| ᠤᠷᠴᠢᠮ ᠤᠨ ᠵᠢᠯ ᠤᠨ ︽ᠬᠤᠨᠢ ᠶᠢ ᠴᠥᠭᠡᠴᠢᠯᠡᠵᠥ ᠥᠭᠡᠷ ᠢ ᠨᠡᠮᠡᠭᠳᠡᠬᠦᠯᠬᠦ︾ ᠪᠠᠶᠢᠯᠲᠤᠬᠤ ᠪᠤᠲᠤᠯᠭᠠ ᠶᠢᠨ | ᠤᠷᠢᠶᠠᠯᠠᠭᠠ ᠪᠠᠷ ᠰᠢᠯᠤᠭᠤᠨ ᠬᠥᠪᠡᠭᠡᠲᠥ ᠴᠠᠭᠠᠨ ᠬᠤᠰᠢᠭᠤᠨ ᠤ ᠤᠯᠠᠭᠠᠨᠴᠠᠪ ᠰᠤᠮᠤ ᠶᠢᠨ ᠰᠠᠶᠢᠨᠪᠤᠯᠠᠭ ᠭᠠᠴᠠᠭᠠᠨ ᠤ | ᠮᠠᠯᠴᠢᠨ ᠬᠤᠤᠰᠪᠠᠶᠠᠷ ᠮᠠᠯ ᠰᠥᠷᠥᠭ ᠤᠨ ᠪᠥᠲᠥᠴᠡ ᠳᠤ ᠪᠠᠨ ᠲᠤᠬᠢᠷᠠᠭᠤᠯᠤᠯᠲᠠ ᠬᠢᠵᠥ ᠮᠠᠯ ᠤᠨ ᠲᠤᠭᠠ ᠪᠠᠨ | ᠴᠥᠭᠡᠴᠢᠯᠡᠵᠥ᠂ ᠡᠬᠦᠯᠲᠡᠷ ᠰᠠᠶᠢᠵᠢᠷᠠᠭᠤᠯᠬᠤ ᠠᠵᠢᠯ ᠢ ᠴᠢᠩᠭᠠᠳᠬᠠᠨ ᠡᠬᠦᠯᠲᠡᠷ ᠤᠨ ᠥᠭᠡᠷ ᠮᠠᠯᠵᠢᠵᠥ᠂ ᠴᠢᠨᠡᠭᠡᠯᠢᠭ | ᠠᠮᠢᠲᠤᠷᠠᠯ ᠢᠶᠠᠨ ᠴᠤᠭᠴᠠᠯᠠᠵᠥ ᠶᠠᠪᠤᠨᠠ᠃ | ᠬᠤᠤᠰᠪᠠᠶᠠᠷ ᠢ ᠰᠤᠷᠪᠤᠯᠵᠢᠯᠠᠬᠤ ᠪᠠᠷ ᠬᠥᠷᠬᠦ ᠳᠤ ᠲᠡᠷᠡ ᠥᠭᠡᠷ ᠤᠨ ᠬᠥᠯᠲᠡᠬᠦᠰᠥ ᠪᠠᠨ ᠠᠪᠴᠥ ᠪᠠᠶᠢᠯᠠ᠃ | ᠵᠠᠳᠠᠭᠠᠢ ᠬᠤᠷᠤᠭᠠᠨ ᠳᠠᠬᠢ ᠲᠠᠷᠭᠤ ᠰᠠᠶᠢᠲᠠᠢ ᠥᠨᠢᠶᠡᠳ ᠠᠴᠠ ᠨᠢ ᠡᠲᠡᠨ ᠤ ᠬᠢ ᠪᠤᠯ ᠮᠠᠯ ᠤᠨ ᠢᠶᠠᠨ ᠲᠡᠵᠢᠭᠡᠯ | ᠪᠤᠷᠲᠤᠭᠠ ᠶᠢ ᠬᠥᠷᠥᠯᠴᠡᠭᠡᠲᠡᠢ ᠬᠥᠢᠴᠡᠳ ᠪᠡᠯᠡᠳᠭᠡᠵᠥ᠂ ᠬᠡᠪᠲᠡᠯᠭᠡ ᠬᠤᠷᠤᠭᠠ ᠶᠢ ᠨᠢ ᠲᠤᠯᠠᠭᠠᠨ ᠲᠠᠪᠠᠲᠠᠢ | ᠪᠠᠶᠢᠯᠭᠠᠵᠥ᠂ ᠮᠠᠯ ᠰᠥᠷᠥᠭ ᠢᠶᠠᠨ ᠮᠡᠨᠲᠤ ᠡᠪᠤᠯᠵᠢᠬᠦᠯᠲᠡᠭ ᠠᠵᠢᠯᠴᠢ ᠠᠶᠢᠯ ᠪᠤᠯᠬᠤ ᠨᠢ ᠭᠠᠲᠠᠷᠯᠠᠭᠲᠠᠨᠠ᠃ | ᠡᠲᠡᠨ ᠤ ᠬᠢ 2014 ᠤᠨ ᠳᠤ 300 ᠭᠠᠷᠤᠢ ᠬᠤᠨᠢ ᠮᠠᠯᠵᠢᠵᠥ ᠪᠠᠶᠢᠭᠰᠠᠨ ᠢᠶᠠᠨ ᠨᠤᠲᠤᠭ ᠪᠡᠯᠴᠢᠭᠡᠷ ᠢᠪᠴᠤᠤ᠂ | ᠭᠠᠨᠭ᠌ ᠭᠠᠴᠢᠭ᠂ ᠮᠠᠯ ᠤᠨ ᠡᠬᠦᠯᠲᠡᠷ ᠠᠨᠠᠢ ᠵᠡᠷᠭᠡ ᠰᠢᠯᠲᠠᠭᠠᠨ ᠠᠴᠠ ᠰᠥᠷᠥᠭ ᠤᠨ ᠪᠥᠲᠥᠴᠡ ᠳᠤ ᠪᠠᠨ | ᠲᠤᠬᠢᠷᠠᠭᠤᠯᠤᠯᠲᠠ ᠬᠢᠵᠥ᠂ ᠬᠤᠨᠢ ᠪᠠᠨ ᠬᠤᠲᠠᠯᠲᠤᠨ ᠡᠬᠦᠯᠲᠡᠷ ᠤᠨ ᠥᠭᠡᠷ ᠮᠠᠯᠵᠢᠬᠤ ᠵᠠᠮ ᠢ ᠡᠬᠢᠯᠡᠬᠦᠯᠵᠥ᠂ | ᠡᠬᠦᠯᠲᠡᠷ ᠰᠠᠶᠢᠨ ᠪᠤᠬᠠ ᠬᠤᠲᠠᠯᠲᠤᠨ ᠠᠪᠴᠥ ᠭᠤᠴᠢᠭᠠᠳ ᠨᠤᠲᠤᠭ ᠤᠨ ᠥᠭᠡᠷ ᠢᠶᠠᠨ ᠢᠲᠡᠭ ᠢᠲᠡᠭ ᠢᠶᠠᠷ | ᠡᠬᠦᠯᠲᠡᠷ ᠢ ᠨᠢ ᠰᠠᠶᠢᠵᠢᠷᠠᠭᠤᠯᠬᠤ ᠠᠵᠢᠯ ᠢ ᠬᠢᠭᠰᠡᠨ ᠪᠠᠶᠢᠨᠠ᠃ ᠡᠨᠡ ᠲᠤᠮᠲᠠ ᠭᠤᠷᠪᠠ ᠲᠥᠷᠪᠡᠨ ᠵᠢᠯ ᠪᠤᠯᠪᠠᠯ | ᠪᠤᠬᠠ ᠪᠠᠨ ᠨᠢᠭᠡ ᠤᠲᠠᠭᠠ ᠰᠤᠯᠢᠬᠤ ᠶᠢᠨ ᠬᠠᠮᠲᠤ ᠤᠷᠤᠯᠭᠠ ᠵᠠᠷᠤᠯᠭᠠ ᠪᠠᠨ ᠵᠤᠬᠢᠴᠠᠭᠤᠯᠤᠨ ᠨᠤᠲᠤᠭ ᠤᠨ ᠥᠭᠡᠷ | ᠬᠤᠲᠠᠯᠲᠤᠭᠰᠠᠨ ᠤᠷᠤᠯᠭᠠ ᠪᠠᠷ ᠢᠶᠠᠨ ᠵᠢᠯ ᠪᠥᠷᠢ ᠰᠢᠮᠧᠨ᠋ᠲ᠋ᠠᠷ ᠥᠨᠢᠶᠠ ᠠᠪᠴᠥ ᠡᠬᠦᠯᠲᠡᠷ ᠢ ᠨᠢ ᠰᠠᠶᠢᠵᠢᠷᠠᠭᠤᠯᠵᠥ | ᠢᠷᠡᠭᠰᠡᠨ ᠢᠶᠠᠷ ᠤᠢᠢᠷᠠ ᠶᠢᠨ ᠬᠤᠶᠠᠷ ᠵᠢᠯ ᠨᠢᠭᠡ ᠲᠤᠭᠤᠯ ᠨᠢ ᠲᠡᠭᠰᠢᠳᠭᠡᠭᠡᠳ ᠨᠢᠭᠡ ᠲᠥᠮᠡ ᠭᠤᠷᠪᠠ ᠲᠥᠷᠪᠡᠨ | ᠮᠢᠩᠭᠠᠨ ᠲᠥᠭᠦᠷᠢᠭ ᠲᠤ ᠬᠥᠷᠲᠡᠭ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ ᠡᠨᠡ ᠲᠤᠬᠠᠢ ᠬᠤᠤᠰᠪᠠᠶᠠᠷ᠄ ︽ᠲᠠᠪᠤ ᠵᠢᠷᠭᠤᠭᠠᠨ | ᠵᠢᠯ ᠤᠨ ᠡᠮᠥᠨᠠ ᠮᠠᠨ ᠤ ᠬᠢ ᠬᠤᠨᠢ ᠥᠭᠡᠷ ᠢ ᠬᠤᠤᠰᠯᠠᠭᠤᠯᠤᠨ ᠮᠠᠯᠵᠢᠵᠥ᠂ 300 ᠭᠠᠷᠤᠢ ᠬᠤᠨᠢ᠂ ᠭᠤᠴᠢ | ᠲᠥᠴᠢᠨ ᠥᠭᠡᠷ ᠲᠠᠢ ᠪᠠᠶᠢᠭᠰᠠᠨ᠃ ᠰᠡᠬᠦᠯᠡᠷ ᠨᠢ ᠵᠤᠨ ᠳᠤ ᠪᠠᠨ ᠭᠠᠨᠭ᠌ ᠬᠠᠭᠰᠠᠷᠠᠭᠠᠨ᠂ ᠡᠪᠤᠯ ᠳᠤ ᠪᠠᠨ ᠴᠠᠰᠤ | ᠵᠤᠳ ᠪᠤᠯᠤᠭᠰᠠᠨ ᠢᠶᠠᠷ ᠥᠭᠡᠷ ᠢᠶᠠᠷ ᠭᠤᠤᠯᠲᠠᠭᠤᠯᠤᠨ ᠮᠠᠯᠵᠢᠵᠠᠢ᠃ ᠡᠬᠢᠯᠡᠭᠡᠳ ᠰᠠᠶᠢᠨ ᠡᠬᠦᠯᠲᠡᠷ ᠤᠨ ᠪᠤᠬᠠ | ᠲᠠᠯᠪᠢᠵᠥ᠂ ᠴᠥᠭᠡᠨ ᠴᠥᠭᠡᠨ ᠢᠶᠠᠷ ᠰᠠᠶᠢᠨ ᠡᠬᠦᠯᠲᠡᠷ ᠤᠨ ᠥᠭᠡᠷ ᠠᠪᠴᠥ ᠢᠷᠡᠭᠰᠡᠨ ᠢᠶᠠᠷ ᠤᠲᠤ ᠥᠭᠡᠷ ᠤᠨ | ᠡᠬᠦᠯᠲᠡᠷ ᠤᠤᠯ ᠢ ᠪᠤᠲᠤᠪᠠᠯ ᠨᠡᠯᠢᠶᠡᠳ ᠰᠠᠶᠢᠨ ᠪᠤᠯᠤᠭᠰᠠᠨ᠃ ᠮᠠᠨ ᠤ ᠬᠢᠨ ᠤ ᠥᠭᠡᠷ ᠵᠤᠨ ᠳᠤ ᠪᠠᠨ ᠬᠡᠭᠡᠷᠡᠯᠡᠭᠡᠳ | ᠶᠠᠪᠤᠴᠢᠬᠠᠲᠠᠭ ᠪᠤᠯᠬᠤᠷ ᠬᠡᠬᠡᠯᠲᠥᠬᠦᠯᠭᠡ ᠬᠢᠵᠥ ᠲᠡᠶᠢᠯᠬᠦ ᠥᠭᠡᠢ᠂ ᠪᠤᠬᠠ ᠪᠠᠨ ᠪᠠᠶᠢᠡᠭᠭᠤ ᠰᠤᠯᠢᠬᠤ ᠴᠢᠬᠤᠯᠠᠲᠠᠢ | ᠪᠤᠯᠬᠤᠷ ᠡᠬᠦᠯᠲᠡᠷ ᠢ ᠰᠠᠶᠢᠵᠢᠷᠠᠭᠤᠯᠵᠥ᠂ ᠲᠤᠭᠠ ᠲᠤᠯᠤᠭᠠᠢ ᠶᠢ ᠴᠥᠭᠡᠴᠢᠯᠡᠬᠦ ᠰᠠᠨᠠᠭᠠ ᠲᠠᠢ︾ ᠭᠡᠵᠥ ᠶᠠᠷᠢᠨᠠ᠃ | ᠬᠤᠤᠰᠪᠠᠶᠠᠷ ᠤᠨ ᠬᠢ ᠭᠤᠷᠪᠠᠨ ᠠᠮᠠ ᠪᠥᠯᠢ ᠲᠠᠢ᠂ ᠠᠪᠤ ᠡᠵᠢ ᠪᠤᠯᠤᠨ ᠠᠬᠠ ᠶᠢᠨ ᠬᠢ ᠲᠠᠢ ᠪᠠᠨ ᠨᠡᠶᠢᠲᠡ | 2500 ᠭᠠᠷᠤᠢ ᠮᠥ ᠨᠤᠲᠤᠭ ᠪᠡᠯᠴᠢᠭᠡᠷ ᠲᠡᠭᠡᠷᠠ ᠲᠥᠴᠢᠭᠡᠳ ᠰᠢᠮᠧᠨ᠋ᠲ᠋ᠠᠷ ᠥᠭᠡᠷ᠂ ᠭᠤᠴᠢᠭᠠᠳ ᠱᠥᠯᠥᠨ ᠤ ᠬᠤᠨᠢ | ᠮᠠᠯᠵᠢᠵᠥ ᠪᠠᠶᠢᠭᠠ ᠴᠢᠨᠡᠭᠡᠯᠢᠭ ᠠᠮᠢᠲᠤᠷᠠᠯ ᠲᠠᠢ ᠠᠶᠢᠯ ᠤᠨ ᠨᠢᠭᠡᠨ ᠶᠤᠮ᠃ ᠨᠢᠲᠤᠨᠤᠨ ᠵᠢᠯ ᠡᠪᠡᠰᠥ ᠪᠠᠨ ᠬᠠᠲᠤᠭᠰᠠᠨ | ᠥᠭᠡᠢ᠂ ᠥᠭᠡᠷ ᠲᠤ ᠪᠠᠨ ᠪᠡᠯᠴᠢᠭᠡᠷ ᠥᠯᠡᠲᠡᠭᠡᠵᠥ᠂ ᠬᠥᠭᠡ ᠡᠪᠡᠰᠥ 46 ᠲᠤᠨ᠂ ᠡᠷᠲᠡᠨᠢ ᠰᠢᠰᠢ ᠶᠢᠨ ᠰᠥᠷᠠᠯ 26 | ᠲᠤᠨ᠂ ᠪᠤᠷᠲᠤᠭᠠ 20 ᠲᠤᠨ ᠪᠡᠯᠡᠳᠭᠡᠵᠥ᠂ ᠨᠡᠶᠢᠲᠡ 42 ᠥᠭᠡᠷ᠂ ᠭᠤᠴᠢᠭᠠᠳ ᠱᠥᠯᠥᠨ ᠤ ᠬᠤᠨᠢ | ᠡᠪᠤᠯᠵᠢᠬᠦᠯᠥᠭᠰᠡᠨ ᠪᠠᠶᠢᠯᠠ᠃ ᠨᠢᠲᠤᠨᠤᠨ ᠠᠷᠪᠠᠭᠠᠳ ᠥᠭᠡᠷ᠂ ᠲᠥᠴᠢ ᠰᠢᠬᠠᠮ ᠲᠤᠭᠤᠯ ᠬᠤᠲᠠᠯᠲᠤᠭᠠᠳ ᠨᠡᠶᠢᠲᠡ | ᠵᠢᠷᠠᠭᠠᠳ ᠲᠥᠮᠡᠨ ᠲᠥᠭᠦᠷᠢᠭ ᠤᠨ ᠤᠷᠤᠯᠭᠠ ᠡᠬᠦᠳᠴᠡᠢ᠃ ᠬᠤᠤᠰᠪᠠᠶᠠᠷ ᠪᠥᠰᠡᠬᠦᠢ ᠲᠠᠢ ᠪᠠᠨ ᠬᠤᠶᠠᠭᠤᠯᠠ | ᠡᠩ ᠤᠨ ᠴᠠᠭ ᠲᠤ ᠥᠭᠡ ᠲᠠᠭᠤ ᠴᠥᠭᠡᠨ ᠲᠠᠢ ᠴᠥ ᠬᠤᠨᠢ ᠮᠠᠯ ᠶᠠᠷᠢᠪᠠᠯ ᠥᠭᠡ ᠨᠢ ᠤᠯᠠᠲᠠᠵᠥ ᠢᠷᠡᠲᠡᠭ᠃ | ᠲᠠᠯᠠᠭᠠᠳ ᠥᠭᠡᠷ ᠲᠡᠵᠢᠭᠡᠵᠥ ᠲᠡᠶᠢᠯᠬᠦ ᠤᠡᠭᠭᠤᠴᠠ ᠪᠤᠯᠤᠨ ᠬᠠᠰᠢᠯᠭᠠ᠂ ᠰᠠᠷᠠᠪᠴᠢᠨ ᠬᠤᠷᠤᠭᠠ ᠶᠢ ᠬᠤᠤᠰᠪᠠᠶᠠᠷ | ᠠᠵᠢᠯ ᠤᠨ ᠰᠡᠯᠡᠬᠦᠥ ᠴᠠᠭ ᠢᠶᠠᠷ ᠥᠪᠡᠷ ᠢᠶᠠᠨ ᠭᠠᠨᠭ᠍ᠨᠠᠵᠥ ᠪᠠᠭᠠ ᠪᠤᠰᠤ ᠵᠠᠷᠤᠲᠠᠯ ᠠᠷᠪᠢᠯᠠᠵᠥ᠂ ᠵᠠᠲᠠᠭᠠᠢ ᠬᠤᠷᠤᠭᠠ᠂ | ᠲᠤᠯᠠᠭᠠᠨ ᠫᠸᠡᠭ᠂ ᠬᠤᠷᠤᠭᠠ ᠴᠡᠪᠡᠷᠯᠡᠬᠦ ᠭᠤᠷᠪᠠᠨ ᠬᠥᠷᠲᠤᠲᠤ ᠮᠤᠲ᠋ᠤᠷ ᠲᠡᠷᠭᠡ᠂ ᠡᠪᠡᠰᠥ ᠬᠤᠯᠤᠰᠤ ᠪᠠᠨ ᠵᠥᠭᠡᠭᠡᠬᠦ | ᠲᠠᠷᠢᠶᠠᠯᠠᠩ ᠳᠤ ᠬᠡᠷᠡᠭᠰᠡᠬᠦ ᠮᠠᠰᠢᠨ ᠵᠡᠷᠭᠡ ᠰᠠᠭᠤᠷᠢ ᠲᠥᠭᠦᠭᠡᠷᠥᠮᠵᠢ᠂ ᠮᠠᠰᠢᠨ ᠮᠧᠬᠠᠨᠢᠭ ᠢ ᠢᠵᠢ ᠪᠥᠷᠢᠲᠥᠬᠦᠯᠥᠨ ᠮᠠᠯ | ᠠᠵᠤ ᠠᠬᠤᠢ ᠶᠢᠨ ᠬᠥᠭᠵᠢᠯᠲᠡ ᠳᠤ ᠪᠠᠨ ᠪᠠᠲᠤ ᠰᠠᠭᠤᠷᠢ ᠲᠠᠯᠪᠢᠭᠰᠠᠨ ᠪᠠᠶᠢᠨᠠ᠃ ︽ᠪᠡᠯᠡᠳᠭᠡᠯ ᠰᠠᠶᠢᠲᠠᠢ ᠪᠤᠯ | ᠪᠡᠷᠭᠡᠲᠡᠬᠦ ᠥᠭᠡᠢ︾ ᠬᠡᠲᠡᠭ᠃ ᠡᠲᠡᠨ ᠤ ᠬᠢ ᠵᠢᠯ ᠪᠥᠷᠢ ᠡᠪᠡᠰᠥ ᠪᠤᠷᠲᠤᠭᠠ ᠪᠠᠨ ᠬᠢᠮᠲᠠ ᠥᠶᠠ ᠳᠤ | ᠬᠥᠷᠥᠯᠴᠡᠭᠡᠲᠡᠢ ᠤᠷᠤᠭᠤᠯᠵᠥ᠂ ᠡᠪᠤᠯ ᠬᠠᠪᠤᠷ ᠢ ᠠᠵᠢᠭ ᠥᠭᠡᠢ ᠲᠤᠭᠤᠯᠵᠥ᠂ ᠤᠷᠤᠯᠭᠠ ᠵᠠᠷᠤᠯᠭᠠ ᠪᠠᠨ | ᠵᠤᠬᠢᠴᠠᠭᠤᠯᠵᠥ᠂ ᠠᠮᠢᠲᠤᠷᠠᠯ ᠳᠤ ᠪᠠᠨ ᠨᠠᠷᠢᠨ ᠲᠤᠭᠠᠴᠠᠭᠠ ᠬᠢᠵᠥ᠂ ᠠᠵᠢᠯᠴᠢ ᠤᠬᠠᠭᠠᠯᠢᠭ ᠢᠶᠠᠷ ᠴᠢᠨᠡᠭᠡᠯᠢᠭ | ᠠᠮᠢᠲᠤᠷᠠᠯ ᠢᠶᠠᠨ ᠴᠤᠭᠴᠠᠯᠠᠵᠥ ᠶᠠᠪᠤᠨᠠ᠃ |