᠠᠯᠠᠬᠤ ᠬᠡᠣᠭᠡᠳ ᠶᠠᠭᠠᠨ᠂ ᠨᠤᠭᠤᠭᠠᠨ ᠲᠤᠷᠳᠤᠩ ᠠᠯᠴᠢᠭᠤᠷ ᠢᠶᠠᠷ ᠲᠤᠯᠤᠭᠠᠢ ᠪᠠᠨ ᠤᠷᠢᠶᠠᠨ᠂ ᠬᠤᠶᠠᠷ ᠦᠵᠦᠭᠦᠷ ᠢ ᠨᠢ ᠰᠢᠨ᠋ᠨ ᠳᠠᠭᠠᠨ ᠵᠡᠩᠬᠢᠳᠴᠦ ᠤᠨᠵᠢᠭᠤᠯᠤᠭᠰᠠᠨ ᠪᠠᠶᠢᠳᠠᠭ᠃           ᠭᠤᠳᠤᠯ ᠴᠠᠬᠠᠷ ᠮᠠᠶ᠋ᠢᠭ ᠤᠨ ᠭᠤᠳᠤᠯ ᠢ ᠪᠤᠯᠢᠭᠠᠷᠢ ᠭᠤᠳᠤᠯ ᠪᠠ ᠪᠦᠰ ᠭᠤᠳᠤᠯ ᠭᠡᠵᠦ ᠬᠤᠶᠠᠷ ᠲᠦᠷᠦᠯ ᠬᠤᠪᠢᠶᠠᠨ᠎ᠠ᠃ ᠡᠰᠭᠡᠵᠦ ᠤᠶᠤᠬᠤ ᠳᠠᠭᠠᠨ ᠵᠤᠯᠤᠭ᠂ ᠲᠦᠷᠡᠢ᠂ ᠵᠤᠤᠵᠡᠢ᠂ ᠤᠯᠨ᠂ ᠬᠠᠪᠴᠢᠶᠠᠷᠢ᠂ ᠡᠮᠵᠢᠶᠡᠷᠢ ᠭᠡᠵᠦ ᠢᠯᠭᠠᠨ᠎ᠠ᠃ ᠦᠭᠡᠷ ᠤᠨ ᠠᠷᠠᠰᠦᠨ ᠪᠤᠯᠢᠭᠠᠷᠢ ᠪᠠᠷ ᠭᠤᠤᠯᠳᠠᠭᠤ ᠡᠭᠡᠳᠡᠩ ᠭᠤᠳᠤᠯ᠂ ᠱᠦᠪᠤᠭᠡᠷ ᠬᠤᠨᠭ᠍ᠰᠢᠶᠠᠷ ᠲᠠᠢ ᠭᠤᠳᠤᠯ᠂ ᠮᠤᠬᠤᠭᠤ ᠬᠠᠮᠠᠷ ᠲᠠᠢ ᠭᠤᠳᠤᠯ ᠤᠶᠤᠳᠠᠭ ᠪᠦᠭᠡᠳ ᠪᠤᠯᠢᠭᠠᠷᠢᠨ ᠭᠤᠳᠤᠯ ᠳᠠᠭᠠᠨ ᠴᠠᠪᠤᠭ ᠤᠨ ᠪᠦᠰ ᠢᠶᠠᠷ ᠭᠤᠷᠪᠠ  ᠠᠴᠠ ᠲᠠᠪᠤᠨ ᠲᠠᠪᠬᠤᠷ ᠨᠠᠭᠠᠵᠦ᠂ ᠦᠯᠮᠠᠢ ᠦᠰᠦᠭᠡᠢ ᠳᠤ ᠨᠢ ᠪᠤᠯᠢᠭᠠᠷᠢ ᠲᠠᠯᠪᠢᠨ ᠤᠯᠤᠰᠦᠨ ᠤᠳᠠᠰᠤ ᠪᠠᠷ ᠲᠤᠵᠢ ᠰᠢᠷᠢᠭᠰᠡᠨ ᠬᠠᠳᠠᠭᠤ ᠮᠦᠷᠳᠡᠭᠡᠨ ᠪᠦᠭᠡ ᠤᠯᠨ ᠲᠠᠭᠠᠷᠠᠭᠤᠯᠵᠦ᠂ ᠭᠤᠳᠤᠯ ᠤᠨ ᠡᠮᠤᠨ᠎ᠡ ᠬᠤᠶᠢᠳᠦ ᠠᠭᠤᠯᠵᠠᠷ ᠬᠢᠭᠡᠳ ᠲᠦᠷᠡᠢ ᠵᠤᠯᠤᠭ᠂ ᠵᠤᠯᠤᠭ ᠤᠯᠨ ᠶᠢᠨ ᠵᠠᠪᠰᠠᠷ ᠲᠤ ᠪᠦᠷ ᠨᠤᠭᠤᠭᠠᠨ ᠰᠠᠷᠢᠰᠦ ᠪᠠᠷ ᠬᠠᠪᠴᠢᠶᠠᠷᠢ ᠲᠠᠢ ᠣᠶᠤᠵᠤ ᠲᠦᠷᠠᠢ  ᠶᠢᠨ ᠲᠡᠭᠡᠳᠦ  ᠶᠢ ᠨᠢ ᠨᠣᠭᠤᠭᠠᠨ ᠰᠠᠷᠢᠰᠣ ᠪᠣᠶᠤ ᠨᠢᠮᠭᠡᠨ ᠪᠣᠯᠢᠭᠠᠷᠢ ᠪᠠᠷ ᠡᠮᠵᠢᠶᠠᠷᠢᠯᠡᠳᠡᠭ᠃ ᠪᠤᠯᠢᠭᠠᠷᠢᠨ ᠭᠤᠳᠤᠯ ᠢ ᠡᠮᠤᠰᠬᠦ ᠳᠡᠭᠡᠨ ᠲᠤᠯᠠᠭᠠᠨ ᠴᠠᠭ ᠲᠤ ᠪᠤᠯ ᠲᠦᠷᠪᠡᠯᠵᠢᠨ ᠪᠥᠰ ᠬᠦᠯ  ᠤᠨ ᠣᠷᠢᠶᠠᠯᠳᠠ ᠵᠠᠷᠣᠬᠤ ᠪᠣᠶᠤ ᠲᠠᠪᠬᠤᠷ ᠣᠶᠢᠮᠣᠰᠣ ᠡᠮᠣᠰᠴᠣ᠂ ᠬᠦᠢᠳᠡᠨ ᠴᠠᠭ ᠲᠤ ᠪᠣᠯ ᠬᠦᠪᠣᠩᠳᠠᠢ ᠪᠣᠶᠣ ᠢᠰᠡᠭᠡᠢ ᠣᠶᠢᠮᠣᠰᠣ ᠡᠮᠣᠰᠣᠭᠡᠳ᠂ ᠣᠶᠢᠮᠣᠰᠣᠨ ᠲᠦᠷᠡᠢ  ᠪᠠᠨ ᠭᠤᠳᠣᠯ  ᠠᠴᠠ ᠲᠡᠭᠡᠰᠢ ᠭᠤᠷᠪᠠᠨ ᠬᠤᠷᠤᠭᠤ ᠬᠢᠷᠢᠳᠠᠢ ᠭᠠᠷᠭᠠᠵᠤ᠂ ᠬᠤᠷᠭᠤᠢ ᠲᠣᠷᠭ᠎ᠠ  ᠪᠠᠷ ᠠᠯᠠᠭᠯᠠᠨ ᠬᠦᠪᠡᠭᠡᠯᠡᠵᠤ ᠭᠤᠶᠣᠯᠠᠭᠰᠠᠨ ᠪᠠᠶᠢᠳᠠᠭ᠃ ᠵᠠᠷᠢᠮ ᠭᠠᠵᠠᠷ ᠲᠤ ᠭᠤᠶᠣᠯᠠᠵᠤ ᠴᠢᠮᠡᠭᠯᠡᠭᠰᠡᠨ ᠲᠤᠰᠬᠠᠢ ᠲᠦᠷᠡᠶᠢᠪᠴᠢ ᠲᠠᠢ᠃ ᠨᠠᠷᠢᠨ ᠰᠣᠷ ᠢᠶᠠᠷ ᠭᠤᠳᠣᠯ  ᠢᠶᠠᠨ ᠨᠣᠭᠳᠣᠯᠠᠵᠤ ᠡᠮᠣᠰᠳᠡᠭ ᠴᠣ᠋ ᠪᠣᠢ᠃ ᠪᠥᠰ ᠭᠤᠳᠣᠯ ᠨᠢ ᠵᠣᠵᠠᠭᠠᠨ ᠨᠠᠭᠠᠭᠰᠠᠨ ᠴᠠᠪᠣᠭ  ᠤᠨ ᠪᠥᠰ  ᠢᠶᠠᠷ ᠵᠣᠯᠤᠭ ᠲᠦᠷᠡᠢ  ᠶᠢ ᠨᠢ ᠡᠰᠭᠡᠨ ᠬᠠᠷ᠎ᠠ ᠪᠥᠰ ᠪᠣᠶᠤ ᠥᠭᠡᠳᠡᠩ  ᠢᠶᠠᠷ ᠭᠠᠳᠠᠷᠯᠠᠵᠤ᠂ ᠲᠡᠭᠡᠷ᠎ᠡ ᠨᠢ ᠬᠤᠸᠠᠷ ᠬᠠᠳᠬᠤᠨ ᠣᠭᠠᠯᠵᠨ ᠰᠢᠷᠢᠵᠤ ᠣᠶᠣᠭᠠᠳ ︽ᠥᠭᠡᠳᠡᠩ ᠭᠤᠳᠣᠯ︾ ᠪᠣᠶᠤ ︽ᠰᠢᠷᠢᠮᠠᠯ ᠭᠤᠳᠣᠯ︾ ᠭᠡᠵᠤ ᠨᠡᠷᠡᠯᠡᠳᠡᠭ᠃ ᠪᠥᠰ ᠭᠤᠳᠣᠯ  ᠢ ᠭᠤᠣᠯᠳᠠᠭᠤ ᠪᠥᠰᠡᠬᠦᠢ ᠬᠦᠮᠣᠨ ᠡᠮᠣᠰᠳᠡᠭ ᠲᠣᠯᠨ ᠣᠯᠨ  ᠶᠢ ᠨᠢ ᠵᠦᠭᠡᠯᠡᠨ ᠮᠥᠷᠳᠡᠭᠡᠨ ᠬᠦᠩᠭᠡᠨ ᠬᠢᠳᠡᠭ ᠪᠠᠶᠢᠵᠠᠢ᠃ ᠰᠡᠬᠦᠯᠳᠡᠵᠤ ᠢᠷᠡᠭᠡᠳ ᠰᠡᠪᠬᠢᠨ ᠭᠤᠳᠣᠯ ᠪᠠ ᠢᠰᠡᠭᠡᠢ ᠭᠤᠳᠣᠯ ᠭᠡᠵᠤ ᠭᠠᠷᠴᠣ ᠢᠷᠡᠭᠰᠡᠨ ᠢ ᠠᠳᠡ ᠦᠬᠦᠯᠡᠬᠦ ᠦᠭᠡᠢ᠃            ᠭᠡᠳᠡ᠂ ᠬᠢᠳᠤᠭ᠎ᠠ᠂ ᠲᠣᠣᠬᠠᠢᠴᠠᠬᠠᠷ  ᠤᠨ ᠪᠦᠰᠡᠳᠠᠶᠢᠴᠣᠳ ᠵᠡᠬᠦᠨ ᠪᠠᠷᠠᠭᠤᠨ ᠲᠠᠰᠢᠶᠠᠨ  ᠳᠠᠭᠠᠨ ᠭᠡᠳᠡ ᠬᠢᠳᠤᠭ᠎ᠠ ᠬᠤᠣᠰᠯᠠᠭᠤᠯᠣᠨ ᠵᠡᠬᠦᠵᠣ ᠶᠠᠪᠣᠳᠠᠭ ᠵᠠᠩᠰᠢᠯ ᠲᠠᠢ᠃ ᠲᠡᠷᠨ ᠨᠢ ᠡᠷ᠎ᠡ ᠬᠦᠮᠣᠨ  ᠳᠤ ᠴᠢᠮᠡᠭ ᠰᠦᠷ ᠨᠡᠮᠡᠬᠦ ᠮᠥᠷᠳᠡᠭᠡᠨ ᠠᠰ ᠠᠰ  ᠤᠨ ᠬᠡᠷᠡᠭᠴᠡᠭᠡ ᠲᠠᠢ ᠪᠠᠶᠢᠳᠠᠭ᠃ ᠴᠠᠬᠠᠷ ᠮᠠᠶ᠋ᠢᠭ  ᠤᠨ ᠬᠢᠳᠤᠭ᠎ᠠ ᠨᠢ ᠡᠭᠴᠨ ᠪᠠᠷᠢᠭᠤᠯ᠂ ᠮᠥᠩᠬᠦᠨ ᠬᠤᠢ ᠲᠠᠢ ᠪᠥᠭᠡᠳ ᠶᠠᠰᠣᠨ ᠰᠠᠪᠬ᠎ᠠ ᠵᠡᠷᠭᠡᠴᠡᠬᠦᠯᠣᠨ ᠰᠠᠪᠠᠯᠠᠵᠤ᠂ ᠬᠤᠢ  ᠶᠢᠨ ᠣᠷᠳᠦ ᠨᠢ ᠵᠢᠷᠭᠤᠭ᠎ᠠ  ᠠᠴᠠ ᠨᠠᠢᠮᠠᠨ ᠢᠮᠠᠬᠤ᠂ ᠪᠠᠷᠢᠭᠤᠯ  ᠤᠨ ᠣᠷᠳᠦ ᠨᠢ ᠭᠤᠷᠪᠠᠨ ᠢᠮᠠᠬᠤ ᠬᠢᠷᠢᠳᠠᠢ᠃ ᠬᠢᠳᠣᠭᠠᠨ ᠪᠠᠷᠢᠭᠤᠯ ᠬᠢᠭᠡᠳ ᠬᠤᠢ  ᠶᠢ ᠽᠠᠨᠳᠠᠨ ᠮᠣᠳᠦ ᠪᠣᠶᠤ ᠣᠭᠤᠨᠣ  ᠶᠢᠨ ᠡᠪᠡᠷ  ᠢᠶᠠᠷ ᠦᠢᠯᠡᠳᠴᠣ᠂ ᠭᠠᠳᠠᠭᠤᠷ ᠨᠢ ᠭᠡ ᠰᠠᠶᠢᠯᠪᠣᠷᠢ ᠲᠠᠢ ᠮᠥᠩᠬᠦ  ᠪᠠᠷ ᠪᠥᠷᠢᠭᠡᠳ᠂ ᠵᠢᠵᠢᠭ ᠰᠢᠬᠢᠳᠭᠡᠭᠡ ᠰᠠᠭᠤᠯᠭᠠᠭᠰᠠᠨ ᠴᠣ᠋ ᠪᠣᠢ᠃ ᠬᠢᠳᠤᠭ᠎ᠠ  ᠶᠢ ᠣᠬᠢ ᠴᠢᠨᠠᠷ  ᠤᠨ ᠪᠣᠯᠣᠳ  ᠢᠶᠠᠷ ᠲᠡᠪᠳᠠᠵᠤ ᠦᠢᠯᠡᠳᠣᠨ᠂ ᠰᠠᠪᠬ᠎ᠠ  ᠶᠢ ᠨᠢ ᠵᠠᠭᠠᠨ  ᠤ ᠰᠣᠶᠤᠭ᠎ᠠ ᠪᠣᠶᠤ ᠲᠡᠮᠡᠭᠡᠨ ᠰᠢᠯᠪᠢ  ᠶᠢᠨ ᠶᠠᠰᠣ  ᠪᠠᠷ ᠨᠠᠷᠢᠯᠢᠭ ᠣᠶᠢᠯᠡᠳᠴᠣ ᠲᠣᠯᠣᠭᠠᠢ ᠳᠤ ᠨᠢ ᠠᠪᠰᠠᠷᠬᠠᠨ ᠮᠥᠩᠬᠦᠨ ᠲᠤᠭ ᠣᠭᠯᠠᠭᠰᠠᠨ ᠪᠠᠶᠢᠳᠠᠭ᠃ ᠬᠤᠢ  ᠶᠢᠨ ᠲᠣᠯᠣᠭᠠᠢ  ᠳᠤ ᠯᠣᠣ ᠶᠢᠨ ᠲᠣᠯᠣᠭᠠᠢ ᠰᠠᠶᠢᠯᠪᠣᠷᠢᠯᠡᠭᠰᠡᠨ ᠮᠥᠩᠬᠦᠨ ᠰᠠᠨᠵᠢ ᠲᠠᠢ ᠪᠥᠭᠡᠳ ᠲᠡᠬᠦᠨ  ᠠᠴᠠ ᠮᠥᠩᠬᠦᠨ ᠬᠢᠨᠵᠢ ᠪᠣᠶᠤ ᠮᠢᠨᠳᠠᠰᠣᠨ ᠣᠳᠠᠰᠣ  ᠪᠠᠷ ᠠᠯᠠᠭᠯᠠᠵᠤ ᠬᠦᠷᠦᠭᠰᠡᠨ ᠣᠭᠤᠰᠣᠷ  ᠢᠶᠠᠷ ᠬᠤᠯᠪᠣᠵᠤ᠂ ᠵᠢᠵᠢᠭ ᠮᠥᠩᠬᠦᠨ ᠲᠤᠶᠢᠭ᠂ ᠮᠥᠩᠬᠦᠨ ᠵᠣᠭᠤᠰ ᠪᠣᠶᠤ ᠲᠤᠮᠤ ᠰᠢᠬᠢᠳᠭᠡᠭᠡ ᠲᠠᠢ ᠪᠠᠯ  ᠢᠶᠠᠷ ᠲᠡᠭᠡᠭ ᠪᠣᠯᠭᠠᠨ᠂ ᠪᠠᠷᠠᠭᠤᠨ ᠲᠠᠰᠢᠶᠠᠨ ᠳᠠᠬᠢ ᠲᠤᠤᠬᠠᠢ ᠠᠴᠠ  ᠪᠠᠨ ᠵᠡᠬᠦᠳᠡᠭ᠃ ᠬᠢᠳᠤᠭ᠎ᠠ ᠨᠢ ᠠᠩ ᠬᠦᠷᠤᠭᠡ ᠬᠢᠬᠦ᠂ ᠢᠳᠡᠰᠢ ᠵᠠᠷᠣᠬᠤ᠂ ᠣᠷᠭ᠎ᠠ ᠵᠠᠰᠠᠵᠤ᠂ ᠴᠢᠳᠣᠷ ᠰᠡᠯᠪᠢᠬᠦ᠂ ᠡᠮᠡᠭᠡᠯ ᠬᠠᠵᠠᠭᠠᠷ ᠰᠣᠷᠯᠠᠬᠤ᠂ ᠠᠷᠢᠶᠠᠳᠠᠨ ᠲᠤᠭᠰᠢᠳ  ᠠᠴᠠ ᠪᠡᠶ᠎ᠡ  ᠪᠠᠨ ᠬᠠᠮᠠᠭᠠᠯᠠᠬᠤ ᠵᠡᠷᠭᠡ ᠣᠯᠠᠨ ᠬᠡᠷᠡᠭᠴᠡᠭᠡ  ᠲᠠᠢ ᠪᠥᠭᠡᠳ ᠶᠡᠷᠣ ᠶᠢᠨ ᠴᠠᠭ ᠬᠤᠢ ᠠᠴᠠ ᠨᠢ ᠰᠠᠯᠭᠠᠵᠤ ᠲᠠᠯᠪᠢᠳᠠᠭ ᠦᠭᠡᠢ᠃ᠭᠡᠳᠡ ᠨᠢ ᠬᠠᠪᠢᠷᠭᠠᠨ ᠰᠠᠷᠠᠨ ᠭᠡᠯᠪᠡᠷᠢ  ᠶᠢᠨ ᠭᠠᠩ ᠰᠠᠶᠢᠳᠠᠢ ᠲᠠᠯ ᠲᠡᠮᠣᠷ  ᠢ ᠬᠠᠪᠳᠠᠭᠠᠢ ᠲᠦᠷᠪᠡᠯᠵᠢᠨ ᠭᠡᠯᠪᠡᠷᠢ  ᠶᠢᠨ ᠪᠣᠯᠢᠭᠠᠷᠢᠨ ᠲᠤᠭᠳᠣᠢ  ᠳᠤ ᠡᠮᠬᠦᠬᠦᠯᠣᠨ ᠰᠠᠭᠤᠯᠭᠠᠵᠤ᠂ ᠢᠷᠮᠡᠭ ᠬᠦᠪᠡᠭᠡ  ᠶᠢ ᠨᠢ ᠨᠢᠮᠭᠡᠨ ᠲᠠᠪᠳᠠᠭᠰᠠᠨ ᠮᠥᠩᠬᠦ᠂ ᠭᠠᠣᠯᠢ  ᠪᠠᠷ ᠴᠢᠮᠬᠢᠵᠤ ᠪᠠᠬᠢᠯᠡᠭᠡᠳ᠂ ᠥᠨᠴᠥᠭ ᠪᠣᠯᠣᠩ ᠳᠤ ᠨᠢ ᠣᠭᠠᠯᠵᠨ ᠰᠠᠶᠢᠯᠪᠣᠷᠢ ᠲᠠᠢ ᠮᠥᠩᠬᠦ  ᠪᠠᠷ ᠴᠢᠮᠡᠭᠰᠡᠨ ᠪᠠᠶᠢᠳᠠᠭ᠃ ᠪᠣᠯᠢᠭᠠᠷᠢᠨ ᠲᠣᠭᠳᠣᠢ  ᠳᠠᠭᠠᠨ ᠴᠠᠬᠢᠭᠤᠷ ᠴᠢᠯᠠᠭᠤ ᠪᠠ ᠣᠯᠨ ᠡᠪᠡᠰᠣ ᠪᠠᠶᠢᠩᠭᠤ ᠰᠠᠪᠠᠯᠠᠨ᠂ ᠴᠠᠬᠢᠭᠤᠷ ᠲᠡᠭᠡᠷ᠎ᠡ ᠣᠯᠨ ᠡᠪᠡᠰᠣ  ᠪᠠᠨ ᠲᠠᠯᠪᠢᠭᠠᠳ ᠭᠡᠳᠡ  ᠪᠠᠷ ᠬᠠᠪᠢᠷᠣᠨ ᠴᠣᠬᠢᠪᠠᠯ᠂ ᠦᠰᠦᠷᠦᠭᠰᠡᠨ ᠣᠴᠢ  ᠳᠤ ᠨᠢ ᠣᠯᠨ ᠡᠪᠡᠰᠣ ᠣᠩᠭᠤᠰᠳᠠᠭ ᠪᠠᠶᠢᠨ᠎ᠠ᠃ ᠡᠬᠦᠨ  ᠢᠶᠠᠷ ᠲᠠᠮᠠᠬᠢ ᠨᠡᠷᠡᠬᠦ ᠪᠣᠶᠤ ᠭᠠᠯ ᠨᠣᠴᠣᠭᠠᠳᠠᠭ᠃ ᠭᠡᠳᠡ  ᠶᠢᠨ ᠲᠡᠭᠡᠳᠦ ᠲᠠᠯ᠎ᠠ  ᠳᠤ ᠮᠥᠩᠬᠦᠨ ᠰᠠᠨᠵᠢ ᠲᠠᠢ᠃ ᠲᠡᠬᠦᠨ  ᠠᠴᠠ ᠮᠥᠩᠬᠦᠨ ᠬᠢᠨᠵᠢ ᠪᠣᠶᠤ ᠰᠦᠯᠵᠢᠮᠠᠯ ᠮᠢᠨᠳᠠᠰᠣᠨ ᠣᠭᠤᠰᠣᠷ ᠬᠤᠯᠪᠣᠵᠤ᠂ ᠦᠵᠣᠬᠦᠷ ᠲᠠᠬᠢ ᠮᠥᠩᠬᠦᠨ ᠲᠤᠶᠢᠭ᠂ ᠮᠥᠩᠬᠦᠨ ᠪᠠᠯ᠂ ᠭᠠᠩᠰᠠᠨ ᠲᠤᠭᠰᠢᠭᠤᠷ ᠵᠡᠷᠭᠡ ᠲᠡᠭᠡᠭ  ᠢᠶᠠᠷ ᠨᠢ ᠵᠡᠬᠦᠨ ᠲᠠᠰᠢᠶᠠᠨ ᠳᠠᠬᠢ ᠲᠣᠣᠬᠠᠢ  ᠠᠴᠠ ᠵᠡᠬᠦᠳᠡᠭ᠃ ᠲᠣᠣᠬᠠᠢ ᠭᠡᠳᠡᠭ ᠨᠢ ᠮᠥᠩᠬᠦ  ᠪᠠᠷ ᠴᠢᠳᠬᠤᠵᠤ ᠲᠡᠪᠳᠠᠭᠰᠠᠨ ᠲᠤᠭᠤᠷ  ᠤᠨ ᠭᠡᠯᠪᠡᠷᠢ ᠲᠠᠢ ᠬᠠᠪᠳᠠᠰᠣ᠃ ᠲᠡᠭᠡᠳᠦ ᠪᠡᠶ᠎ᠡ ᠳᠤ ᠨᠢ ᠲᠣᠮᠣ ᠱᠢᠷᠣᠨ ᠰᠢᠬᠢᠳᠭᠡᠭᠡ ᠰᠠᠭᠤᠯᠭᠠᠵᠤ᠂ ᠭᠡ ᠣᠭᠠᠯᠵᠠᠨ ᠰᠠᠶᠢᠯᠪᠣᠷᠢ ᠲᠤᠭᠤᠷᠢᠭᠤᠯᠣᠨ ᠴᠢᠮᠡᠭᠡᠳ᠂ ᠲᠤᠤᠷᠠᠳᠦ ᠪᠡᠶ᠎ᠡ ᠳᠤ ᠨᠢ ᠭᠡᠳᠡ ᠬᠢᠳᠣᠭᠠᠨ  ᠤ ᠣᠭᠤᠰᠣᠷ  ᠤᠨ ᠲᠡᠭᠡᠭ  ᠢ ᠰᠦᠪᠡᠯᠡᠬᠦ ᠲᠠᠯ᠎ᠠ ᠰᠠᠷᠠᠨ ᠭᠡᠯᠪᠡᠷᠢ  ᠶᠢᠨ ᠨᠦᠭᠡ ᠲᠠᠢ ᠪᠠᠶᠢᠳᠠᠭ᠃ ᠲᠤᠤᠬᠠᠢ  ᠳᠤ ᠥᠷᠭᠡᠨ ᠪᠣᠯᠢᠭᠠᠷᠢ ᠭᠤᠭᠴᠤᠭ᠎ᠠ ᠬᠢᠵᠤ᠂ ᠪᠦᠰᠨ  ᠠᠴᠠ  ᠪᠠᠨ ᠭᠤᠭᠴᠣᠭᠠᠯᠠᠨ ᠵᠡᠬᠦᠳᠡᠭ ᠪᠥᠭᠡᠳ ᠵᠠᠪᠠᠯ ᠬᠤᠣᠰ  ᠢᠶᠠᠷ ᠨᠢ ᠡᠳ᠋ᠯᠡᠬᠦ ᠶᠣᠰᠣ ᠲᠠᠢ᠃ ᠬᠡᠳᠡ ᠬᠢᠳᠤᠭ᠎ᠠ ᠪᠠ ᠲᠣᠣᠬᠠᠢ  ᠶᠢ ᠵᠡᠬᠦᠬᠦ ᠦᠭᠡᠢ ᠦᠶ᠎ᠡ ᠳᠡᠭᠡᠨ ᠬᠠᠨ᠎ᠠ  ᠶᠢᠨ ᠲᠣᠯᠣᠭᠠᠢ  ᠠᠴᠠ ᠡᠯᠬᠦᠬᠦ ᠪᠣᠶᠣ ᠠᠪᠳᠠᠷ᠎ᠠ ᠱᠦᠬᠦᠢ ᠳᠡᠭᠡᠨ ᠬᠤᠷᠢᠶᠠᠵᠤ᠂ ᠬᠠᠮᠢᠶ᠎ᠠ ᠦᠭᠡᠢ ᠬᠠᠶᠠᠬᠤ  ᠶᠢ ᠣᠨᠴᠨ ᠴᠡᠭᠡᠷᠯᠡᠨ᠎ᠠ᠃          ᠬᠠᠳᠠᠭ᠂ ᠬᠦᠬᠦᠷ᠂ ᠰᠣᠶᠢᠯᠠᠩ ᠬᠠᠳᠠᠭ᠂ ᠬᠦᠬᠦᠷ ᠨᠢ  ᠲᠤᠰᠬᠠᠶᠢᠯᠠᠨ ᠵᠣᠯᠭᠠᠯᠳᠠ ᠠᠭᠤᠯᠵᠠᠯᠳᠠ  ᠳᠤ ᠵᠣᠷᠢᠭᠤᠯᠣᠭᠰᠠᠨ ᠬᠦᠨᠳᠦᠳᠭᠡᠯ ᠶᠣᠰᠣᠨ  ᠤ ᠡᠳ᠋ᠯᠡᠭᠡᠨ᠃ ᠵᠢᠯ ᠴᠠᠭᠠᠨ ᠰᠠᠷ᠎ᠠ᠂ ᠬᠤᠷᠢᠮ ᠨᠠᠶᠢᠷ᠂ ᠶᠡᠭᠡᠰ ᠨᠣᠶᠠᠳ ᠲᠠᠢ ᠪᠠᠷᠠᠭᠠᠯᠠᠬᠤ ᠳᠤ ᠯᠨ ᠬᠡᠷᠡᠭᠯᠡᠳᠡᠭ ᠪᠠᠶᠢᠵᠠᠢ ᠃ ᠴᠠᠬᠠᠷ ᠲᠤ ᠭᠤᠣᠯᠳᠠᠭᠤ ᠲᠠᠪᠤ ᠠᠴᠠ ᠵᠢᠷᠭᠤᠭᠠᠨ ᠲᠣᠬᠤᠢ ᠣᠷᠳᠦ ᠴᠠᠩᠭᠡᠷ ᠪᠣᠶᠤ ᠴᠠᠭᠠᠨ ᠥᠩᠭᠡ  ᠶᠢᠨ ᠲᠤᠷᠭᠠᠨ ᠬᠠᠳᠠᠭ  ᠢ ᠨᠡᠶᠢᠳᠡᠮ ᠬᠡᠷᠡᠭᠯᠡᠳᠡᠭ᠃ ᠶᠠᠰᠣ ᠴᠢᠨᠠᠷ ᠪᠠ ᠬᠢᠴᠨ ᠣᠷ᠎ᠠ  ᠪᠠᠷ ᠨᠢ  ︽ᠲᠡᠰᠢ ᠬᠠᠳᠠᠭ︾᠂ ︽ᠸᠠᠩᠳᠠᠨ ᠬᠠᠳᠠᠭ︾᠂ ︽ᠠᠶᠣᠰᠢ ᠬᠠᠳᠠᠭ︾ ᠭᠡᠵᠤ ᠢᠯᠭᠠᠵᠤ ᠨᠡᠷᠡᠯᠡᠳᠡᠭ᠃ ᠬᠠᠳᠠᠭ  ᠢᠶᠠᠨ ᠨᠣᠭᠤᠯᠣᠭᠠᠰᠣ ᠣᠷᠤᠭᠤᠯᠣᠯ ᠦᠭᠡᠢ ᠡᠪᠭᠡᠭᠡᠳ ᠡᠪᠣᠷᠯᠡᠵᠤ ᠶᠠᠪᠣᠬᠤ ᠪᠣᠶᠣ ᠪᠦᠰᠡᠳᠠᠶᠢᠴᠣᠳ ᠨᠢ ᠰᠣᠶᠢᠯᠠᠩ  ᠤᠨ ᠬᠠᠮᠳᠦ ᠵᠠᠬᠦᠨ ᠲᠠᠯ᠎ᠠ  ᠶᠢᠨ ᠪᠦᠰᠡᠨ ᠳᠡᠭᠡᠨ ᠬᠠᠪᠴᠢᠭᠤᠯᠵᠤ᠂ ᠪᠦᠰᠡᠬᠦᠶᠢᠴᠣᠳ ᠨᠢ ᠬᠠᠪᠳᠠᠭ᠎ᠠ ᠲᠠᠢ  ᠪᠠᠨ ᠵᠡᠷᠭᠡᠴᠡᠬᠦᠯᠣᠨ ᠡᠩᠭᠡᠷ  ᠲᠡᠭᠡᠨ ᠵᠡᠬᠦᠳᠡᠭ᠃ ᠵᠣᠯᠭᠠᠯᠳᠠ ᠬᠢᠬᠦ ᠳᠡᠭᠡᠨ ᠠᠬᠠᠮᠠᠳ ᠲᠣᠮᠣᠭᠠᠳᠠᠨ ᠢᠶᠠᠨ ᠵᠡᠪᠠᠯ ᠰᠠᠭᠠᠳᠠᠭᠤᠯᠵᠤ᠂ ᠬᠠᠳᠠᠭ  ᠢᠶᠠᠨ ᠲᠡᠯᠭᠡᠵᠤ ᠠᠯᠠᠭᠠᠨ ᠲᠡᠭᠡᠷ᠎ᠡ ᠨᠢ ᠲᠠᠯᠪᠢᠭᠰᠠᠨ  ᠤ ᠲᠠᠷᠠᠭ᠎ᠠ ᠬᠤᠶᠢᠰᠢ ᠣᠬᠤᠷᠢᠨ ᠬᠤᠷᠮᠣᠢ ᠲᠡᠪᠢᠰᠴᠣ ᠮᠥᠷᠬᠦᠭᠡᠳ ᠠᠮᠣᠷ ᠠᠶᠢᠯᠠᠳᠬᠠᠳᠠᠭ᠃ ᠦᠶ᠎ᠡ ᠬᠤᠷᠠᠭ ᠬᠦᠮᠣᠰ ᠵᠣᠯᠭᠠᠬᠤ  ᠳᠠᠭᠠᠨ ᠬᠤᠶᠠᠭᠤᠯᠨ ᠨᠢᠭᠤᠷᠯᠠᠨ ᠵᠣᠭᠰᠣᠵᠤ ᠪᠠᠶᠢᠭᠠᠳ ᠬᠠᠳᠠᠭ ᠵᠦᠷᠢᠬᠦᠯᠣᠨ ᠮᠡᠨᠳᠦ ᠮᠡᠳᠡᠯᠴᠡᠳᠡᠭ᠃ ᠪᠡᠯᠡᠭ ᠬᠦᠷᠭᠡᠬᠦ  ᠳᠤ ᠬᠠᠳᠠᠭ ᠲᠠᠢ ᠪᠠᠷᠢᠪᠠᠯ ᠬᠦᠨᠳᠦ ᠶᠤᠰᠣᠨ  ᠳᠤ ᠲᠤᠭᠠᠴᠢᠭᠳᠠᠨ᠎ᠠ᠃ ᠬᠦᠬᠦᠷ ᠨᠢ ᠬᠠᠰ᠂ ᠮᠠᠨᠣ᠂ ᠣᠭ᠍ᠶᠣ ᠵᠡᠷᠭᠡ ᠡᠷᠳᠡᠨᠢ  ᠶᠢᠨ ᠴᠢᠯᠠᠭᠤ  ᠪᠠᠷ ᠰᠠᠶᠢᠯᠵᠤ ᠦᠢᠯᠡᠳᠦᠭᠰᠡᠨ ᠬᠠᠪᠳᠠᠭᠠᠢ ᠪᠥᠮᠪᠣᠷᠭᠡᠨ ᠭᠡᠯᠪᠡᠷᠢ ᠲᠠᠢ ᠬᠠᠮᠠᠷ ᠲᠠᠮᠠᠬᠢᠨ  ᠤ ᠰᠠᠪᠠ ᠶᠣᠮ᠃ ᠭᠡ ᠰᠠᠶᠢᠯᠪᠣᠷᠢ ᠪᠠ ᠶᠡᠭᠡ ᠪᠠᠭ᠎ᠠ ᠨᠢ ᠠᠳᠠᠯᠢ ᠦᠭᠡᠢ ᠪᠠᠶᠢᠳᠠᠭ᠃ ᠬᠦᠬᠦᠷ  ᠤᠨ ᠲᠣᠯᠣᠭᠠᠢ  ᠳᠤ ᠮᠥᠩᠬᠦᠨ ᠲᠠᠪᠠᠭ ᠲᠠᠢ ᠪᠥᠭᠡᠳ ᠲᠡᠭᠡᠷ᠎ᠡ ᠨᠢ ᠨᠣᠮᠢᠨ ᠲᠡᠪᠢᠰᠭᠡᠷ ᠲᠠᠢ ᠱᠢᠷᠣᠨ ᠰᠢᠬᠢᠳᠭᠡᠭᠡ ᠰᠠᠭᠤᠯᠭᠠᠵᠤ᠂ ᠵᠠᠭᠠᠨ  ᠤ ᠰᠣᠶᠤᠭ᠎ᠠ ᠪᠣᠶᠤ ᠮᠥᠩᠬᠦ  ᠪᠠᠷ ᠦᠢᠯᠡᠳᠦᠭᠰᠡᠨ ᠵᠢᠵᠢᠭ ᠠᠪᠰᠠᠷᠬᠠᠨ ᠬᠠᠯᠪᠠᠭ᠎ᠠ  ᠶᠢ ᠨᠢᠭᠡ ᠴᠣᠭᠴᠨ ᠪᠣᠯᠭᠠᠨ ᠣᠭᠰᠠᠷᠠᠭᠰᠠᠨ ᠪᠠᠶᠢᠳᠠᠭ᠃ ᠴᠠᠬᠠᠷ  ᠤᠨ ᠵᠠᠩᠰᠢᠯ  ᠢᠶᠠᠷ᠂ ᠯᠠᠮᠨ ᠬᠦᠮᠣᠨ ᠯᠨ ᠬᠠᠮᠠᠷ ᠲᠠᠮᠠᠬᠢ ᠲᠠᠳᠠᠳᠠᠭ ᠲᠣᠯᠨ ᠬᠦᠬᠦᠷ ᠨᠢ ᠵᠣᠯᠭᠠᠵᠤ ᠮᠠᠨᠳᠣᠴᠢᠯᠡᠬᠦ ᠬᠡᠷᠡᠭᠰᠡᠯ ᠪᠣᠯᠣᠨ ᠣᠯᠠᠷᠢᠵᠠᠢ᠃ ᠭᠡᠪᠡᠴᠣ ᠪᠡᠯᠭᠡ  ᠶᠢ ᠪᠣᠳᠣᠨ ᠬᠦᠬᠦᠷ ᠲᠡᠭᠡᠨ ᠭᠡᠵᠢᠶᠡᠳᠡ ᠲᠠᠮᠠᠬᠢ ᠲᠠᠢ ᠪᠠᠶᠢᠳᠠᠭ᠃ ᠪᠦᠰᠡᠳᠠᠶᠢᠴᠣᠳ ᠨᠢ ᠰᠣᠶᠢᠯᠠᠩ  ᠳᠠᠭᠠᠨ ᠬᠢᠵᠤ ᠵᠡᠬᠦᠨ ᠲᠠᠯ᠎ᠠ  ᠶᠢᠨ ᠪᠦᠰᠡᠨ  ᠠᠴᠠ  ᠪᠠᠨ ᠬᠠᠨᠳᠣᠷᠣᠨ᠂ ᠪᠦᠰᠡᠬᠦᠶᠢᠴᠣᠳ ᠨᠢ ᠪᠠᠰᠡᠷᠡᠭ ᠴᠡᠮᠴᠡᠭᠡᠷ ᠬᠦᠬᠦᠷ ᠤᠨ ᠬᠠᠪᠳᠠᠭ᠎ᠠ  ᠳᠠᠭᠠᠨ ᠬᠢᠵᠤ ᠵᠡᠬᠦᠨ ᠡᠭᠡᠮ  ᠤᠨ ᠣᠣᠵᠢᠨ ᠲᠣᠪᠴᠢ  ᠠᠴᠠ  ᠪᠠᠨ ᠵᠡᠬᠦᠳᠡᠭ᠃ ᠬᠠᠳᠠᠭ ᠲᠠᠢ ᠵᠣᠯᠭᠠᠭᠰᠠᠨ  ᠤ ᠲᠠᠷᠠᠭ᠎ᠠ ᠥᠪᠡᠷ  ᠤᠨ ᠬᠦᠬᠦᠷ ᠢᠶᠠᠨ ᠠᠬᠠᠮᠠᠳ ᠲᠣᠮᠣᠭᠠᠳᠠᠨ ᠤ ᠪᠠᠷᠠᠭᠤᠨ ᠭᠠᠷ ᠲᠤ ᠠᠳᠬᠤᠭᠤᠯᠣᠭᠠᠳ᠂ ᠠᠬᠠᠮᠠᠳ ᠤᠨ ᠢᠶᠠᠨ ᠬᠦᠬᠦᠷ  ᠢ ᠵᠥᠷᠢᠬᠦᠯᠣᠨ ᠠᠪᠴᠣ ᠮᠠᠨᠳᠣᠴᠢᠯᠡᠳᠡᠭ᠃ ᠦᠶ᠎ᠡ ᠬᠤᠷᠠᠭ  ᠤᠨ ᠬᠦᠮᠣᠰ ᠠᠯᠠᠭᠠᠨ ᠲᠣᠳᠣᠷ᠎ᠠ  ᠪᠠᠨ ᠵᠥᠷᠢᠬᠦᠯᠳᠡᠭ ᠵᠠᠩᠰᠢᠯ ᠲᠠᠢ᠃ ᠬᠦᠬᠦᠷ  ᠤᠨ ᠰᠣᠶᠢᠯᠠᠩ  ᠢ ᠪᠠᠰᠨ ︽ᠲᠠᠯᠢᠶᠠᠷ︾ ᠭᠡᠳᠡᠭ᠃ ᠲᠡᠷᠨ ᠨᠢ ᠲᠣᠷᠭ᠎ᠠ  ᠪᠠᠷ ᠣᠶᠣᠭᠰᠠᠨ ᠲᠤᠬᠤᠢ ᠣᠷᠳᠦ᠂ ᠲᠦᠷᠪᠡᠨ ᠢᠮᠠᠬᠤ ᠥᠷᠭᠡᠨ᠂ ᠭᠤᠣᠯ  ᠳᠠᠭᠠᠨ ᠠᠮᠨ ᠲᠠᠢ ᠣᠭᠤᠳᠠ ᠪᠢᠯᠨ᠃ ᠬᠤᠶᠠᠷ ᠬᠦᠪᠡᠭᠡ  ᠶᠢ ᠨᠢ ᠬᠤᠷᠭᠤᠢ ᠲᠣᠣᠵᠨ  ᠪᠠᠷ ᠬᠠᠯᠵᠠᠯᠠᠨ᠂ ᠭᠠᠳᠠᠷ ᠲᠦᠷᠪᠡᠨ ᠪᠣᠯᠣᠩ ᠳᠤ ᠨᠢ ᠠᠷᠰᠯᠠᠨ᠂ ᠪᠠᠷᠰ ᠯᠣᠣ᠂ ᠭᠠᠷᠣᠳᠢ ᠲᠦᠷᠪᠡᠨ ᠬᠦᠴᠣᠳᠠᠨ ᠣᠷᠠᠯᠠᠨ ᠬᠠᠳᠬᠤᠵᠤ᠂ ᠲᠣᠳᠣᠷ ᠲᠦᠷᠪᠡᠨ ᠪᠣᠯᠣᠩ  ᠳᠤ ᠨᠢ ᠲᠦᠷᠪᠡᠨ ᠴᠠᠭ  ᠤᠨ ᠡᠷᠬᠢᠯᠳᠡ  ᠶᠢᠨ ᠨᠠᠪᠴᠢᠰ ᠬᠠᠳᠬᠤᠭᠰᠠᠨ ᠪᠠᠶᠢᠳᠠᠭ᠃ ᠨᠠᠰᠣᠳᠠᠢ ᠬᠦᠮᠣᠨ ᠬᠦᠭᠡ᠂ ᠬᠠᠷ᠎ᠠ᠂ ᠬᠦᠷᠡᠩ ᠥᠩᠭᠡ  ᠶᠢᠨ ᠰᠣᠶᠢᠯᠠᠩ ᠵᠡᠬᠦᠳᠡᠭ᠃ ᠵᠠᠯᠠᠭᠤᠴᠣᠳ ᠴᠠᠩᠭᠡᠷ᠂ ᠨᠣᠭᠤᠭᠠᠨ᠂ ᠶᠠᠭᠠᠨ᠂ ᠣᠯᠠᠪᠢᠷ ᠵᠡᠷᠭᠡ ᠥᠩᠭᠡ  ᠶᠢᠨ ᠬᠢ  ᠶᠢ ᠵᠡᠬᠦᠭᠡᠳ᠂ ᠯᠠᠮᠨ ᠬᠤᠸᠠᠷᠠᠭ ᠬᠦᠮᠣᠨ ᠰᠠᠶ᠋ᠢ ᠣᠯᠠᠭᠠᠨ᠂ ᠰᠢᠷ᠎ᠠ ᠥᠩᠭᠡ  ᠶᠢᠨ ᠬᠢ  ᠶᠢ ᠡᠳ᠋ᠯᠡᠳᠡᠭ᠃ ᠪᠦᠰᠡᠬᠦᠶᠢᠴᠣᠳ ᠶᠡᠷᠣ  ᠠᠴᠠ ᠲᠠᠬᠢᠶᠠᠨ ᠥᠨᠳᠡᠭᠡᠨ ᠴᠢᠨᠡᠭᠡ ᠵᠢᠵᠢᠭ ᠬᠦᠬᠦᠷ ᠡᠳ᠋ᠯᠡᠳᠡᠭ  ᠠᠴᠠ ᠲᠡᠳᠡᠨ  ᠳᠤ ᠰᠣᠶᠢᠯᠠᠩ ᠬᠡᠷᠡᠭ ᠦᠭᠡᠢ᠃ ᠵᠦᠪᠭᠡᠨ ᠴᠡᠴᠡᠭ ᠨᠠᠪᠴᠢ ᠬᠠᠳᠬᠤᠭᠰᠠᠨ ᠲᠤᠭᠤᠷᠢᠭ ᠪᠣᠶᠤ ᠲᠤᠭᠤᠷ  ᠤᠨ ᠭᠡᠯᠪᠡᠷᠢ  ᠲᠠᠢ ᠲᠤᠷᠭᠠᠨ ᠬᠠᠪᠳᠠᠭ᠎ᠠ ᠬᠡᠷᠡᠭᠯᠡᠳᠡᠭ᠃ ᠴᠠᠬᠠᠷ ᠲᠤ ᠭᠡᠷᠯᠡᠭᠡᠳᠣᠢ ᠬᠦᠣ᠂ ᠬᠠᠷᠢᠯᠠᠭᠠᠳᠣᠢ ᠭᠡᠣᠭᠡᠨ ᠵᠢᠴᠢ ᠭᠡᠣᠭᠡᠳ ᠬᠠᠳᠠᠭ ᠬᠦᠬᠦᠷ ᠲᠠᠢ ᠵᠣᠯᠭᠠᠬᠤ ᠡᠷᠭᠡ ᠦᠭᠡᠢ ᠲᠣᠯᠨ ᠰᠣᠶᠢᠯᠠᠩ ᠪᠣᠶᠤ ᠬᠠᠪᠳᠠᠭ᠎ᠠ ᠴᠣ᠋ ᠵᠡᠬᠦᠳᠡᠭ ᠦᠭᠡᠢ᠃                 ᠳ᠋ᠠᠢ᠂ ᠰᠢᠯᠪᠢ᠂ ᠲᠠᠭᠠᠷᠴᠤᠭ ᠳ᠋ᠠᠢ ︵ᠭᠠᠩᠰᠨ︶ ᠨᠢ ᠲᠠᠮᠠᠬᠢ ᠲᠠᠳᠠᠬᠤ ᠲᠤᠰᠬᠠᠢ ᠬᠡᠷᠡᠭᠰᠡᠯ᠃ ᠰᠣᠷᠤᠭᠤᠯ ᠰᠢᠯᠪᠢ᠂ ᠲᠠᠮᠠᠬᠢ ᠨᠡᠷᠡᠬᠦ ᠲᠣᠯᠣᠭᠠᠢ ᠬᠢᠭᠡᠳ ᠰᠢᠯᠪᠢ ᠲᠣᠯᠣᠭᠠᠢ  ᠶᠢ ᠬᠤᠯᠪᠣᠭᠰᠠᠨ ᠭᠠᠩᠰᠨ ᠮᠣᠳᠦ  ᠪᠠᠷ ᠪᠥᠷᠢᠯᠳᠣᠵᠠᠢ᠃ ᠳ᠋ᠠᠢ  ᠶᠢᠨ ᠰᠢᠯᠪᠢ ᠨᠢ ᠭᠤᠣᠯᠳᠠᠭᠤ ᠬᠠᠰ᠂ ᠣᠭ᠍ᠶᠣ᠂ ᠮᠠᠨᠤ ᠵᠡᠷᠭᠡ ᠡᠷᠳᠡᠨᠢ  ᠶᠢᠨ ᠴᠢᠯᠠᠭᠤ  ᠪᠠᠷ ᠨᠠᠷᠢᠯᠢᠭ ᠦᠢᠯᠡᠳᠦᠭᠰᠡᠨ ᠰᠣᠷᠤᠭᠤᠯ ᠪᠠᠶᠢᠳᠠᠭ᠃ ᠲᠡᠬᠦᠨ ᠳᠡᠭᠡᠨ ᠨᠠᠷᠢᠨ ᠪᠥᠳᠦᠬᠦᠨ᠂ ᠣᠷᠳᠦ ᠪᠣᠭᠤᠨᠢ ᠨᠢ ᠶᠠᠭ ᠲᠡᠩᠴᠡᠯᠳᠦᠭᠰᠡᠨ ᠮᠥᠩᠬᠦ᠂ ᠭᠠᠣᠯᠢ ᠪᠣᠶᠤ ᠲᠡᠮᠣᠷ ᠲᠣᠯᠣᠭᠠᠢ ᠶᠢ ᠲᠠᠷᠬᠠᠨ  ᠢᠶᠠᠷ ᠴᠣᠬᠢᠭᠤᠯᠵᠤ ᠡᠳ᠋ᠯᠡᠳᠡᠭ᠃ ᠴᠠᠬᠠᠷ ᠮᠠᠶ᠋ᠢᠭ  ᠤᠨ ᠮᠥᠩᠬᠦᠨ ᠲᠣᠯᠣᠭᠠᠢ ᠨᠢ ᠬᠦᠵᠣᠬᠦᠨ ᠳᠤ ᠨᠢ ᠲᠠᠯ ᠰᠠᠭᠤᠯᠭᠠᠵᠤ ᠭᠠᠩᠨᠠᠭᠰᠠᠨ᠂ ᠴᠢᠮᠣᠭᠡᠨ ᠳᠤ  ᠨᠢ ᠭᠡ ᠣᠭᠠᠯᠵᠨ ᠨᠡᠪᠳᠡ ᠰᠡᠶᠢᠯᠦᠭᠰᠡᠨ ᠠᠮᠢᠳᠦ ᠪᠠᠯ ᠲᠠᠢ ᠪᠥᠭᠡᠳ ᠲᠤᠭᠰᠢᠭᠤᠷ ᠲᠡᠭᠡᠷ᠎ᠡ ᠨᠢ ᠨᠢᠮᠭᠡᠭᠡᠨ ᠭᠠᠣᠯᠢ᠂ ᠵᠠᠰ᠂ ᠲᠡᠮᠣᠷ ᠭᠤᠷᠪᠠ  ᠶᠢ ᠠᠯᠠᠭᠯᠠᠨ ᠰᠠᠭᠤᠯᠭᠠᠭᠰᠠᠨ ᠪᠠᠶᠢᠳᠠᠭ᠃ ᠭᠠᠣᠯᠢ ᠪᠣᠶᠤ ᠲᠡᠮᠣᠷ ᠲᠣᠯᠣᠭᠠᠢ  ᠶᠢᠨ ᠶᠠᠩᠵᠤ ᠭᠡᠯᠪᠡᠷᠢ᠂ ᠬᠢᠴᠨ ᠣᠷ᠎ᠠ ᠨᠢ ᠮᠥᠩᠬᠦᠨ ᠲᠣᠯᠣᠭᠠᠢ ᠲᠠᠢ ᠠᠳᠠᠯᠢᠬᠠᠨ ᠪᠣᠯᠪᠠᠴᠣ ᠪᠡᠶ᠎ᠡ  ᠶᠢ ᠨᠢ ᠭᠠᠣᠯᠢ ᠪᠣᠶᠣ ᠲᠡᠮᠣᠷ  ᠢᠶᠠᠷ ᠴᠣᠬᠢᠵᠤ᠂ ᠲᠠᠯ ᠬᠢᠭᠡᠳ ᠪᠡᠯ  ᠢ ᠨᠢ ᠬᠠᠷᠢᠨ ᠵᠡᠰ  ᠢᠶᠠᠷ ᠠᠯᠠᠭᠯᠠᠭᠤᠯᠣᠨ ᠭᠠᠷᠭᠠᠭᠰᠠᠨ ᠪᠠᠶᠢᠳᠠᠭ᠃ ᠭᠠᠩᠰᠨ ᠮᠣᠳᠦ ᠨᠢ ᠭᠠᠳᠠᠭᠤᠷ  ᠢᠶᠠᠨ ᠬᠦᠷᠡᠩ ᠡᠷᠢᠶᠠᠨ ᠰᠢᠷᠢ ᠲᠠᠢ᠃ ᠨᠠᠷᠢᠨ ᠪᠥᠳᠦᠬᠦᠨ ᠣᠷᠳᠦ ᠪᠣᠭᠤᠨᠢ  ᠶᠢ  ᠨᠢ ᠰᠢᠯᠪᠢ ᠲᠣᠯᠣᠭᠠᠢ ᠲᠠᠢ  ᠪᠠᠨ ᠲᠠᠩᠴᠡᠬᠦᠯᠣᠨ᠂ ᠬᠤᠶᠠᠷ ᠦᠵᠣᠬᠦᠷ ᠲᠤ ᠨᠢ ᠮᠥᠩᠬᠦ ᠪᠣᠶᠤ ᠭᠠᠣᠯᠢᠨ ᠪᠥᠭᠡᠵᠢ ᠣᠭᠯᠠᠨ ᠴᠢᠮᠡᠳᠡᠭ ᠴᠣ᠋ ᠪᠣᠢ᠃ ᠨᠢᠭᠡ ᠰᠠᠶᠢᠨ ᠳ᠋ᠠᠢ ᠨᠢ ᠭᠡᠳᠦᠨ ᠮᠣᠷᠢᠨ  ᠤ ᠦᠨ᠎ᠡ ᠲᠠᠭᠠᠭᠠᠳᠠᠭ ᠲᠣᠯᠨ ᠦᠷᠬᠦᠯᠵᠢ ᠬᠢᠮᠭᠠᠳᠠᠨ ᠲᠤᠷᠭᠠᠨ ᠲᠤᠭᠳᠣᠢ  ᠳᠤ ᠬᠢᠭᠡᠳ ᠪᠦᠰᠡᠨ ᠳᠡᠭᠡᠨ ᠰᠣᠶᠢᠷᠠᠬᠤ ᠪᠣᠶᠤ ᠭᠤᠳᠣᠯ  ᠤᠨ ᠲᠦᠷᠠᠢ ᠳᠡᠭᠡᠨ ᠲᠦᠷᠠᠶᠢᠯᠠᠵᠤ ᠶᠠᠪᠣᠳᠠᠭ ᠪᠠᠶᠢᠵᠠᠢ᠃ ᠴᠠᠬᠠᠷ  ᠤᠨ ᠵᠠᠩᠰᠢᠯ  ᠢᠶᠠᠷ ᠬᠠᠷᠠᠴᠣᠣᠯ ᠨᠢ ᠳ᠋ᠡᠢ ᠲᠠᠮᠠᠬᠢ ᠡᠳ᠋ᠯᠡᠵᠤ᠂ ᠯᠠᠮᠨ ᠪᠠ ᠬᠤᠷᠢᠮᠯᠠᠭᠠᠳᠣᠢ ᠬᠦᠮᠣᠨ ᠲᠠᠮᠠᠬᠢ ᠲᠠᠳᠠᠬᠤ  ᠶᠢ ᠴᠡᠭᠡᠷᠯᠡᠳᠡᠭ᠃ ᠠᠬᠠᠮᠠᠳ ᠲᠣᠮᠣᠭᠠᠳᠠᠨ  ᠤ ᠲᠡᠷᠭᠡᠳᠡ ᠲᠠᠮᠠᠬᠢ ᠲᠠᠳᠠᠬᠤ  ᠳᠠᠭᠠᠨ ᠨᠡᠷᠡᠭᠰᠡᠨ ᠲᠡᠮᠡᠭᠢ  ᠪᠠᠨ ᠣᠷᠢᠳᠡ  ᠪᠠᠷ ᠠᠬᠠᠮᠠᠳ  ᠳᠠᠭᠠᠨ ᠪᠠᠷᠢᠵᠣ ᠠᠮᠰᠠᠭᠤᠯᠳᠠᠭ ᠶᠣᠰᠣ ᠲᠠᠢ᠃ᠲᠠᠮᠠᠬᠢᠨ ᠲᠠᠭᠠᠷᠴᠤᠭ ᠢ ᠥᠩᠭᠡ  ᠶᠢᠨ ᠲᠤᠷᠭ᠎ᠠ  ᠪᠠᠷ ᠣᠶᠣᠵᠣ᠂ ᠬᠤᠷᠭᠤᠢ ᠲᠣᠣᠵᠨ  ᠪᠠᠷ ᠬᠠᠯᠵᠠᠯᠠᠬᠤ ᠪᠣᠶᠣ ᠵᠡᠬᠦᠣ ᠣᠷᠢᠶᠠᠨ ᠴᠡᠴᠡᠭ ᠨᠠᠪᠴᠢᠰ ᠬᠠᠳᠬᠤᠭᠰᠠᠨ ᠬᠠᠪᠳᠠᠭᠠᠢ ᠣᠷᠳᠣᠯᠵᠢᠨ ᠣᠭᠤᠳᠠ ᠪᠠᠶᠢᠳᠠᠭ᠃ ᠠᠮᠠᠰᠠᠷ  ᠤᠨ ᠭᠡᠰᠡᠭ  ᠢ ᠨᠢ ᠲᠣᠯᠢ ᠬᠤᠮᠢᠵᠤ ᠨᠠᠷᠢᠰᠬᠠᠭᠠᠨ᠂ ᠣᠭ᠍ᠶᠣ᠂ ᠱᠢᠷᠣᠨ ᠰᠢᠬᠢᠳᠭᠡᠭᠡ ᠲᠠᠢ ᠬᠤᠣᠰ ᠮᠥᠩᠬᠦᠨ ᠪᠡᠯ  ᠢᠶᠠᠷ ᠬᠠᠪᠴᠢᠨ ᠣᠶᠣᠵᠤ᠂ ᠲᠡᠬᠦᠨ  ᠠᠴᠠ ᠮᠥᠩᠬᠦᠨ ᠬᠢᠨᠵᠢ ᠲᠠᠢ ᠲᠤᠭᠰᠢᠭᠤᠷ ᠲᠤᠭᠤᠭ᠎ᠠ᠂ ᠳ᠋ᠠᠢ  ᠶᠢᠨ ᠰᠡᠳᠭᠡᠬᠦᠷ ᠬᠤᠯᠪᠣᠭᠠᠳ᠂ ᠵᠡᠬᠦᠨ ᠲᠠᠰᠢᠶᠠᠨ  ᠳᠠᠭᠠᠨ ᠵᠡᠬᠦᠵᠤ ᠶᠠᠪᠣᠳᠠᠭ᠃ ᠴᠠᠬᠠᠷ  ᠤᠨ ᠣᠳᠣᠮᠰᠢᠯ  ᠳᠤ ᠭᠡᠣᠭᠡᠨᠴᠣᠳ ᠥᠪᠡᠷ  ᠤᠨ ᠲᠤᠭᠤᠭᠰᠠᠨ ᠵᠠᠯᠠᠭᠤ  ᠳᠠᠭᠠᠨ ᠣᠷᠠᠯᠠᠨ ᠣᠶᠣᠭᠰᠠᠨ ᠲᠠᠮᠠᠬᠢᠨ ᠲᠠᠭᠠᠷᠴᠤᠭ  ᠢᠶᠠᠨ ᠪᠡᠯᠡᠭᠯᠡᠵᠤ ᠬᠠᠶᠢᠷ᠎ᠠ ᠰᠡᠳᠬᠢᠯᠭᠡ  ᠪᠠᠨ ᠲᠠᠮᠵᠢᠭᠤᠯᠣᠨ ᠢᠯᠡᠳᠭᠡᠳᠡᠭ ᠪᠥᠭᠡᠳ ᠬᠤᠭᠤᠰᠣᠨ ᠰᠠᠪᠠ ᠪᠡᠯᠭᠡ ᠦᠭᠡᠢ ᠭᠡᠮᠡᠨ ᠲᠠᠭᠠᠷᠴᠤᠭ  ᠲᠠᠭᠠᠨ ᠲᠠᠮᠠᠬᠢ ᠬᠢᠬᠦ ᠪᠣᠶᠣ ᠬᠦᠵᠢ ᠬᠤᠭᠤᠯᠣᠨ ᠬᠢᠭᠡᠳ ᠬᠦᠷᠭᠡᠳᠡᠭ ᠵᠠᠩᠰᠢᠯ ᠲᠠᠢ᠃             ᠡᠭᠡᠮᠥᠭ᠂ ᠪᠥᠭᠡᠵᠢ᠂ ᠰᠣᠨᠳᠣᠷ ᠡᠭᠡᠮᠥᠭ᠂ ᠪᠥᠭᠡᠵᠢ᠂ ᠰᠣᠨᠳᠣᠷ  ᠢ ᠴᠠᠬᠠᠷ ᠲᠤ ᠭᠤᠣᠯᠳᠠᠭᠤ ᠪᠦᠰᠡᠬᠦᠢ ᠬᠦᠮᠣᠨ ᠵᠡᠬᠦᠵᠣ ᠡᠳ᠋ᠯᠡᠨ᠎ᠠ᠃ ᠪᠦᠰᠡᠳᠠᠶᠢᠴᠣᠳ ᠵᠡᠬᠦᠬᠦ ᠨᠢ ᠴᠥᠭᠡᠪᠳᠣᠷ᠃ ᠴᠠᠬᠠᠷ  ᠤᠨ ᠦᠬᠢᠳ ᠪᠠᠭ᠎ᠠ ᠨᠠᠰᠣᠨ  ᠠᠴᠠ  ᠪᠠᠨ ᠴᠢᠬᠢ  ᠪᠠᠨ ᠴᠣᠭᠤᠯᠣᠨ᠂ ᠭᠡᠣᠭᠡᠨᠴᠣᠳ ᠭᠤᠣᠯᠳᠠᠭᠤ ᠰᠣᠪᠣᠳ ᠤᠨ ᠡᠭᠡᠮᠥᠭ ᠵᠡᠬᠦᠵᠣ᠂ ᠪᠡᠷᠢ ᠪᠣᠯᠣᠭᠰᠠᠨ ᠬᠤᠶᠢᠨ᠎ᠠ ᠠᠯᠳᠠ ᠮᠥᠩᠬᠦᠨ ᠡᠭᠡᠮᠥᠭ ᠵᠡᠬᠦᠵᠤ ᠡᠳ᠋ᠯᠡᠳᠡᠭ ᠶᠣᠰᠣ ᠲᠠᠢ᠃ ᠰᠣᠪᠣᠳ  ᠤᠨ ᠡᠭᠡᠮᠤᠭ᠌ ᠨᠢ ᠤᠭ᠍ᠶᠤ᠂ ᠱᠢᠷᠦᠨ ᠰᠢᠭᠡᠳᠭᠡᠭᠡ  ᠲᠠᠢ ᠮᠦᠩᠭᠦᠨ ᠲᠡᠭᠡᠭᠡ ᠶᠢᠨ ᠲᠤᠤᠷ᠎ᠠ ᠰᠤᠪᠤᠳ  ᠤᠨ ᠬᠡᠯᠬᠢᠶ᠎ᠠ ᠪᠦᠭᠳᠤᠷᠢᠵᠦ ᠤᠨᠵᠢᠭᠤᠯᠬᠤ ᠪᠤᠶᠤ ᠰᠤᠪᠤᠳ ᠤᠨ ᠬᠡᠯᠬᠢᠶ᠎ᠡ ᠳᠡᠭᠡᠨ ᠤᠭ᠍ᠶᠤ᠂ ᠱᠢᠷᠦᠨ ᠬᠦᠯ ᠬᠢᠵᠤ ᠤᠨᠵᠢᠭᠤᠯᠤᠭᠰᠠᠨ ᠴᠣ᠋ ᠪᠠᠶᠢᠳᠠᠭ᠃ ᠮᠦᠩᠭᠦᠨ ᠡᠭᠡᠮᠤᠭ᠌ ᠲᠤ ᠭᠤᠤᠯᠳᠠᠭᠤ ᠤᠭ᠍ᠶᠤ᠂ ᠱᠢᠷᠦᠨ ᠰᠢᠬᠢᠳᠭᠡᠭᠡ ᠲᠠᠢ ᠬᠠᠪᠳᠠᠭᠠᠢ ᠭᠠᠷᠠᠬᠠᠨ ᠡᠭᠡᠮᠤᠭ᠌᠂ ᠬᠦᠯᠢᠭᠡᠷ ᠪᠦᠭᠡᠷᠡᠩᠭᠡᠢ ᠭᠠᠷᠠᠬᠠᠨ ᠡᠭᠡᠮᠤᠭ᠌᠂ ᠤᠭ᠍ᠶᠤ᠂ ᠱᠢᠷᠦᠨ ᠰᠢᠬᠢᠳᠭᠡᠭᠡ ᠠᠴᠠ ᠲᠤᠪᠴᠢ  ᠶᠢᠨ ᠴᠢᠨᠡᠭᠡ ᠮᠦᠩᠭᠦᠨ ᠪᠦᠮᠪᠦᠭᠡ ᠬᠤᠯᠪᠤᠵᠦ ᠬᠤᠷᠤᠬᠠᠢ ᠱᠢᠷᠦ ᠪᠤᠶᠤ ᠰᠣᠪᠣᠳ ᠤᠨ ᠬᠡᠯᠬᠢᠶ᠎ᠡ ᠤᠨᠵᠢᠭᠤᠯᠤᠭᠰᠠᠨ ᠳ᠋ᠧᠩᠯᠣ ᠡᠭᠡᠮᠥᠭ ᠵᠡᠷᠭᠡ ᠪᠠᠶᠢᠳᠠᠭ᠃ ᠠᠯᠳᠠᠨ ᠡᠭᠡᠮᠥᠭ ᠨᠢ ᠭᠤᠣᠯᠳᠠᠭᠤ ᠭᠠᠷᠠᠬᠠᠨ ᠡᠭᠡᠮᠥᠭ ᠪᠠᠶᠢᠳᠠᠭ᠃ ᠴᠥᠭᠡᠪᠣᠷᠢ ᠭᠠᠷᠠᠬᠠᠨ ᠡᠭᠡᠮᠥᠭ ᠳᠡᠭᠡᠨ ᠰᠣᠪᠣᠳ  ᠢᠶᠠᠷ ᠬᠦᠯ ᠬᠢᠵᠤ ᠣᠨᠵᠢᠭᠤᠯᠣᠭᠰᠠᠨ ᠴᠣ᠋ ᠪᠣᠢ᠃ ᠵᠠᠷᠢᠮ ᠪᠦᠰᠡᠳᠠᠶᠢᠴᠣᠳ ᠨᠢ ᠪᠠᠷᠴᠢᠳ ᠲᠣᠣᠬᠠᠷ  ᠢ ᠵᠠᠶᠢᠯᠠᠭᠤᠯᠣᠨ᠎ᠠ ᠭᠡᠮᠡᠨ ᠥᠷᠤᠭᠡᠰᠣᠨ ᠴᠢᠬᠢᠨ ᠳᠡᠭᠡᠨ ᠭᠠᠷᠠᠬᠠᠨ ᠡᠭᠡᠮᠥᠭ ᠵᠡᠬᠦᠳᠡᠭ ᠴᠣ᠋ ᠪᠣᠢ᠃ ᠪᠥᠭᠡᠵᠢ ᠨᠢ ᠭᠤᠣᠯᠳᠠᠭᠤ ᠠᠯᠳᠠ ᠮᠥᠩᠬᠦᠨ ᠪᠥᠭᠡᠵᠢ ᠪᠠᠶᠢᠳᠠᠭ᠃ ᠴᠠᠬᠠᠷ ᠲᠤ ᠡᠷᠡᠭᠳᠡᠢ ᠡᠮᠡᠭᠳᠡᠶᠢᠴᠣᠳ ᠪᠥᠷ ᠪᠥᠭᠡᠵᠢ ᠵᠡᠬᠦᠵᠣ ᠪᠣᠯᠳᠠᠭ᠃ ᠠᠯᠳᠠᠨ ᠪᠥᠭᠡᠵᠢ ᠨᠢ ᠬᠦᠯᠢᠭᠡᠷ ᠪᠣᠶᠣ ᠬᠤᠣᠰ ᠭᠠᠷᠭᠠᠭᠰᠠᠨ ᠲᠠᠯ᠎ᠠ ᠪᠥᠭᠡᠷᠡᠩᠭᠡᠢ ᠭᠡᠯᠪᠡᠷᠢ ᠲᠠᠢ ᠪᠠᠶᠢᠳᠠᠭ᠃ ᠮᠥᠩᠬᠦᠨ ᠪᠥᠭᠡᠵᠢ ᠨᠢ ᠰᠠᠶᠢᠯᠣᠮᠠᠯ ᠭᠡ ᠲᠠᠢ ᠪᠣᠶᠤ ᠬᠦᠭᠡᠭᠡᠮᠠᠯ ᠬᠤᠸᠠᠷ ᠲᠠᠢ᠂ ᠣᠭ᠍ᠶᠣ ᠱᠢᠷᠣᠨ ᠰᠢᠬᠢᠳᠭᠡᠭᠡ ᠰᠠᠭᠤᠯᠭᠠᠭᠰᠠᠨ ᠪᠠᠶᠢᠳᠠᠭ᠃ ᠦᠬᠢᠳ ᠪᠡᠷᠢᠶᠡᠳ ᠢᠳᠡᠮ ᠬᠤᠷᠤᠭᠤᠨ  ᠳᠠᠭᠠᠨ ᠵᠡᠬᠦᠬᠦ ᠪᠣᠶᠤ ᠡᠷᠡᠭᠡᠢ᠂ ᠲᠣᠮᠳᠠ᠂ ᠰᠢᠭᠡᠵᠢ ᠬᠤᠷᠤᠭᠤᠨ  ᠳᠠᠭᠠᠨ ᠬᠤᠣᠰᠯᠠᠭᠤᠯᠣᠨ ᠵᠡᠬᠦᠭᠰᠡᠨ ᠴᠣ᠋ ᠪᠠᠶᠢᠳᠠᠭ᠃ ᠪᠦᠰᠡᠳᠠᠶᠢᠴᠣᠳ ᠵᠦᠪᠭᠡᠨ ᠢᠳᠡᠮ ᠬᠤᠷᠣᠭᠤᠨ ᠳᠠᠭᠠᠨ ᠲᠣᠮᠣᠬᠠᠨ ᠬᠢᠴᠨ ᠲᠠᠢ ᠠᠯᠳᠠᠨ ᠪᠥᠭᠡᠵᠢ ᠪᠣᠶᠣ ᠰᠢᠬᠢᠳᠭᠡᠭᠡ ᠰᠠᠭᠤᠯᠭᠠᠭᠰᠠᠨ ᠮᠥᠩᠬᠦᠨ ᠪᠥᠭᠡᠵᠢ ᠵᠡᠬᠦᠳᠡᠭ᠃ ᠵᠠᠷᠢᠮ ᠨᠢ ᠡᠷᠡᠭᠡᠢ ᠬᠤᠷᠤᠭᠤᠨ  ᠳᠠᠭᠠᠨ ᠵᠡᠬᠦᠳᠡᠭ ᠨᠢ ᠨᠣᠮᠣ ᠰᠣᠮᠣᠨ  ᠤ ᠡᠷᠡᠭᠡᠶᠢᠪᠴᠢ ᠵᠡᠬᠦᠳᠡᠭ ᠵᠠᠩᠰᠢᠯ  ᠠᠴᠠ ᠢᠷᠡᠯᠳᠡ ᠲᠠᠢ᠃ ᠰᠣᠨᠳᠣᠷ ᠨᠢ ᠱᠢᠷᠣ᠂ ᠰᠣᠪᠣᠳ  ᠢ ᠮᠢᠨᠳᠠᠰᠣᠨ ᠣᠳᠠᠰᠣ  ᠪᠠᠷ ᠭᠡᠯᠬᠢᠭᠰᠡᠨ᠂ ᠣᠭ᠍ᠶᠣ᠂ ᠱᠢᠷᠣᠨ ᠰᠢᠬᠢᠳᠭᠡᠭᠡ ᠲᠠᠢ ᠵᠢᠵᠢᠭ ᠮᠥᠩᠬᠦᠨ ᠪᠠᠯ  ᠢ ᠨᠠᠷᠢᠬᠠᠨ ᠮᠥᠩᠬᠦᠨ ᠬᠢᠨᠵᠢ  ᠪᠠᠷ ᠬᠤᠯᠪᠣᠭᠰᠠᠨ ᠪᠠᠶᠢᠳᠠᠭ᠃ ᠭᠤᠣᠯᠳᠠᠭᠤ ᠭᠡᠣᠭᠡᠨᠴᠣᠳ ᠬᠦᠵᠣᠬᠦᠨ ᠳᠡᠭᠡᠨ ᠵᠡᠬᠦᠳᠡᠭ᠃ ᠴᠠᠬᠠᠷ ᠲᠤ ᠭᠡᠣᠭᠡᠳ  ᠢᠶᠠᠨ ᠪᠥᠭᠡᠵᠢᠬᠦᠯᠣᠨ ᠥᠰᠭᠡᠬᠦ  ᠶᠢᠨ ᠲᠤᠰᠠᠳᠠ ᠮᠥᠩᠬᠦᠨ ᠬᠢᠨᠵᠢ ᠲᠠᠢ ᠮᠥᠩᠬᠦᠨ ᠱᠠᠭ᠎ᠠ ᠪᠣᠶᠤ ᠣᠨᠢᠰᠣ ᠬᠦᠵᠣᠬᠦᠨ ᠳᠤ ᠨᠢ ᠵᠡᠬᠦᠯᠭᠡᠳᠡᠭ ᠪᠥᠭᠡᠳ ᠡᠷ᠎ᠡ  ᠶᠢᠨ ᠴᠡᠭᠡᠯ ᠳᠤ ᠬᠦᠷᠬᠦᠯᠡᠷ ᠨᠢ ᠭᠠᠢ ᠪᠠᠷᠴᠢᠳ ᠵᠠᠶᠢᠯᠠᠨ᠎ᠠ ᠭᠡᠮᠡᠨ ᠮᠥᠩᠬᠦᠨ ᠭᠤᠣ ᠲᠠᠢ ᠪᠣᠷᠬᠠᠨ ᠪᠣᠶᠤ ᠲᠡᠭᠷᠢ  ᠶᠢᠨ ᠰᠣᠮᠣ ᠵᠡᠷᠭᠡ ᠵᠡᠬᠦᠯᠭᠡᠳᠡᠭ ᠵᠠᠩᠰᠢᠯ ᠲᠠᠢ᠃         ᠰᠢᠬᠠᠯᠭ᠎ᠠ᠂ ᠲᠠᠳᠠᠭᠤᠷ᠂ ᠰᠣᠶᠢᠭᠡ ᠰᠢᠬᠠᠯᠭ᠎ᠠ᠂ ᠲᠠᠳᠠᠭᠤᠷ᠂ ᠰᠣᠶᠢᠭᠡ ᠨᠢ ᠭᠡᠣᠭᠡᠨ ᠮᠣᠷᠳᠠᠵᠤ ᠪᠡᠷᠢ ᠪᠣᠯᠣᠭᠰᠠᠨ  ᠢ ᠪᠡᠯᠭᠡᠳᠡᠨ ᠬᠠᠷᠠᠭᠤᠯᠣᠭᠰᠠᠨ ᠲᠣᠯᠣᠭᠠᠢ  ᠶᠢᠨ ᠵᠡᠬᠦᠳᠡᠯ ᠪᠣᠯᠣᠨ᠎ᠠ᠃ ᠭᠡᠣᠭᠡᠨ ᠬᠦᠮᠣᠨ ᠠᠶᠢᠯ  ᠳᠤ ᠮᠣᠷᠳᠠᠵᠤ ᠣᠴᠢᠭᠠᠳ ᠡᠩ ᠲᠡᠷᠢᠬᠦᠨ  ᠳᠤ ᠬᠦᠢᠴᠡᠳᠭᠡᠬᠦ ᠶᠣᠰᠣ ᠨᠢ ᠭᠡᠵᠢᠭᠡ  ᠪᠠᠨ ᠬᠠᠭᠠᠯᠠᠭᠤᠯᠵᠤ ᠬᠦᠷᠤᠭᠡᠳ᠂ ᠰᠢᠬᠠᠯᠭ᠎ᠠ ᠵᠡᠬᠦᠬᠦ ᠶᠠᠪᠣᠳᠠᠯ ᠪᠠᠶᠢᠵᠠᠢ᠃ ᠴᠠᠬᠠᠷ ᠮᠠᠶ᠋ᠢᠭ  ᠤᠨ ᠰᠢᠬᠠᠯᠭ᠎ᠠ ᠨᠢ ᠨᠢᠭᠤᠷᠣᠨ‌‍ᠲ᠋ᠠᠯ᠎ᠠ  ᠳᠠᠭᠠᠨ ᠱᠢᠷᠣᠨ ᠰᠢᠬᠢᠳᠭᠡᠭᠡ ᠰᠠᠭᠤᠯᠭᠠᠨ ᠭᠡ ᠣᠭᠠᠯᠵᠨ ᠰᠦᠯᠵᠢᠭᠰᠡᠨ ᠣᠷᠳᠦ ᠲᠦᠷᠪᠡᠯᠵᠢᠨ ᠭᠡᠯᠪᠡᠷᠢ ᠲᠠᠢ ᠬᠤᠣᠰ ᠮᠥᠩᠬᠦᠨ ᠲᠣᠭᠳᠣᠢ ᠪᠠᠶᠢᠳᠠᠭ᠃ ᠲᠠᠯ᠎ᠠ  ᠠᠴᠠ ᠨᠢ ᠨᠡᠭᠡᠭᠡᠵᠤ ᠬᠠᠭᠠᠬᠤ ᠨᠣᠭᠤᠰᠣ ᠲᠠᠢ ᠬᠢᠬᠦ ᠪᠣᠶᠤ ᠪᠢᠳᠡᠬᠦᠣ ᠭᠠᠩᠨᠠᠭᠰᠠᠨ ᠴᠣ᠋ ᠪᠣᠢ᠃ ᠪᠦᠰᠡᠬᠦᠶᠢᠴᠣᠣᠯ ᠬᠤᠶᠠᠷ ᠲᠡᠰᠢ ᠬᠠᠭᠠᠯᠵᠤ ᠰᠠᠯᠭᠠᠭᠰᠠᠨ ᠦᠰᠣᠨ  ᠤ  ᠪᠠᠨ ᠣᠭ ᠲᠤ ᠰᠢᠬᠠᠯᠭ᠎ᠠ  ᠪᠠᠨ ᠣᠭᠯᠠᠵᠤ ᠲᠣᠣᠷ᠎ᠠ  ᠠᠴᠠ ᠨᠢ ᠰᠢᠬᠠᠭᠤᠷ  ᠢᠶᠠᠷ ᠰᠢᠬᠠᠭᠠᠳ᠂ ᠬᠤᠶᠠᠷ ᠰᠠᠯᠠᠭ᠎ᠠ ᠭᠡᠵᠢᠭᠡ ᠬᠦᠷᠣᠳᠡᠭ᠃ ᠬᠦᠷᠣᠮᠠᠯ ᠭᠡᠵᠢᠭᠡ  ᠪᠠᠨ ᠰᠢᠬᠠᠭᠤᠷ ᠲᠠᠭᠠᠨ ᠣᠷᠢᠶᠠᠵᠤ ᠦᠵᠣᠬᠦᠷ  ᠢ ᠨᠢ ᠮᠥᠩᠬᠦᠨ ᠬᠠᠳᠬᠤᠭᠤᠷ  ᠢᠶᠠᠷ ᠰᠢᠬᠠᠯᠭ᠎ᠠ  ᠠᠴᠠ  ᠪᠠᠨ ᠡᠯᠬᠦᠬᠦ ᠪᠣᠶᠤ ᠱᠢᠷᠣ ᠰᠣᠪᠣᠳ  ᠢᠶᠠᠷ ᠬᠠᠨᠠᠴᠢᠯᠠᠨ ᠭᠡᠯᠬᠢᠭᠰᠡᠨ ᠦᠰᠣᠨ ᠲᠣᠣᠷ ᠲᠠᠭᠠᠨ ᠬᠢᠵᠤ ᠣᠨᠵᠢᠭᠤᠯᠣᠭᠰᠠᠨ ᠪᠠᠶᠢᠳᠠᠭ᠃ ᠲᠠᠳᠠᠭᠤᠷ ᠨᠢ ᠲᠣᠯᠣᠭᠠᠢ  ᠶᠢᠨ ᠲᠣᠭᠤᠷᠢᠭ ᠤᠨ ᠭᠡᠮᠵᠢᠶ᠎ᠡ  ᠪᠠᠷ ᠣᠶᠣᠭᠰᠠᠨ ᠢᠮᠠᠬᠤ ᠥᠷᠭᠡᠨ ᠬᠠᠷ᠎ᠠ ᠲᠤᠷᠭᠠᠨ ᠴᠠᠭᠠᠷᠢᠭ ᠪᠠᠶᠢᠳᠠᠭ᠃ ᠬᠠᠳᠠᠮᠠᠯ ᠬᠢᠭᠡᠳ ᠮᠠᠩᠨᠠᠢ  ᠶᠢᠨ ᠲᠤᠰᠢᠯᠢ᠂ ᠰᠢᠨ᠋ᠨ  ᠶᠢᠨ ᠲᠠᠷᠣᠪᠴᠢ᠂ ᠬᠠᠴᠠᠷ  ᠤᠨ ᠣᠨᠵᠢᠯᠭ᠎ᠠ᠂ ᠰᠢᠯᠢ ᠲᠣᠣᠷ ᠵᠡᠷᠭᠡ  ᠪᠠᠷ ᠪᠥᠷᠢᠯᠳᠣᠨ᠎ᠠ᠃ ᠬᠠᠳᠠᠮᠠᠯ ᠨᠢ ᠪᠥᠰ ᠴᠠᠭᠠᠷᠢᠭ ᠲᠡᠭᠡᠷ᠎ᠡ ᠡᠩᠨᠡᠬᠦᠯᠣᠨ ᠬᠠᠳᠠᠭᠰᠠᠨ ᠱᠢᠷᠣᠨ ᠰᠢᠬᠢᠳᠭᠡᠭᠡ ᠲᠠᠢ ᠠᠳᠠᠯᠢ ᠪᠣᠰᠣ ᠭᠡᠯᠪᠡᠷᠢ  ᠶᠢᠨ ᠮᠥᠩᠬᠦᠨ ᠲᠣᠪᠬᠤᠭᠤᠷ  ᠤᠳ  ᠪᠠᠶᠢᠳᠠᠭ᠃ ᠮᠠᠩᠨᠠᠢ  ᠶᠢᠨ ᠭᠤᠣᠯ  ᠳᠤ ᠬᠠᠳᠠᠭᠰᠠᠨ ᠲᠣᠮᠣᠬᠠᠨ ᠱᠢᠷᠣ ᠲᠠᠢ ᠵᠢᠷᠤᠭᠡᠨ ᠭᠡᠯᠪᠡᠷᠢ  ᠶᠢᠨ ᠲᠣᠪᠬᠤᠭᠤᠷ  ᠢ ︽ᠴᠢᠨᠳᠠᠮᠣᠨᠢ︾ ᠭᠡᠵᠤ᠂ ᠬᠤᠶᠠᠷ ᠲᠠᠯ᠎ᠠ  ᠪᠠᠷ ᠨᠢ ᠨᠢᠭᠡᠨ ᠵᠢᠭᠳᠡ ᠱᠢᠷᠣ ᠲᠠᠢ ᠲᠤᠭᠤᠷᠢᠭ ᠲᠦᠷᠪᠡᠯᠵᠢᠨ ᠭᠡᠯᠪᠡᠷᠢ  ᠶᠢᠨ ᠲᠣᠪᠬᠤᠭᠤᠷ  ᠤᠳ  ᠢ ᠰᠣᠯᠪᠢᠴᠠᠭᠤᠯᠣᠨ ᠬᠠᠳᠠᠭᠰᠠᠨ ᠪᠠᠶᠢᠳᠠᠭ᠃  ᠴᠢᠨᠳᠠᠮᠣᠨᠢ  ᠶᠢᠨ ᠲᠣᠭᠤᠣᠷ᠂ ᠲᠠᠳᠠᠭᠤᠷ ᠲᠠᠢ ᠵᠠᠯᠭᠠᠯᠳᠣᠭᠰᠠᠨ ︽ᠮᠠᠩᠨᠠᠢ  ᠶᠢᠨ ᠲᠣᠰᠢᠯᠢ︾ ᠭᠡᠵᠤ ᠱᠢᠷᠣᠨ ᠬᠦᠯ ᠲᠠᠢ ᠰᠣᠪᠣᠳ  ᠤᠨ ᠣᠨᠵᠢᠯᠭ᠎ᠠ ᠨᠤᠭᠤᠳ ᠨᠢ  ᠶᠠᠭ ᠰᠠᠶᠢᠬᠠᠨ ᠮᠠᠩᠨᠠᠢ  ᠶᠢᠨ ᠭᠡᠰᠡᠭ  ᠢ ᠬᠠᠯᠬᠠᠯᠠᠭᠰᠠᠨ ᠪᠠᠶᠢᠳᠠᠭ᠃ ᠲᠤᠰᠢᠯᠢ  ᠠᠴᠠ ᠠᠷᠣᠨᠰᠢ ᠬᠠᠳᠠᠮᠠᠯ  ᠠᠴᠠ ᠬᠤᠯᠪᠣᠭᠰᠠᠨ ᠱᠢᠷᠣᠨ ᠰᠢᠬᠢᠳᠭᠡᠭᠡ ᠲᠠᠢ ᠲᠠᠯ᠎ᠠ ᠰᠠᠷᠠᠨ ᠭᠡᠯᠪᠡᠷᠢ  ᠶᠢᠨ ᠬᠤᠣᠰ ᠮᠥᠩᠬᠦᠨ ᠪᠡᠯ ᠢ ︽ᠰᠢᠨ᠋ᠨ  ᠶᠢᠨ ᠲᠠᠷᠣᠪᠴᠢ︾ ᠭᠡᠨ᠎ᠡ᠃ ᠲᠠᠷᠣᠪᠴᠢ  ᠶᠢᠨ ᠲᠣᠣᠷ᠎ᠠ ᠲᠠᠯ᠎ᠠ ᠳᠠᠬᠢ ᠵᠢᠷᠭᠤᠭᠠᠨ ᠰᠠᠨᠵᠢ  ᠠᠴᠠ ᠱᠢᠷᠣᠨ ᠬᠦᠯ ᠲᠠᠢ ᠰᠣᠪᠣᠳ ᠤᠨ ᠣᠨᠵᠢᠯᠭ᠎ᠠ ᠪᠣᠶᠤ ᠣᠭ᠍ᠶᠣᠨ ᠬᠦᠯ ᠲᠠᠢ ᠱᠢᠷᠣᠨ ᠣᠨᠵᠢᠯᠭ᠎ᠠ ᠬᠤᠯᠪᠣᠭᠠᠳ᠂ ᠬᠠᠴᠠᠷ ᠬᠠᠯᠬᠠᠯᠠᠨ ᠪᠠᠭᠤᠵᠤ ᠮᠥᠷᠣ ᠱᠦᠷᠬᠦᠭᠡᠯᠴᠡᠭᠰᠡᠨ ᠢ ᠨᠢ ︽ᠬᠠᠴᠠᠷ  ᠤᠨ ᠣᠨᠵᠢᠯᠭ᠎ᠠ︾ ᠭᠡᠳᠡᠭ᠃ ᠴᠢᠬᠢᠨ  ᠠᠴᠠ ᠠᠷᠣᠨᠰᠢ ᠲᠣᠬᠤᠨ ᠳᠠᠬᠢ ᠬᠠᠳᠠᠮᠠᠯ  ᠠᠴᠠ ᠬᠤᠯᠪᠣᠭᠰᠠᠨ  ᠢ ︽ᠰᠢᠯᠢ ᠲᠣᠣᠷ︾ ᠭᠡᠨ᠎ᠡ᠃ ᠲᠡᠬᠦᠨ  ᠢ ᠬᠤᠷᠣᠬᠠᠢ ᠱᠢᠷᠣ  ᠪᠠᠷ ᠬᠠᠨᠠᠴᠢᠯᠠᠨ ᠭᠡᠯᠬᠢᠬᠦ ᠪᠣᠶᠤ ᠣᠭ᠍ᠶᠣ᠂ ᠣᠨᠳᠣᠷᠭ᠎ᠠ᠂ ᠲᠠᠨ᠎ᠠ ᠵᠡᠷᠭᠡ  ᠶᠢ ᠠᠯᠠᠭᠯᠠᠭᠤᠯᠣᠨ ᠭᠡᠯᠬᠢᠭᠡᠳ᠂ ᠣᠨᠵᠢᠯᠭ᠎ᠠ  ᠶᠢᠨ ᠬᠦᠯ ᠨᠢ ᠪᠣᠰᠣᠳ ᠣᠨᠵᠢᠯᠭ᠎ᠠ  ᠠᠴᠠ  ᠪᠠᠨ ᠲᠣᠮᠣ ᠪᠠᠶᠢᠳᠠᠭ᠃ ᠰᠢᠯᠢ ᠲᠣᠣᠷ ᠨᠢ ᠪᠠᠷᠤᠭ ᠲᠣᠯᠤᠭ᠎ᠠ ᠨᠠᠢᠮᠠᠨ ᠢᠮᠠᠬᠤ ᠥᠷᠭᠡᠨ᠂ ᠲᠤᠬᠤᠢ ᠢᠯᠡᠬᠦᠣ ᠣᠷᠳᠦ ᠲᠣᠯᠨ ᠰᠢᠯᠢ ᠬᠦᠵᠣᠬᠦᠣ  ᠶᠢ ᠪᠥᠷᠬᠦᠨ ᠪᠠᠭᠤᠭᠠᠳ᠂ ᠲᠠᠯᠣ ᠨᠢᠷᠣᠭᠤ ᠲᠠᠭᠠᠣ ᠣᠨᠵᠢᠯᠴᠠᠳᠠᠭ ᠠᠵᠠᠢ᠃ ᠴᠠᠬᠠᠷ ᠮᠠᠶ᠋ᠢᠭ  ᠤᠨ ᠰᠣᠶᠢᠭᠡ ᠨᠢ ᠲᠠᠩᠨᠡᠬᠦᠷᠭᠡ ᠭᠡᠯᠬᠢᠶᠡᠷᠢ᠂ ᠬᠤᠯᠪᠣᠭ᠎ᠠ᠂ ᠬᠠᠨᠳᠠᠷᠭ᠎ᠠ ᠵᠡᠷᠭᠡ ᠪᠠᠷ ᠪᠥᠷᠢᠯᠳᠣᠨ᠎ᠠ᠃ ᠵᠣᠯᠠᠢ  ᠠᠴᠠ ᠬᠤᠶᠠᠷ ᠴᠢᠬᠢ  ᠶᠢ ᠲᠠᠷᠣᠨ ᠪᠠᠭᠤᠵᠤ᠂ ᠡᠭᠡᠮ ᠴᠡᠭᠡᠵᠢ  ᠶᠢ ᠴᠢᠮᠡᠭᠰᠡᠨ ᠪᠠᠶᠢᠳᠠᠭ᠃ ᠵᠣᠯᠠᠢ ᠲᠡᠭᠡᠷ᠎ᠡ  ᠪᠠᠨ ᠲᠡᠩᠨᠡᠬᠦᠯᠣᠨ᠂ ᠲᠠᠯᠪᠢᠬᠤ  ᠳᠤ ᠵᠣᠷᠢᠭᠤᠯᠣᠭᠰᠠᠨ ᠣᠭ᠍ᠶᠣ ᠱᠢᠷᠣ᠂ ᠰᠣᠪᠣᠳ  ᠤᠨ ᠬᠠᠳᠠᠮᠠᠯ ᠲᠠᠢ ᠢᠮᠠᠬᠤ ᠥᠷᠭᠡᠨ ᠬᠠᠷ᠎ᠠ ᠲᠤᠷᠭᠠᠨ ᠪᠥᠴᠨ  ᠶᠢ ︽ᠰᠣᠶᠢᠭᠡᠨ ᠲᠡᠩᠨᠡᠬᠦᠷᠭᠡ︾ ᠭᠡᠵᠤ᠂ ᠪᠥᠴᠡᠨ  ᠤ ᠬᠤᠶᠠᠷ ᠦᠵᠣᠬᠦᠷ ᠲᠠᠬᠢ ᠰᠠᠨᠵᠢ  ᠠᠴᠠ ᠡᠯᠬᠦᠵᠣ ᠬᠤᠯᠪᠣᠭᠰᠠᠨ᠂ ᠬᠤᠭᠤᠷᠣᠨᠳᠦ  ᠪᠠᠨ ᠲᠠᠩᠭᠡᠯᠢᠭ ᠭᠡᠰᠢᠬᠦᠣ ᠲᠠᠢ ᠮᠥᠩᠬᠦᠨ ᠨᠣᠭᠤᠰᠣ  ᠨᠤᠭᠤᠳ  ᠢ ︽ᠰᠣᠶᠢᠭᠡᠨ ᠭᠡᠯᠬᠢᠶᠡᠷᠢ︾ ᠭᠡᠳᠡᠭ᠃ ᠨᠢᠭᠡ ᠲᠠᠯ᠎ᠠ  ᠶᠢᠨ ᠭᠡᠯᠬᠢᠶᠡᠷᠢ ᠳᠤ ᠭᠤᠷᠪᠠ ᠠᠴᠠ ᠲᠠᠪᠣᠨ ᠨᠣᠭᠤᠰᠣ ᠲᠠᠢ᠃ ᠲᠡᠭᠡᠷ᠎ᠡ  ᠠᠴᠠ ᠲᠤᠷᠤᠭᠰᠢ ᠲᠣᠮᠣᠷᠠᠳᠠᠭ ᠪᠥᠭᠡᠳ ᠬᠠᠮᠤᠭ ᠲᠡᠭᠡᠷ᠎ᠡ ᠨᠢ ᠲᠠᠯ᠎ᠠ ᠲᠤᠭᠤᠢ ᠭᠡᠯᠪᠡᠷᠢ  ᠲᠠᠢ ᠨᠣᠭᠤᠰᠣ ᠪᠠᠶᠢᠳᠠᠭ᠃ ᠨᠡᠷᠨ ᠰᠠᠷᠠᠨ ᠭᠡᠯᠪᠡᠷᠢ  ᠶᠢᠨ ᠬᠤᠶᠠᠷ ᠱᠢᠷᠣᠨ ᠰᠢᠬᠢᠳᠭᠡᠭᠡ ᠰᠠᠭᠤᠯᠭᠠᠨ᠂ ᠲᠡᠬᠦᠨ  ᠠᠴᠠ ᠲᠤᠷᠤᠭᠰᠢ ᠪᠦᠷ ᠨᠢᠵᠡᠭᠡᠳ ᠰᠢᠬᠢᠳᠭᠡᠭᠡ ᠲᠠᠢ ᠲᠦᠷᠪᠡᠯᠵᠢᠨ ᠨᠣᠭᠤᠰᠣ ᠪᠠᠶᠢᠳᠠᠭ᠃ ᠱᠢᠷᠣ ᠨᠢ ᠬᠠᠷᠢᠨ ᠨᠢᠭᠡᠨ  ᠠᠴᠠ ᠨᠢᠭᠡ ᠲᠣᠮᠣᠷᠠᠭᠤᠨ ᠪᠣᠯᠳᠠᠭ᠃ ᠬᠠᠮᠤᠭ  ᠤᠨ ᠲᠣᠣᠷᠠᠬᠢ ᠲᠣᠮᠣ ᠨᠣᠭᠤᠰᠣ ᠶᠢ ︽ᠰᠣᠶᠢᠭᠡᠨ ᠮᠥᠷᠣ︾ ᠭᠡᠨ᠎ᠡ᠃ ᠲᠡᠬᠦᠨ ᠠᠴᠠ ᠮᠥᠩᠬᠦᠨ ᠬᠠᠮᠬ᠎ᠠ ᠲᠢ ᠱᠢᠷᠣᠨ ᠬᠦᠯ ᠣᠨᠵᠢᠭᠰᠠᠨ ᠪᠠᠶᠢᠳᠠᠭ᠃ ᠣᠷᠳᠦ ᠪᠣᠭᠤᠨᠢ ᠨᠢ ᠠᠳᠠᠯᠢ ᠦᠭᠡᠢ ᠭᠤᠷᠪᠠᠨ ᠰᠠᠯᠠᠭ᠎ᠠ ᠱᠢᠷᠣ᠂ ᠰᠣᠪᠣᠳ  ᠤᠨ ᠭᠡᠯᠬᠢᠶ᠎ᠡ  ᠶᠢᠨ ᠬᠤᠶᠠᠷ ᠦᠵᠣᠬᠦᠷ  ᠢ ᠰᠣᠶᠢᠭᠡᠨ ᠮᠥᠷᠣ  ᠳᠤ ᠡᠯᠬᠦᠨ᠂ ᠲᠤᠷᠤᠭᠰᠢ ᠨᠣᠮᠣᠨ ᠭᠡᠯᠪᠡᠷᠢᠳᠠᠢ ᠬᠦᠨᠳᠣᠷᠣᠨ ᠪᠠᠭᠤᠯᠭᠠᠭᠰᠠᠨ  ᠢ ︽ᠰᠣᠶᠢᠭᠡᠨ ᠬᠤᠯᠪᠣᠭ᠎ᠠ︾ ᠭᠡᠨ᠎ᠡ᠃ ᠬᠤᠯᠪᠣᠭ᠎ᠠ  ᠶᠢᠨ ᠰᠠᠯᠠᠭ᠎ᠠ ᠪᠦᠷᠢ  ᠶᠢᠨ ᠭᠤᠣᠯ ᠲᠣᠮᠳᠠ ᠲᠣᠮᠣᠬᠠᠨ ᠪᠥᠮᠪᠣᠷᠭᠡᠨ ᠣᠭ᠍ᠶᠣ ᠱᠢᠷᠣ ᠰᠦᠪᠡᠯᠡᠭᠡᠳ ︽ᠰᠣᠶᠢᠭᠡᠨ ᠵᠢᠩᠰᠨ︾ ᠭᠡᠵᠤ ᠨᠡᠷᠡᠯᠡᠳᠡᠭ᠃ ᠬᠦᠳᠡᠯᠵᠤ ᠪᠥᠬᠦᠶᠢᠬᠦ ᠦᠶ᠎ᠡ  ᠳᠤ ᠰᠣᠶᠢᠭᠡᠨ ᠬᠤᠶᠠᠷ ᠭᠡᠯᠬᠢᠶᠡᠷᠢ ᠨᠢ ᠭᠠᠩᠬᠤᠵᠤ ᠰᠠᠵᠢᠯᠠᠬᠤ  ᠶᠢ ᠪᠣᠯᠭᠤᠮᠵᠢᠯᠠᠨ᠂ ᠱᠢᠷᠣ᠂ ᠰᠣᠪᠣᠳ  ᠤᠨ ᠭᠡᠯᠬᠢᠶ᠎ᠡ ᠪᠣᠶᠤ ᠨᠠᠷᠢᠨ ᠮᠥᠩᠬᠦᠨ ᠬᠢᠨᠵᠢ  ᠶᠢ ᠰᠣᠶᠢᠭᠡᠨ ᠮᠥᠷᠣ  ᠠᠴᠠ ᠬᠤᠯᠪᠣᠵᠤ᠂ ᠬᠦᠵᠣᠬᠦᠨ ᠳᠡᠭᠡᠨ ᠰᠣᠶᠢᠳᠠᠭ᠃ ᠡᠬᠦᠨ  ᠢ ︽ᠰᠣᠶᠢᠭᠡᠨ ᠬᠠᠨᠳᠠᠷᠭ᠎ᠠ︾ ᠭᠡᠨ᠎ᠠ᠃ ᠰᠣᠶᠢᠭᠡ ᠲᠠᠳᠠᠭᠤᠷ ᠨᠢ ᠬᠤᠪᠣᠷ ᠡᠷᠳᠡᠨᠢ  ᠶᠢᠨ ᠵᠣᠶᠢᠯᠡᠰ  ᠢᠶᠠᠷ ᠪᠥᠷᠢᠯᠳᠦᠭᠰᠡᠨ ᠬᠦᠨᠳᠦ ᠨᠦᠰᠡᠷ ᠵᠡᠬᠦᠳᠡᠯ ᠪᠣᠯᠬᠤᠷ ᠬᠠᠶᠢᠷᠠᠯᠠᠵᠤ ᠬᠢᠮᠠᠭᠠᠳᠠᠬᠤ ᠴᠢᠬᠤᠯᠨ ᠲᠠᠢ ᠪᠥᠭᠡᠳ ᠭᠡᠷ ᠭᠠᠳᠠᠨ᠎ᠠ  ᠶᠢᠨ ᠠᠵᠢᠯ ᠳᠤ ᠲᠦᠬᠦᠮ ᠦᠭᠡᠢ ᠪᠠᠶᠢᠳᠠᠭ ᠠᠴᠠ ᠵᠢᠯ ᠴᠠᠭᠠᠨ ᠰᠠᠷ᠎ᠠ᠂ ᠬᠤᠷᠢᠮ ᠨᠠᠶᠢᠷ ᠵᠡᠷᠭᠡ ᠬᠦᠨᠳᠦ ᠶᠣᠰᠣᠨ  ᠤ ᠵᠠᠩ ᠣᠶᠢᠯᠨ  ᠶᠢ ᠬᠦᠢᠴᠡᠳᠭᠡᠬᠦ  ᠳᠤ ᠰᠠᠶ᠋ᠢ ᠲᠣᠯᠣᠭᠠᠢ  ᠶᠢᠨ ᠵᠡᠬᠦᠳᠡᠯ  ᠢᠶᠠᠨ ᠪᠥᠷᠢᠨ ᠬᠦᠢᠴᠠᠳ ᠵᠡᠬᠦᠳᠡᠭ᠃ ᠶᠠᠷᠣ ᠶᠢᠨ ᠴᠠᠭ ᠨᠠᠷᠢᠨ ᠲᠠᠳᠠᠭᠤᠷ᠂ ᠰᠢᠬᠠᠯᠭ᠎ᠠ ᠯᠨ ᠵᠡᠬᠦᠳᠡᠭ ᠪᠠᠶᠢᠵᠠᠢ᠃ ᠨᠠᠷᠢᠨ ᠲᠠᠳᠠᠭᠤᠷ ᠨᠢ ᠮᠠᠩᠨᠠᠢ ᠰᠢᠨ᠋ᠨ  ᠶᠢ ᠲᠠᠷᠣᠬᠤ ᠭᠡᠮᠵᠢᠶ᠎ᠡ ᠲᠠᠢ ᠢᠮᠠᠬᠤ ᠥᠷᠭᠡᠨ ᠬᠠᠷ᠎ᠠ ᠪᠥᠰ ᠲᠡᠭᠡᠷ᠎ᠡ ᠴᠥᠭᠡᠪᠣᠷᠢ ᠱᠢᠷᠣ ᠰᠣᠪᠣᠳ ᠬᠠᠳᠠᠭᠰᠠᠨ ᠪᠥᠴᠨ ᠶᠢ ᠣᠳᠠᠰᠣᠨ ᠣᠶᠠᠭ᠎ᠠ ᠪᠠᠷ ᠲᠣᠯᠣᠭᠠᠢ  ᠳᠠᠭᠠᠨ ᠵᠠᠩᠬᠢᠳᠳᠣᠳᠠᠭ᠃ ᠡᠬᠦᠨ  ᠠᠴᠠ ᠭᠠᠳᠠᠨ᠎ᠠ ᠪᠦᠰᠡᠬᠦᠶᠢᠴᠣᠳ  ᠤᠨ ᠵᠡᠬᠦᠳᠡᠯ  ᠵᠢᠮᠰᠡᠭ ᠲᠤ ᠡᠩᠭᠡᠷ  ᠤᠨ ᠭᠤᠷᠪᠠᠨ ᠵᠡᠬᠦᠳᠡᠯ᠂ ᠲᠠᠰᠢᠶᠠᠨ  ᠤ ᠬᠤᠶᠠᠷ ᠪᠠᠯ᠂ ᠭᠠᠷ  ᠤᠨ ᠪᠠᠭᠤᠪᠴᠢ ᠵᠡᠷᠭᠡ ᠪᠠᠶᠢᠳᠠᠭ᠃ ᠪᠦᠰᠡᠳᠠᠶᠢᠴᠣᠳ  ᠤᠨ ᠡᠳ᠋ᠯᠡᠯ ᠴᠢᠮᠡᠭ ᠲᠤ ᠠᠶᠠᠭᠠᠨ ᠣᠭᠤᠳᠠ᠂ ᠭᠤᠶᠠᠨ ᠲᠠᠷᠣᠪᠴᠢ᠂ ᠬᠢᠮᠰᠨ᠂ ᠰᠢᠬᠢᠵᠢᠯᠡᠬᠦᠷ ᠤᠨ ᠭᠡᠯᠬᠢᠶ᠎ᠡ ᠵᠡᠷᠭᠡ ᠪᠠᠶᠢᠳᠠᠭ᠃ ᠡᠳᠡᠭᠡᠷ ᠡᠳ᠋ᠯᠡᠭᠡᠨ ᠤ ᠬᠢᠴᠨ᠂ ᠭᠡᠯᠪᠡᠷᠢ ᠶᠠᠩᠵᠤ᠂ ᠣᠷ᠎ᠠ ᠲᠠᠷᠬ᠎ᠠ ᠨᠢ ᠲᠡᠭᠡᠷ᠎ᠡ ᠲᠣᠷᠠᠳᠣᠭᠰᠠᠨ ᠵᠣᠶᠢᠯᠡᠰ ᠲᠠᠢ ᠠᠳᠠᠯᠢᠪᠳᠣᠷ ᠲᠣᠯᠨ ᠠᠳᠡ ᠨᠠᠷᠢᠨ ᠲᠣᠭᠠᠴᠢᠬᠤ ᠦᠭᠡᠢ᠃ ᠶᠡᠷᠣ ᠨᠢ ᠮᠣᠩᠭᠤᠯᠴᠣᠳ ᠪᠡᠶ᠎ᠡ ᠳᠡᠭᠡᠨ ᠠᠯᠳᠠ᠂ ᠮᠥᠩᠬᠦ᠂ ᠡᠷᠳᠡᠨᠢ  ᠶᠢᠨ ᠴᠢᠯᠠᠭᠤ᠂ ᠬᠤᠪᠣᠷ ᠠᠮᠢᠳᠡᠨ  ᠤ ᠠᠷᠠᠰᠣ᠂ ᠲᠣᠷᠭ᠎ᠠ ᠮᠠᠩᠨᠤᠭ ᠡᠳ᠋ᠯᠡᠵᠤ ᠶᠠᠪᠣᠬᠤ  ᠪᠠᠷ ᠪᠠᠷᠠᠬᠤ ᠦᠭᠡᠢ ᠮᠠᠯ ᠣᠨᠤᠭ᠎ᠠ  ᠪᠠᠨ ᠬᠦᠷᠳᠡᠯ᠎ᠡ ᠮᠥᠩᠬᠦᠨ ᠵᠢᠮᠰᠡᠭ᠂ ᠲᠤᠷᠭ᠎ᠠ ᠲᠣᠷᠳᠣᠩ  ᠢᠶᠠᠷ ᠴᠢᠮᠡᠵᠤ ᠭᠤᠶᠣᠯᠠᠳᠠᠭ  ᠢᠶᠠᠷ  ᠢᠶᠠᠨ ᠲᠡᠯᠡᠭᠡᠢ ᠲᠠᠶᠠᠩ  ᠳᠤ ᠭᠠᠶᠢᠬᠠᠳᠠᠵᠤ ᠪᠢᠰᠢᠷᠡᠭᠳᠡᠨ᠂ ᠲᠡᠣᠭᠡ ᠬᠠᠭᠤᠴᠢ  ᠶᠢ ᠰᠢᠨᠵᠢᠯᠡᠨ ᠰᠣᠳᠣᠯᠣᠭᠴᠢᠳ ᠤᠨ ᠣᠷᠮ᠎ᠠ ᠰᠣᠨᠢᠷᠬᠠᠯ  ᠢ ᠲᠠᠳᠠᠭᠰᠠᠭᠠᠷ ᠪᠠᠶᠢᠨ᠎ᠠ᠃ ᠡᠰᠢᠯᠡᠭᠰᠡᠨ ᠨᠣᠮ᠄ ᠰᠠᠮᠫᠠᠯᠳᠣᠩᠷᠣᠪ  ᠤᠨ ︽ᠴᠠᠬᠠᠷ  ᠤᠨ ᠰᠣᠶᠣᠯ ᠲᠡᠣᠭᠡ  ᠶᠢᠨ ᠰᠢᠵᠢᠷ ᠬᠠᠭᠤᠳᠠᠰᠣ︾ ︵ᠥᠪᠣᠷ ᠮᠣᠩᠭᠤᠯ  ᠤᠨ ᠰᠢᠨᠵᠢᠯᠡᠬᠦ ᠣᠬᠠᠭᠠᠨ ᠲᠧᠭᠨᠢᠭ ᠮᠡᠷᠭᠡᠵᠢᠯ  ᠤᠨ ᠭᠡᠪᠯᠡᠯ  ᠤᠨ ᠬᠤᠷᠢᠶ᠎ᠠ᠂2008 ᠣᠨ  ᠤ5 ᠰᠠᠷ᠎ᠠ︶ ︽ᠰᠢᠯᠣᠭᠤᠨ ᠬᠦᠪᠡᠭᠡᠳᠦ ᠴᠠᠭᠠᠨ ᠬᠤᠰᠢᠭᠤᠨ  ᠤ ᠰᠣᠶᠣᠯ ᠲᠡᠣᠭᠡ  ᠶᠢᠨ ᠮᠠᠲ᠋ᠧᠷᠢᠶᠠᠯ︾ ︵ᠬᠤᠶᠠᠳᠣᠭᠠᠷ ᠲᠣᠪᠬᠢᠮᠠᠯ︶᠂ ︵ᠲᠣᠳᠣᠭᠠᠳᠦ ᠬᠡᠪᠯᠡᠯ᠂ 1986 ᠣᠨ︶
  
ᠢᠷᠡᠯᠲᠡ᠄ ᠰᠢᠯᠣᠭᠤᠨ ᠬᠦᠪᠡᠭᠡᠲᠦ ᠴᠠᠭᠠᠨ ᠬᠤᠰᠢᠭᠤᠨ ᠤ ᠲᠡᠣᠬᠡ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠬᠤᠷᠢᠮ ᠤᠨ ᠶᠤᠰᠤᠨ
ᠤᠪᠤᠭᠠᠠ ᠳᠠᠬᠢᠯᠭ᠎ᠠ
ᠮᠠᠯ ᠰᠢᠨᠡᠯᠡᠬᠦᠯᠬᠦ ᠶᠣᠰᠣᠨ
ᠮᠠᠯ ᠰᠢᠨᠡᠯᠡᠬᠦᠯᠬᠦ ᠶᠣᠰᠣᠨ
ᠮᠠᠯ ᠰᠠᠳᠠᠷᠯᠠᠬᠦ ᠶᠣᠰᠣᠠ
ᠥᠪᠦᠷ ᠮᠣᠩᠭᠤᠯ ᠤᠨ ᠥᠪᠡᠷᠳᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠣᠷᠳᠣᠨ ᠠᠴᠠ ᠭᠤᠤᠯᠴᠢᠯᠠᠨ ᠡᠷᠬᠢᠯᠡᠪᠡ ᠥᠪᠦᠷ ᠮᠣᠩᠭᠤᠯ ᠤᠨ ᠥᠪᠡᠷᠳᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠤᠷᠳᠤᠨ ᠤ ᠠᠯᠪᠠᠨ ᠲᠢᠩᠬᠢᠮ ᠠᠴᠠ ᠲᠠᠭᠠᠭᠠᠴᠢᠯᠠᠨ ᠡᠷᠬᠢᠯᠡᠪᠡ ᠃ ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠮᠡᠷᠭᠡᠵᠢᠯ ᠬᠠᠩᠭᠠᠪᠠ᠃ ᠰᠢᠤᠳᠠᠨ ᠳ᠋ᠤᠭᠠᠷ: 010098    蒙ICP备05000248号