| ᠵᠤᠬᠢᠶᠠᠭᠴᠢ ᠶᠢᠨ ᠳᠤᠪᠴᠢ ᠨᠠᠮᠳᠠᠷ᠄ ᠰᠢᠵᠢᠷᠴᠡᠴᠡᠭ᠂ ᠰᠢᠯᠤᠭᠤᠨ ᠬᠦᠪᠡᠭᠡᠳᠤ ᠴᠠᠭᠠᠨ ᠬᠤᠰᠢᠭᠤᠨ ᠤ ᠶᠡᠭᠡᠨᠠᠭᠤᠷ | ᠰᠤᠮᠨᠤ ᠤ ᠪᠤᠷᠤᠳᠤᠯᠤᠭᠠᠢ ᠭᠠᠴᠠᠭᠠᠨ ᠳᠤ ᠮᠠᠯᠴᠢᠨ ᠠᠪᠤ ᠵᠢᠷᠭᠠᠯ᠂ ᠡᠵᠢ ᠰᠡᠷᠵᠢᠮᠢᠳᠤᠭ ᠤᠨ ᠤᠤᠭᠠᠨ ᠦᠬᠢᠨ ᠨᠢ | ᠪᠤᠯᠵᠦ ᠵᠠᠶᠠᠭᠠᠵᠠᠢ᠃ ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠨᠤᠮ ᠵᠤᠬᠢᠶᠠᠯ ᠳᠤ ᠳᠤᠷᠠᠳᠠᠢ ᠪᠠᠶᠢᠵᠦ᠂ 2000 ᠤᠨ ᠳᠤ ︽ᠬᠤᠨ | ᠭᠠᠯᠠᠭᠤ︾ ᠰᠡᠳᠬᠦᠯ ᠤᠨ ᠡᠷᠬᠢᠯᠡᠭᠰᠡᠨ ︽ᠠᠮᠢᠳᠤᠷᠠᠯ︾ ᠭᠡᠬᠦ ᠢᠵᠢᠯ ᠭᠠᠷᠴᠠᠭᠳᠤ ᠨᠠᠶᠢᠷᠠᠭᠤᠯᠤᠯ ᠤᠨ ᠤᠷᠤᠯᠳᠤᠭᠠᠨ | ᠳᠤ ᠰᠢᠯᠢᠳᠡᠭ ᠪᠠᠶᠢᠷᠢ ᠳᠤ ᠳᠤᠳᠤᠷᠠᠵᠠᠢ᠃ 2004 ᠤᠨ ᠳᠤ ᠠᠩᠬᠠᠨ ᠤ ᠰᠢᠯᠦᠭ ᠢᠶᠠᠨ ︽ᠰᠢᠯᠢ ᠶᠢᠨ ᠭᠤᠤᠯ︾ | ᠰᠡᠳᠬᠦᠯ ᠳᠤ ᠨᠡᠶᠢᠳᠡᠯᠡᠬᠦᠯᠵᠦ᠂ 2005 ᠤᠨ ᠳᠤ ᠪᠦᠬᠦ ᠤᠯᠤᠰ ᠤᠨ ᠠᠩᠬᠠᠳᠤᠭᠠᠷ ᠤᠳᠠᠭᠠᠨ ᠤ ︽ᠬᠢᠯᠦᠭᠡᠨ | ᠤᠶᠠᠩᠭᠠ︾ ᠢᠷᠠᠭᠤ ᠨᠠᠶᠢᠷᠠᠭ ᠤᠨ ᠤᠷᠤᠯᠳᠤᠭᠠᠨ ᠳᠤ ︽ᠳᠡᠮᠡᠭᠡᠨ ᠳᠤ ᠪᠢᠴᠢᠭᠰᠡᠨ ᠰᠢᠯᠦᠭ︾ ᠢᠶᠠᠷ ᠢᠶᠠᠨ ᠬᠦᠷᠠᠯ | ᠤᠳᠤᠨ ᠳᠤᠰᠴᠦ ᠪᠢᠯᠡ᠃ 2008 ᠤᠨ ᠳᠤ ᠪᠦᠬᠦ ᠤᠯᠤᠰ ᠤᠨ ︽ᠮᠢᠩᠭᠠᠳᠤ ᠤᠳᠤᠨ︾ ᠰᠢᠯᠦᠭ ᠤᠨ | ᠤᠷᠤᠯᠳᠤᠭᠠᠨ ᠤ ᠳᠡᠷᠢᠬᠦᠨ ᠪᠠᠶᠢᠷᠢ᠂ ᠨᠠᠢᠮᠠᠨ ᠮᠤᠵᠢ ᠤᠷᠤᠨ ᠤ ᠠᠩᠬᠠᠳᠤᠭᠠᠷ ᠤᠳᠠᠭᠠᠨ ᠤ ︽ᠮᠦᠡᠭᠭᠡ ᠤᠷᠤᠰᠬᠠᠯ︾ | ᠰᠢᠯᠦᠭ ᠤᠨ ᠤᠷᠤᠯᠳᠤᠭᠠᠨ ᠤ ᠭᠤᠷᠪᠠᠳᠤᠭᠠᠷ ᠪᠠᠶᠢᠷᠢ ᠳᠤ ᠳᠤᠳᠤᠷᠠᠪᠠ᠃ 2018 ᠤᠨ ᠳᠤ ︽ᠡᠭᠡ ᠤᠷᠤᠨ ᠤ | ᠮᠢᠨᠢ ᠬᠠᠶᠢᠷᠠᠯᠠᠭᠰᠠᠨ ᠡᠷᠭᠡ ᠴᠢᠯᠦᠭᠡ ᠭᠤᠶᠤ ᠡ︾ ᠬᠡᠬᠦ ᠰᠢᠯᠦᠭ ᠨᠢ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ ᠳᠠᠯᠠ | ᠨᠤᠳᠤᠭ ᠤᠨ ᠰᠤᠶᠤᠯ ᠤᠨ ᠨᠠᠶᠢᠷ ᠤᠨ ᠳᠤᠭᠯᠠᠯᠳᠠ ᠳᠤ ᠰᠤᠩᠭᠤᠭᠳᠠᠭᠰᠠᠨ ᠪᠠᠶᠢᠨᠠ᠃ | ᠦᠪᠦᠷ ᠮᠤᠩᠭᠤᠯ ᠤᠨ ᠵᠤᠬᠢᠶᠠᠯᠴᠢᠳ ᠤᠨ ᠡᠪᠯᠡᠯ ᠤᠨ ᠬᠡᠰᠢᠬᠦᠨ᠂ ᠰᠢᠯᠢ ᠶᠢᠨ ᠭᠤᠤᠯ ᠠᠶᠢᠮᠠᠭ ᠤᠨ | ᠵᠤᠬᠢᠶᠠᠯᠴᠢᠳ ᠤᠨ ᠨᠡᠶᠢᠭᠡᠮᠯᠢᠭ ᠤᠨ ᠬᠡᠰᠢᠬᠦᠨ᠂ ᠰᠦᠨᠢᠳ ᠵᠡᠬᠦᠨ ᠬᠤᠰᠢᠭᠤᠨ ᠤ ᠵᠤᠬᠢᠶᠠᠯᠴᠢᠳ ᠤᠨ ᠨᠡᠶᠢᠭᠡᠮᠯᠢᠭ | ᠤᠨ ᠬᠡᠰᠢᠬᠦᠨ᠃ ᠡᠳᠦᠭᠡ ᠰᠦᠨᠢᠳ ᠵᠡᠬᠦᠨ ᠬᠤᠰᠢᠭᠤᠨ ᠤ ᠪᠠᠶᠠᠡᠨᠠᠭᠤᠷ ᠪᠠᠯᠭᠠᠰᠤᠨ ᠤ ᠳᠠᠪᠰᠢᠯᠳᠤ ᠭᠠᠴᠠᠭᠠᠨ ᠳᠤ | ᠠᠵᠢᠯᠯᠠᠵᠦ ᠠᠮᠢᠳᠤᠷᠠᠵᠦ ᠪᠤᠢ᠃ | ᠡᠭᠡ ᠤᠷᠤᠨ ᠤ ᠮᠢᠨᠢ ᠬᠠᠶᠢᠷᠠᠯᠠᠭᠰᠠᠨ | ᠡᠷᠭᠡ ᠴᠢᠯᠦᠭᠡ ᠭᠤᠶᠤ ᠁ | — ᠰᠢᠵᠢᠷᠴᠡᠴᠡᠭ ᠵᠤᠬᠢᠶᠠᠪᠠ | | ᠰᠤᠯᠤᠩᠭᠠ ᠳᠠᠳᠠᠬᠤ ᠠᠭᠱᠠᠨ ᠳᠤ | ᠡᠷᠬᠡ ᠴᠢᠯᠦᠭᠡ | ᠬᠤᠷᠠ ᠶᠢᠨ ᠳᠤᠰᠤᠯ ᠰᠢᠭ᠋ ᠪᠤᠯᠤᠷᠳᠠᠨᠠ | ᠰᠤᠮᠤᠨ ᠬᠤᠷᠳᠤᠨ ᠬᠦᠯᠦᠭ ᠤᠳ ᠪᠠᠷᠢᠭᠠᠨ ᠤ ᠭᠠᠵᠠᠷ ᠢᠶᠠᠨ ᠢᠷᠡᠬᠦ ᠳᠤ | ᠡᠷᠭᠡ ᠴᠢᠯᠦᠭᠡ | ᠰᠤᠪᠤᠳᠤᠨ ᠬᠦᠯᠦᠰᠤᠨ ᠳᠤᠨᠢ ᠬᠢᠯᠳᠤᠭᠠᠨᠠᠨᠠ | ᠰᠢᠬᠦᠳᠡᠷᠢ ᠶᠢᠨ ᠮᠦᠬᠦᠯᠢᠭ ᠨᠠᠪᠴᠢᠨ ᠳᠡᠭᠡᠷᠡ ᠳᠤᠭᠳᠠᠨ ᠪᠦᠡᠭᠵᠢᠭᠡᠨᠡᠬᠦ ᠳᠤ | ᠡᠷᠭᠡ ᠴᠢᠯᠦᠭᠡ | ᠡᠷᠳᠡᠨᠢ ᠶᠢᠨ ᠦᠷᠠᠯ ᠰᠢᠭ ᠮᠤᠯᠤᠷᠳᠠᠨᠠ | ᠰᠦᠨᠢ ᠶᠢᠨ ᠰᠠᠷᠠᠨ ᠳᠤ ᠳᠤᠷᠠᠯᠠᠯ ᠠᠰᠠᠬᠤ ᠳᠤ | ᠡᠷᠬᠡ ᠴᠢᠯᠦᠭᠡ | ᠡᠵᠡᠨ ᠬᠦᠮᠦᠨ ᠰᠢᠭ ᠳᠤᠨᠢᠷᠬᠠᠨᠠ | ᠡᠭᠡᠮᠦᠭ ᠵᠡᠬᠦᠯᠳᠡ ᠪᠠᠷ ᠢᠶᠠᠨ ᠭᠤᠶᠤᠨ ᠬᠠᠨᠢ ᠪᠠᠨ ᠬᠦᠯᠢᠶᠡᠬᠦ ᠳᠤ | ᠡᠷᠬᠡ ᠴᠢᠯᠦᠭᠡ | ᠬᠠᠶᠢᠷᠠ ᠪᠤᠯᠵᠦ ᠳᠤᠷᠮᠤᠶᠢᠨᠠ | ᠡᠩᠭᠡᠷ ᠤᠨ ᠳᠤᠪᠴᠢ ᠪᠠᠨ ᠠᠯᠳᠠᠷᠠᠭᠠᠨ ᠦᠷᠠ ᠪᠠᠨ ᠬᠦᠬᠦᠬᠦᠯᠬᠦ ᠳᠤ | ᠡᠷᠭᠡ ᠴᠢᠯᠦᠭᠡ | ᠰᠦ ᠪᠤᠯᠵᠦ ᠠᠰᠬᠠᠷᠠᠨᠠ | ᠡᠬᠦᠯᠡ ᠨᠠᠷᠠᠨ ᠤ ᠴᠢᠯᠦᠭᠡᠨ ᠳᠤ ᠰᠢᠪᠠᠭᠤᠳ ᠳᠡᠬᠦᠯᠢᠬᠦ ᠳᠤ | ᠡᠷᠭᠡ ᠴᠢᠯᠦᠭᠡ | ᠠᠭᠠᠷ ᠨᠢ ᠪᠤᠯᠵᠦ ᠳᠠᠯᠠᠪᠴᠢᠯᠠᠳᠠᠭ | ᠦᠦᠷ ᠰᠦᠨᠢ ᠶᠢᠨ ᠬᠤᠭᠤᠷᠤᠨᠳᠤ ᠨᠤᠭᠤᠭᠠ ᠤᠷᠭᠤᠬᠤ ᠳᠤ | ᠡᠷᠭᠡ ᠴᠢᠯᠦᠭᠡ | ᠠᠮᠢᠰᠬᠤᠭᠠ ᠨᠢ ᠪᠤᠯᠵᠦ ᠰᠡᠷᠡᠯᠵᠡᠳᠡᠭ | ᠰᠤᠷᠮᠤᠤᠰᠤᠨ ᠳᠠᠭᠠᠨ ᠨᠢᠭᠤᠳᠠᠭ ᠨᠢᠯᠪᠤᠰᠤ ᠮᠢᠨᠢ | ᠰᠤᠪᠤᠳᠷᠠᠨ ᠠᠰᠬᠠᠷᠠᠬᠤ ᠨᠢ | ᠡᠷᠭᠡ ᠴᠢᠯᠦᠭᠡᠨ ᠤ ᠦᠵᠡᠰᠬᠦᠯᠠᠩ | ᠰᠤᠩᠭᠤᠭᠰᠠᠨ ᠨᠤᠳᠤᠭ ᠮᠢᠨᠢ | ᠰᠤᠨᠤᠰᠬᠤᠯᠠᠩ ᠬᠠᠶᠢᠯᠠᠬᠤ ᠨᠢ | ᠡᠷᠭᠡ ᠴᠢᠯᠦᠭᠡᠨ ᠤ ᠡᠭᠡᠰᠢᠭᠯᠡᠩ | ᠮᠤᠳᠤᠨ ᠤ ᠨᠠᠪᠴᠢᠰ | ᠨᠢᠯᠪᠤᠰᠤ ᠪᠤᠯᠵᠦ ᠤᠨᠠᠬᠤ ᠨᠢ | ᠡᠷᠭᠡ ᠴᠢᠯᠦᠭᠡ ᠬᠠᠨᠢᠰᠠᠭ ᠪᠠᠶᠢᠬᠤ ᠶᠢᠨ ᠡᠮᠵᠡᠭ | ᠮᠤᠨᠤᠰᠤᠨ ᠤ ᠮᠦᠴᠢᠷ | ᠮᠤᠶᠢᠯ ᠵᠢᠮᠢᠰ ᠢᠶᠠᠨ ᠤᠨᠠᠭᠠᠬᠤ ᠨᠢ | ᠡᠷᠭᠡ ᠴᠢᠯᠦᠭᠡ ᠳᠠᠩᠰᠤᠭ ᠪᠠᠶᠢᠬᠤ ᠶᠢᠨ ᠳᠡᠮᠳᠡᠭ |