| ᠭᠦᠨ ᠮᠦᠷ ᠤᠨ ᠰᠢᠯᠦᠭ ᠤᠳ ᠤᠷᠤᠰᠢᠪᠠᠢ | — ᠱᠠᠪᠷᠤᠩ ᠳᠠᠨᠵᠢᠨ ᠵᠤᠬᠢᠶᠠᠪᠠ | ᠠᠶᠠ ᠭᠠᠶᠢᠬᠠᠮᠰᠢᠭ ᠲᠤ ᠡᠨᠡ ᠽᠠᠮᠪᠦᠳᠢᠪ ᠤᠨ ᠳᠦᠪ ᠳᠤᠮᠳᠠ | ᠠᠮᠢᠳᠠᠨ ᠨᠤᠭᠤᠳ ᠤᠨ ᠤᠴᠠᠷᠠᠬᠤᠶᠠ ᠪᠡᠷᠭᠡ ᠱᠠᠰᠢᠨ ᠤ ᠳᠡᠷᠭᠡᠳᠡ | ᠠᠷᠢᠭᠤᠨ ᠳᠡᠬᠦᠯᠳᠡᠷ ᠪᠡᠶᠡ ᠶᠢ ᠤᠯᠵᠦ ᠳᠦᠷᠦᠭᠰᠡᠨ ᠪᠢᠯᠡ᠂ | ᠠᠪᠤᠷᠠᠭᠴᠢ ᠪᠤᠭᠳᠠ ᠡᠵᠡᠨ ᠳᠠᠶᠢᠱᠤᠭ ᠮᠠᠨᠳᠠᠯ ᠢᠶᠠᠨ ᠡᠷᠬᠦᠶᠠ᠂ | ᠭᠠᠳᠠᠭᠠᠳᠤ ᠳᠠᠯᠠᠢ ᠶᠢᠨ ᠳᠡᠷᠳᠡᠭᠡ ᠤᠷᠳᠤᠨ ᠬᠠᠷᠰᠢ ᠲᠤᠷ | ᠬᠠᠭᠠᠨ ᠽᠠᠺᠠᠷᠠᠸᠠᠳᠢ ᠶᠢᠨ ᠰᠠᠭᠤᠭᠰᠠᠨ ᠭᠤᠴᠢᠨ ᠬᠤᠶᠠᠷ ᠮᠤᠳᠤᠨ ᠬᠦᠮᠦᠨ ᠲᠠᠢ | ᠬᠠᠳᠠᠭᠤ ᠬᠢᠯᠢᠩᠳᠤ ᠨᠠᠢᠮᠠᠨ ᠠᠷᠰᠯᠠᠨ ᠡᠷᠬᠦᠭᠰᠡᠨ ᠰᠢᠷᠡᠭᠡᠨ ᠳᠡᠭᠡᠷᠡ | ᠬᠠᠮᠤᠭ ᠤᠨ ᠡᠵᠡᠨ ᠳᠦᠮᠡᠨ ᠨᠠᠰᠤᠳᠤ ᠴᠢᠮᠡᠳᠳᠤᠷᠵᠢ ᠶᠤᠭᠠᠨ ᠵᠠᠯᠠᠶᠠ᠂ | ᠳᠤᠳᠤᠭᠠᠳᠤ ᠪᠡᠭᠡᠵᠢᠩ ᠬᠤᠳᠠ ᠮᠠᠨᠳᠠᠯ ᠤᠨ ᠤᠷᠳᠤᠨ ᠲᠤᠷ | ᠳᠤᠨᠤᠮᠠᠯ ᠳᠡᠮᠤᠷ ᠬᠠᠭᠠᠨ ᠤ ᠬᠦᠮᠦᠨ ᠳᠠᠶᠢᠮᠢᠩ ᠤᠨ ᠰᠢᠷᠡᠭᠡᠨ ᠲᠤᠷ | ᠳᠤᠨᠤᠮᠠᠯ ᠨᠠᠷᠠᠨ ᠤ ᠭᠡᠷᠡᠯ ᠪᠤᠯᠤᠭᠰᠠᠨ ᠰᠢᠳᠠᠷ ᠸᠠᠩ ᠶᠤᠭᠠᠨ ᠵᠠᠯᠠᠵᠦ | ᠳᠤᠮᠳᠠᠳᠤ ᠤᠯᠤᠰ ᠤᠨ ᠰᠦᠷ ᠢᠶᠠᠷ ᠳᠠᠷᠤᠵᠦ ᠡᠷᠭᠡ ᠲᠡᠭᠡᠨ ᠬᠤᠷᠢᠶᠠᠬᠤ ᠪᠤᠯᠳᠤᠭᠠᠢ᠂ | ᠮᠠᠨᠵᠤ ᠶᠢᠨ ᠬᠠᠷᠢᠶᠠᠳᠤ ᠮᠦᠭᠳᠡᠨ ᠬᠤᠳᠠ ᠶᠢᠨ ᠤᠷᠳᠤᠨ ᠲᠤᠷ | ᠮᠠᠨᠵᠤᠰᠢᠷᠢ ᠪᠤᠭᠳᠠ ᠬᠠᠭᠠᠨ ᠤ ᠡᠷᠳᠡᠨᠢ ᠶᠢᠨ ᠰᠢᠷᠡᠭᠡᠨ ᠲᠤᠷ | ᠮᠠᠨ ᠤ ᠬᠠᠯᠬᠠ ᠶᠢᠨ ᠠᠪᠠᠳᠠᠢ ᠰᠠᠶᠢᠨ ᠬᠠᠭᠠᠨ ᠤ ᠤᠳᠤᠮ ᠠᠴᠠ | ᠮᠠᠩᠯᠠᠢ ᠪᠤᠯᠤᠭᠰᠠᠨ ᠠᠮᠤᠷ ᠪᠠᠶᠠᠰᠬᠤᠯᠠᠩᠳᠦ ᠶᠤᠭᠠᠨ ᠵᠠᠯᠠᠶᠠ᠂ | ᠡᠷᠳᠡᠨᠢ ᠶᠢᠨ ᠰᠠᠶᠢᠨ ᠪᠤᠶᠠᠨ ᠳᠤ ᠢᠷᠤᠭᠡᠯ ᠤᠨ ᠬᠦᠴᠦᠨ ᠢᠶᠠᠷ | ᠡᠨᠡ ᠽᠠᠮᠪᠦᠳᠢᠪ ᠶᠢᠨ ᠤᠷᠤᠨ ᠳᠤ ᠡᠷᠳᠡᠨᠢᠳᠤ ᠪᠡᠶᠡ ᠶᠢ ᠤᠯᠤᠨ | ᠡᠨᠡᠷᠢᠭᠴᠢ ᠪᠤᠭᠳᠠ ᠬᠠᠭᠠᠨ ᠤ ᠠᠯᠪᠠᠳᠤ ᠱᠠᠪᠢ ᠪᠤᠯᠤᠨ ᠳᠦᠷᠦᠵᠦ | ᠡᠬᠦᠷᠢᠳᠠ ᠱᠠᠰᠢᠨ ᠳᠦᠷᠦ ᠶᠢ ᠲᠠᠭᠠᠨ ᠳᠡᠳᠬᠦᠬᠦ ᠪᠤᠯᠳᠤᠭᠠᠢ᠂ | ᠬᠠᠭᠠᠨ ᠪᠤᠭᠳᠠ ᠡᠵᠡᠨ ᠤ ᠠᠳᠢᠰᠳᠠᠳ ᠰᠦᠷ ᠰᠦᠯᠳᠠ ᠲᠤᠷ | ᠭᠠᠳᠠᠭᠠᠳᠤ ᠶᠢᠨ ᠬᠠᠷᠰᠢᠯᠠᠬᠤ ᠡᠳᠡᠭᠡᠳ ᠨᠤᠭᠤᠳ ᠢ ᠳᠠᠷᠤᠭᠳᠤᠨ | ᠬᠠᠮᠤᠭ ᠤᠯᠤᠰ ᠪᠦᠬᠦᠳᠡ ᠡᠷᠭᠡ ᠲᠤᠷ ᠬᠤᠷᠠᠨ ᠴᠢᠭᠤᠯᠵᠦ | ᠭᠠᠶᠢᠬᠠᠮᠰᠢᠭ ᠳᠦᠷᠦ ᠳᠦᠮᠡᠨ ᠤᠨ ᠲᠤᠷ ᠪᠠᠳᠤᠳᠠ ᠤᠷᠤᠰᠢᠬᠤ ᠪᠤᠯᠳᠤᠭᠠᠢ᠂ | ᠠᠮᠤᠭᠤᠯᠠᠩ ᠲᠤ ᠰᠤᠺᠡᠸᠠᠳᠢ ᠶᠢᠨ ᠳᠠᠷᠢᠶᠠᠯᠠᠩ ᠤᠨ ᠤᠷᠤᠨ ᠠᠴᠠ | ᠠᠪᠢᠳᠡ ᠶᠢᠨ ᠬᠤᠪᠢᠯᠭᠠᠨ ᠪᠤᠭᠳᠠ ᠡᠵᠡᠨ ᠭᠡᠭᠡᠭᠡᠨ ᠮᠢᠨᠤ ᠵᠠᠯᠠᠷᠠ | ᠠᠯᠢᠪᠠ ᠮᠤᠩᠭᠤᠯ ᠤᠨ ᠱᠠᠪᠢ ᠠᠯᠪᠠᠳᠤ ᠶᠤᠭᠠᠨ ᠠᠳᠢᠰᠯᠤᠭᠰᠠᠨ ᠢᠶᠠᠷ | ᠠᠮᠤᠷ ᠵᠠᠶᠠᠭᠠᠨ ᠤ ᠪᠤᠶᠠᠨ ᠢ ᠡᠳ᠋ᠯᠠᠵᠦ ᠴᠡᠩᠭᠡᠬᠦ ᠪᠤᠯᠳᠤᠭᠠᠢ᠃ | |