| ᠬᠤᠷᠠᠭᠠ ᠲᠤᠭᠤᠯ ᠲᠤᠭᠯᠠᠯᠳᠤᠭᠰᠠᠨ ᠬᠦᠳᠡᠭᠡ ᠠᠶᠢᠯ ᠤᠨ ᠪᠠᠶᠠᠰᠤᠯ | ᠴᠠᠭᠠᠨ ᠰᠠᠷᠠ ᠶᠢᠨ ᠠᠷᠪᠠᠳ ᠢᠶᠠᠷ ᠰᠢᠯᠤᠭᠤᠨ ᠬᠦᠪᠡᠬᠡᠳᠦ ᠴᠠᠭᠠᠨ ᠬᠤᠰᠢᠭᠤᠨ ᠤ ᠪᠤᠯᠠᠭᠠᠨᠳᠤᠬᠤᠢ ᠰᠤᠮᠤᠨ ᠤ | ᠲᠤᠯᠢᠨᠪᠤᠯᠠᠭ ᠭᠠᠴᠠᠭᠠᠨ ᠤ ᠮᠠᠯᠴᠢᠨ ᠵᠠᠯᠠᠭᠤ ᠪᠢᠯᠢᠭᠪᠡᠳᠦ ᠶᠢᠨ ᠬᠢᠨ ᠳᠤ ᠬᠦᠷᠬᠦ ᠳᠤ ᠪᠠᠷᠠᠭᠤᠨ ᠲᠠᠯᠠ ᠶᠢᠨ ᠲᠤᠯᠠᠭᠠᠨ | ᠫᠸᠡᠭ ᠤᠨ ᠡᠩᠬᠡᠷ ᠲᠤ ᠰᠢᠷᠠ ᠠᠯᠠᠭ ᠵᠢᠷᠭᠤᠭᠠᠨ ᠲᠤᠭᠤᠯ ᠲᠤᠭᠯᠠᠵᠦ᠂ ᠵᠠᠬᠦᠨ ᠲᠠᠯᠠ ᠶᠢᠨ ᠰᠠᠷᠠᠪᠴᠢᠨ | ᠬᠠᠰᠢᠶᠠᠨ ᠳᠤ ᠵᠢᠰᠥᠮ ᠨᠢᠬᠡᠳᠡᠢ ᠬᠤᠷᠠᠭᠠ ᠨᠤᠭᠤᠳ ᠲᠤᠭᠯᠠᠯᠳᠤᠵᠦ ᠬᠠᠷᠠᠭᠠ ᠪᠠᠶᠠᠰᠬᠠᠵᠦ ᠠᠩᠬᠠᠷᠤᠯ ᠢ ᠲᠠᠳᠠᠨᠠ᠃ | ᠲᠦᠯ ᠮᠠᠯ᠂ ᠠᠮᠢᠳᠤᠷᠠᠯ ᠠᠬᠤᠢ ᠶᠢᠨ ᠬᠢᠨᠢ ᠲᠤᠬᠠᠢ ᠤᠶᠢᠯᠠᠭᠠᠬᠤ ᠳᠤ ᠪᠢᠯᠢᠭᠪᠡᠳᠦ᠄ ︽ᠤᠳᠤ ᠴᠦᠬᠡᠪᠤᠷ | ᠬᠡᠳᠥᠨ ᠵᠤᠰᠠᠭ ᠲᠦᠯᠥᠬᠡ ᠯᠠ ᠦᠯᠡᠳᠡᠵᠦ ᠪᠠᠶᠢᠬᠤ ᠠᠴᠠ ᠬᠤᠨᠢ ᠦᠨᠳᠤᠰᠥᠨ ᠳᠤ ᠪᠠᠨ ᠬᠤᠷᠠᠭᠠᠯᠠᠵᠦ ᠪᠠᠷᠠᠭᠠᠳ | ᠲᠦᠯ ᠪᠦᠷ ᠡᠪᠡᠰᠦ ᠪᠤᠷᠳᠤᠭᠠ ᠳᠤ ᠤᠷᠤᠴᠢᠬᠠᠭᠰᠠᠨ᠃ ᠨᠢᠳᠤᠨᠤᠨ ᠤ 12 ᠰᠠᠷᠠ ᠠᠴᠠ ᠥᠨᠥᠳᠥᠷ ᠪᠤᠯᠳᠠᠯᠠ 6 | ᠦᠨᠢᠶᠡ ᠲᠤᠭᠤᠯᠯᠠᠭᠠᠳ ᠪᠠᠶᠢᠨᠠ᠃ ᠨᠢᠳᠤᠨᠤᠨ ᠨᠠᠮᠤᠷ ᠮᠠᠨ ᠤ ᠬᠢ ᠡᠪᠥᠯᠵᠢᠬᠦᠯᠵᠦ ᠬᠠᠪᠤᠷᠵᠢᠭᠤᠯᠬᠤ ᠮᠠᠯ | ᠲᠤᠮᠳᠠᠴᠢ ᠳᠤ 500 ᠺᠢᠯᠥᠭᠷᠠᠮ ᠡᠪᠡᠰᠦ᠂ 30 ᠺᠢᠯᠥᠭᠷᠠᠮ ᠪᠤᠷᠳᠤᠭᠠ ᠪᠡᠯᠡᠳᠬᠡᠵᠦ᠂ ᠤᠳᠤ ᠶᠠᠭ ᠬᠠᠭᠠᠰᠯᠠᠵᠦ | ᠪᠠᠶᠢᠨᠠ᠃ ᠥᠡᠭᠬᠡᠷᠡᠬᠦ ᠡᠪᠥᠯ ᠴᠦ ᠪᠠᠰᠠ ᠮᠦᠨ ᠬᠡᠴᠡᠬᠦᠦ ᠬᠦᠢᠳᠡᠨ ᠴᠢᠩᠭᠠ ᠡᠪᠥᠯ ᠥᠡᠭᠬᠡᠷᠡᠯᠡ ᠰᠢᠤ᠃ | ᠤᠤᠯ ᠢᠶᠠᠨ ᠪᠤᠳᠤᠪᠠᠯ ᠤᠳᠤ ᠴᠢᠨᠢ ᠪᠤᠷᠳᠤᠭᠠ ᠡᠪᠡᠰᠦ᠂ ᠫᠸᠡᠭ ᠬᠤᠷᠤᠭᠠ ᠬᠡᠳ ᠠᠯᠢ ᠴᠦ ᠲᠠᠯᠠ ᠪᠠᠷ ᠪᠠᠷᠳᠠᠮ | ᠪᠡᠯᠡᠳᠬᠡᠯ ᠲᠠᠢ ᠪᠤᠯᠴᠢᠬᠠᠭᠰᠠᠨ ᠪᠤᠯᠬᠤᠷ ᠪᠠᠭᠠ ᠰᠠᠭᠠ ᠵᠤᠳ ᠭᠠᠮᠰᠢᠭ ᠢ ᠲᠤᠭᠤᠬᠤ ᠴᠦ ᠦᠬᠡᠢ ᠲᠤᠭᠤᠯᠬᠤ ᠪᠤᠯᠪᠠ | ᠃ ᠡᠨᠡ ᠵᠢᠯ ᠪᠠᠰᠠ ᠴᠦ ᠮᠠᠯ ᠠᠵᠦ ᠠᠬᠤᠢ ᠶᠢᠨ ᠡᠯᠪᠡᠭ ᠬᠤᠷᠢᠶᠠᠯᠳᠠ ᠤᠯᠬᠤ ᠵᠢᠯ ᠬᠡᠵᠦ ᠪᠠᠷᠳᠠᠮ ᠬᠡᠯᠡᠵᠦ ᠪᠤᠯᠤᠮᠠᠷ | ᠪᠠᠶᠢᠨᠠ︾ ᠬᠡᠵᠦ ᠨᠢᠷᠤᠭᠤ ᠬᠡᠳᠡᠬᠡᠷ᠂ ᠢᠨᠢᠶᠡᠳᠦ ᠪᠠᠶᠠᠰᠤᠯ ᠲᠠᠢ ᠶᠠᠷᠢᠨᠠ ᠪᠢᠯᠡ᠃ | ᠡᠳᠡᠨ ᠤ ᠬᠢᠨ ᠴᠦ ᠮᠦᠨ ᠲᠤᠯᠢᠨᠪᠤᠯᠠᠭ ᠨᠤᠳᠤᠭ ᠲᠤ ᠪᠠᠨ ᠠᠵᠢᠯᠴᠢ ᠬᠦᠳᠡᠯᠮᠥᠷᠢᠴᠢ ᠠᠶᠢᠯ᠂ ᠡᠷᠡᠮᠡᠯᠵᠡᠯ | ᠬᠦᠰᠡᠯ ᠲᠠᠢ ᠪᠠᠶᠠᠵᠢᠨ ᠴᠢᠨᠡᠭᠡᠯᠢᠭᠵᠢᠵᠤ ᠶᠠᠪᠤᠭᠠ ᠡᠷᠥᠬᠡ ᠶᠢᠨ ᠨᠢᠬᠡ ᠶᠤᠮ᠃ ᠪᠢᠯᠢᠭᠪᠡᠳᠦ ᠬᠡᠷᠬᠡᠢ | ᠮᠦᠡᠭᠬᠦᠨᠬᠤᠸᠠᠷ ᠲᠠᠢ ᠪᠠᠨ ᠬᠤᠶᠠᠭᠤᠯᠠ ᠠᠵᠢᠯ ᠬᠦᠳᠡᠯᠮᠥᠷᠢ ᠬᠡᠪᠡᠯ ᠠᠮᠢ ᠪᠠᠨ ᠴᠦᠯᠡᠨ ᠠᠵᠢᠯᠯᠠᠵᠦ᠂ ᠠᠳᠤᠭᠤ | ᠮᠠᠯ ᠢᠶᠠᠨ ᠬᠡᠪᠡᠯ ᠠᠯᠠᠭ ᠨᠢᠳᠤᠨ ᠤ ᠪᠠᠨ ᠴᠡᠴᠡᠬᠡᠢ ᠮᠡᠳᠦ ᠬᠠᠶᠢᠷᠠᠯᠠᠨ ᠠᠷᠠᠴᠢᠯᠠᠵᠦ᠂ ᠨᠠᠷᠠ ᠰᠠᠷᠠ ᠲᠠᠢ ᠵᠡᠷᠬᠡᠴᠡᠨ | ᠨᠠᠷᠢᠨ ᠨᠢᠮᠪᠠᠢ ᠪᠤᠳᠤᠵᠦ ᠲᠦᠯᠥᠪᠯᠡᠨ ᠵᠤᠷᠢᠭ ᠰᠠᠮᠪᠠᠭᠠ ᠲᠠᠢ ᠠᠵᠢᠯᠯᠠᠳᠠᠭ ᠠᠴᠠ ᠠᠵᠢᠯ ᠦᠢᠯᠡᠰ ᠨᠢ ᠤᠨ ᠤᠨ | ᠦᠷᠡ ᠪᠦᠳᠥᠮᠵᠢᠳᠡᠢ᠂ ᠠᠳᠤᠭᠤ ᠮᠠᠯ ᠨᠢ ᠵᠢᠯ ᠵᠢᠯ ᠥᠬᠡᠳᠡ ᠥᠰᠥᠯᠳᠡ ᠲᠠᠢ ᠪᠠᠶᠢᠳᠠᠭ᠃ ᠤᠳᠤ ᠡᠳᠡᠨ ᠤ ᠬᠢᠨ | 230 ᠪᠤᠭ ᠮᠠᠯ᠂ 26 ᠪᠤᠳᠠ ᠮᠠᠯ ᠲᠠᠢ ᠪᠠᠶᠢᠵᠦ᠂ ᠵᠢᠯ ᠳᠤ ᠪᠠᠨ 100 ᠪᠤᠭ ᠮᠠᠯ᠂ ᠠᠷᠪᠠᠭᠠᠳ ᠪᠤᠳᠠ ᠮᠠᠯ | ᠬᠤᠳᠠᠯᠳᠤᠳᠠᠭ ᠲᠤᠯᠠ ᠤᠶᠢᠷᠠ ᠶᠢᠨ ᠵᠢᠯ ᠤᠨ ᠮᠠᠯᠵᠢᠯ ᠤᠨ ᠤᠷᠤᠯᠭᠠ ᠨᠢ ᠳᠡᠭᠰᠢᠳᠭᠡᠭᠡᠳ 12 ᠲᠦᠮᠡᠨ | ᠲᠦᠬᠦᠷᠢᠭ ᠲᠤ ᠬᠦᠷᠴᠦ ᠪᠠᠶᠢᠨᠠ᠃ ᠬᠤᠶᠠᠷ ᠬᠡᠤᠬᠡᠨ ᠨᠢ ᠬᠤᠰᠢᠭᠤᠨ ᠤ ᠪᠠᠨ ᠮᠤᠩᠭᠤᠯ ᠲᠤᠮᠳᠠᠳᠦ | ᠰᠤᠷᠭᠠᠭᠤᠯᠢ ᠶᠢᠨ ᠠᠩᠬᠠ ᠨᠢᠬᠡ᠂ ᠮᠤᠩᠭᠤᠯ ᠴᠡᠴᠡᠷᠯᠢᠭ ᠤᠨ ᠶᠡᠭᠡ ᠠᠩᠬᠢ ᠳᠤ ᠰᠤᠷᠤᠯᠴᠠᠵᠦ᠂ ᠲᠦᠷᠪᠡᠨ ᠠᠮᠠ | ᠪᠦᠯᠢ ᠶᠢᠨ ᠬᠦᠮᠥᠨ ᠪᠦᠷᠢ ᠶᠢᠨ ᠵᠢᠯ ᠤᠨ ᠲᠤᠮᠳᠠᠴᠢ ᠤᠷᠤᠯᠭᠠ ᠨᠢ 1.8 ᠲᠦᠮᠡᠨ ᠲᠦᠬᠦᠷᠢᠭ ᠲᠤ ᠬᠦᠷᠴᠦ᠂ | ᠴᠢᠷᠮᠠᠶᠢᠯᠭᠠ ᠵᠢᠳᠬᠦᠯ ᠢᠶᠠᠷ ᠢᠶᠠᠨ ᠴᠢᠨᠡᠬᠡᠯᠢᠭ ᠠᠮᠢᠳᠤᠷᠠᠯ ᠢ ᠡᠳ᠋ᠯᠡᠵᠦ ᠬᠦᠰᠡᠯ ᠮᠦᠷᠥᠬᠡᠳᠥᠯ ᠢᠶᠠᠨ ᠲᠡᠷᠬᠡᠯᠰᠢᠬᠦᠯᠵᠦ | ᠶᠠᠪᠤᠨᠠ᠃ | |