| ᠵᠣᠬᠢᠶᠠᠭᠴᠢ ᠶᠢᠨ ᠲᠣᠪᠴᠢ ᠨᠠᠮᠲᠠᠷ᠄ ᠪᠦ᠊᠂ ᠬᠤᠪᠢᠰᠬᠠᠯᠲᠤ᠂ ᠠᠷᠤᠯᠠᠳ ᠤᠪᠤᠭ ᠲᠠᠢ᠂ ᠰᠢᠯᠤᠭᠤᠨ ᠬᠦᠪᠡᠭᠡᠳᠦ | ᠴᠠᠭᠠᠨ ᠬᠤᠰᠢᠭᠤᠨ ᠤ ᠦᠨᠡᠨᠪᠠᠲᠤ ᠰᠤᠮᠤᠨ ᠤ ᠠᠷᠤ ᠲᠣᠯᠤᠭᠠ ᠪᠠᠷ ᠨᠤᠲᠤᠭ ᠲᠠᠢ᠃ ︽ᠮᠥᠩᠭᠦᠨ ᠬᠤᠩᠬᠤ ᠶᠢᠨ | ᠵᠢᠩᠭᠢᠨᠡᠭᠡ︾᠂ ︽ᠴᠠᠬᠠᠷ ᠬᠠᠨ ᠤ ᠢᠷᠭᠤᠢ︾ ᠭᠡᠬᠦ ᠬᠤᠶᠠᠷ ᠨᠤᠮ ᠲᠠᠢ᠃ ᠬᠤᠶᠠᠷ ᠵᠠᠭᠤ ᠭᠠᠷᠤᠢ ᠰᠢᠯᠦᠭ᠂ | ᠨᠠᠶᠢᠷᠠᠭᠤᠯᠤᠯ᠂ ᠲᠠᠭᠤᠤ ᠶᠢᠨ ᠰᠢᠯᠦᠭ ᠤᠨ ᠪᠦᠲᠦᠭᠡᠯ ᠢᠶᠠᠨ ᠣᠷᠤᠨ ᠠᠶᠢᠮᠠᠭ ᠤᠨ ᠰᠤᠨᠢᠨ ᠰᠡᠳᠬᠦᠯ ᠳᠤ | ᠨᠡᠶᠢᠲᠡᠯᠡᠭᠦᠯᠵᠡᠢ᠃ ︽ᠰᠢᠨᠡ ᠲᠡᠪᠡᠯ ᠢᠶᠠᠨ ᠡᠮᠦᠰᠦᠭᠡᠳ︾ ᠬᠡᠬᠦ ᠰᠢᠯᠦᠭ ᠨᠢ ᠪᠠᠭᠠ ᠰᠤᠷᠭᠠᠭᠤᠯᠢ ᠶᠢᠨ | ᠬᠤᠶᠠᠳᠤᠭᠠᠷ ᠤᠨ ᠤ ᠰᠤᠷᠬᠤ ᠪᠢᠴᠢᠭ ᠲᠤ ᠰᠤᠩᠭᠤᠭᠳᠠᠨ ᠣᠷᠤᠵᠠᠢ᠃ ︽ᠰᠢᠯᠢ ᠶᠢᠨ ᠭᠤᠣᠯ ᠤᠨ ᠤᠳᠬᠠ | ᠵᠤᠬᠢᠶᠠᠯ ᠤᠨ ᠤᠷᠠᠯᠢᠭ ᠤᠨ ᠴᠢᠭᠤᠯᠭᠠᠨ︾ ︵ᠬᠡᠤᠬᠡᠳ ᠤᠨ ᠤᠷᠠᠨ ᠵᠤᠬᠢᠶᠠᠯ ᠤᠨ ᠪᠣᠳᠢ᠂ ᠢᠷᠠᠭᠤ ᠨᠠᠶᠢᠷᠠᠭ ᠤᠨ | ᠪᠣᠳᠢ᠂ ᠲᠠᠭᠤᠤ ᠶᠢᠨ ᠰᠢᠯᠦᠭ ᠤᠨ ᠪᠣᠳᠢ︶᠂ ︽ᠰᠢᠯᠢ ᠶᠢᠨ ᠭᠤᠤᠯ ᠤᠨ ᠮᠤᠩᠭᠤᠯ ᠤᠳᠬᠠ ᠵᠤᠬᠢᠶᠠᠯ ᠤᠨ | ᠰᠤᠩᠭᠤᠮᠠᠯ︾ ︵ᠭᠢᠲᠠᠳ ᠬᠡᠪᠯᠡᠯ︶᠂ ︽ᠤᠨᠠᠭᠠᠨ ᠤᠬᠠᠭᠠᠨ — ᠬᠡᠤᠬᠡᠳ ᠤᠨ ᠤᠷᠠᠨ ᠵᠤᠬᠢᠶᠠᠯ ᠤᠨ ᠰᠢᠯᠢᠮᠡᠯ︾ | ᠵᠡᠷᠭᠡ ᠲᠡᠭᠦᠪᠦᠷᠢ ᠳᠤ ᠪᠦᠲᠦᠭᠡᠯ ᠨᠢ ᠰᠤᠩᠭᠤᠭᠳᠠᠪᠠ᠃ ︽ᠮᠢᠩᠭᠠᠨᠲᠤ ᠤᠳᠤᠨ︾ ᠰᠢᠯᠦᠭ ᠤᠨ ᠤᠷᠤᠯᠳᠤᠭᠠᠨ ᠤ | ᠭᠤᠷᠪᠠᠳᠤᠭᠠᠷ ᠲᠠᠰ᠂ ︽ᠦᠪᠦᠷ ᠮᠤᠩᠭᠤᠯ ᠤᠨ ᠵᠠᠯᠠᠭᠤᠴᠤᠳ︾ ᠰᠡᠳᠬᠦᠯ ᠤᠨ ᠡᠯᠰᠡᠭᠰᠠᠡ ᠵᠤᠬᠢᠶᠠᠯ ᠤᠨ | ᠤᠷᠤᠯᠳᠤᠭᠠᠨ ᠤᠨ ᠭᠤᠷᠪᠠᠳᠤᠭᠠᠷ ᠪᠠᠶᠢᠷᠢ᠂ ︽ᠴᠠᠬᠠᠷ ᠬᠡᠪᠰᠢ︾ ᠵᠤᠬᠢᠶᠠᠯ ᠤᠨ ᠤᠷᠤᠯᠲᠤᠭᠠᠨ ᠤ ᠭᠤᠷᠪᠠᠳᠤᠭᠠᠷ | ᠲᠡᠰ᠂ ᠪᠦᠬᠦ ᠤᠷᠤᠨ ᠤ ᠰᠤᠶᠤᠯ ᠤᠨ ᠲᠤᠮᠤ ᠤᠷᠤᠨ ᠢ ᠪᠦᠳᠦᠭᠡᠨ ᠪᠠᠶᠢᠭᠤᠯᠬᠤ ᠳᠤ ᠵᠤᠷᠢᠭᠤᠯᠤᠭᠰᠠᠨ ᠲᠠᠭᠤᠤ ᠶᠢᠨ | ᠰᠢᠯᠦᠭ ᠤᠨ ᠰᠢᠯᠭᠠᠷᠠᠭᠤᠯᠤᠯᠲᠠ ᠳᠤ ᠭᠤᠷᠪᠠᠲᠤᠭᠠᠷ ᠲᠡᠰ ᠤᠨ ᠱᠠᠩᠨᠠᠯ ᠬᠦᠷᠲᠡᠵᠡᠢ᠃ ᠠᠷᠪᠠᠭᠠᠳ ᠲᠠᠭᠤᠤ ᠨᠢ ︽ | ᠲᠠᠯᠠ ᠨᠤᠲᠤᠭ ᠤᠨ ᠰᠢᠨᠡ ᠲᠠᠭᠤᠯᠠᠯ︾᠂ ︽ᠨᠠᠶᠢᠵᠠ ᠶᠢᠨ ᠰᠡᠳᠬᠢᠯ︾᠂ ︽ᠬᠤᠯᠠ ᠶᠠᠪᠤᠭᠰᠠᠨ ᠬᠠᠶᠢᠷᠠ︾ | ᠵᠡᠷᠭᠡ ᠺᠠᠰᠧᠲ᠂ ᠴᠤᠮᠤᠭ ᠲᠤ ᠤᠷᠤᠭᠰᠠᠨ ᠪᠠᠶᠢᠨᠠ᠃ | ᠦᠪᠦᠷ ᠮᠤᠩᠭᠤᠯ ᠤᠨ ᠵᠤᠬᠢᠶᠠᠯᠴᠢᠳ ᠤᠨ ᠨᠡᠶᠢᠭᠡᠮᠯᠢᠭ ᠤᠨ ᠬᠡᠰᠢᠭᠦᠨ᠂ ᠤᠷᠤᠨ ᠤ ᠲᠡᠰ ᠤᠨ ᠬᠢᠴᠢᠶᠡᠯ ᠲᠦᠷᠦᠯ | ᠤᠨ ᠲᠠᠭᠠᠭᠤᠯᠤᠭᠴᠢ᠂ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠲᠡᠭᠡᠳᠦ ᠲᠡᠰ ᠤᠨ ᠪᠠᠭᠰᠢ᠂ ᠣᠳᠤ ᠬᠤᠰᠢᠭᠤᠨ ᠤ ᠪᠠᠨ | ᠮᠢᠩᠭᠠᠨᠲᠤ ᠪᠠᠭᠠ ᠰᠤᠷᠭᠠᠭᠤᠯᠢ ᠳᠤ ᠪᠠᠭᠰᠢᠯᠠᠵᠤ ᠪᠤᠢ᠃ | ︽ᠲᠤᠷᠠᠲᠠᠢ ᠰᠠᠶᠢᠬᠠᠨ ᠨᠤᠲᠤᠭ︾ ᠬᠡᠮᠡᠬᠦ ᠪᠣᠭᠤᠨᠢ ᠰᠢᠯᠦᠭ ᠤᠳ | — ᠪᠦ᠊᠂ ᠬᠤᠪᠢᠰᠬᠠᠯᠲᠤ ᠵᠤᠬᠢᠶᠠᠪᠠ | | ᠲᠤᠭᠤᠷᠤᠤ ᠲᠤᠭᠤᠷᠤᠤ ᠲᠤᠤᠭᠠᠷᠤᠨᠠ | ᠲᠤᠭᠤᠷᠢᠮ ᠤᠨ ᠤᠰᠤᠨ ᠮᠡᠯᠮᠡᠷᠡᠨᠡ | ᠲᠤᠷᠠᠲᠠᠢ ᠰᠠᠶᠢᠬᠠᠨ ᠨᠤᠲᠤᠭ ᠲᠤ ᠪᠠᠨ | ᠲᠤᠭᠤᠷᠤᠤ ᠰᠢᠪᠠᠭᠤ ᠴᠡᠩᠭᠡᠯᠲᠦᠨᠡ | ᠭᠠᠯᠠᠭᠤ ᠭᠠᠯᠠᠭᠤ ᠭᠠᠩᠭᠠᠨᠠᠨᠠ | ᠭᠠᠩᠭᠠ ᠶᠢᠨ ᠨᠠᠭᠤᠷ ᠮᠡᠯᠮᠡᠷᠡᠨᠡ | ᠭᠠᠩᠭᠠᠩ ᠰᠠᠶᠢᠬᠠᠨ ᠨᠤᠲᠤᠭ ᠲᠤ ᠪᠠᠨ | ᠭᠠᠯᠠᠭᠤ ᠰᠢᠪᠠᠭᠤ ᠭᠦᠭᠵᠢᠯᠳᠦᠨᠡ᠃ | ᠮᠢᠨᠤ ᠡᠵᠢ | | ᠵᠦᠢᠲᠡᠢ ᠦᠭᠡ ᠪᠠᠷ ᠦᠰᠭᠡᠭᠰᠡᠨ | ᠮᠢᠨᠤ ᠡᠵᠢ | ᠵᠢᠵᠢᠭᠬᠡᠨ ᠬᠦᠷᠡᠩ ᠠᠪᠳᠠᠷᠠ ᠲᠠᠢ | ᠵᠢᠵᠢᠭᠬᠡᠨ ᠬᠦᠷᠡᠩ ᠠᠪᠳᠠᠷᠠ ᠳᠤ ᠨᠢ | ᠮᠦᠰᠦᠨ ᠰᠢᠬᠢᠷ ᠲᠠᠢ ᠪᠤᠯᠬᠤᠷ | ᠪᠢᠳᠡ ᠭᠤᠷᠢᠯᠠᠳᠠᠭ | ᠪᠤᠭᠤᠷᠤᠯ ᠡᠵᠢ ᠶᠢ ᠮᠢᠨᠢ ᠡᠷᠭᠢᠬᠦ ᠪᠠᠷ | ᠪᠤᠷᠠᠮ᠂ ᠰᠢᠬᠢᠷ᠂ ᠦᠵᠦᠮ ᠲᠠᠢ ᠢᠷᠡᠨᠡ | ᠠᠶᠢᠯ ᠠᠶᠢᠮᠠᠭ ᠤᠨ ᠬᠢᠨ | ᠬᠡᠦᠬᠡᠳ ᠰᠢᠤᠬᠠᠳ ᠠᠴᠠ ᠪᠠᠨ ᠨᠢᠭᠤᠵᠤ | ᠬᠦᠷᠡᠩ ᠠᠪᠳᠠᠷᠠ ᠳᠤ ᠪᠠᠨ ᠬᠠᠳᠠᠭᠠᠯᠠᠨᠠ | ᠮᠦᠰᠦᠨ ᠰᠢᠬᠢᠷ ᠢᠶᠠᠨ | ᠵᠢᠭᠠᠬᠠᠨ ᠪᠤᠭᠤᠷᠤᠯ ᠡᠵᠢ ᠮᠢᠨᠢ | ᠵᠢᠵᠢᠭᠬᠡᠨ ᠬᠦᠷᠡᠩ ᠠᠪᠳᠠᠷᠠ ᠲᠠᠢ | ᠵᠢᠵᠢᠭᠬᠡᠨ ᠬᠦᠷᠡᠩ ᠠᠪᠳᠠᠷᠠ ᠳᠤ ᠨᠢ | ᠮᠦᠰᠦᠨ ᠰᠢᠬᠢᠷ ᠬᠠᠳᠠᠭᠠᠯᠠᠰᠤᠲᠠᠢ | ᠬᠦᠮᠦᠨ ᠤᠨ ᠬᠡᠦᠬᠡᠳ ᠢᠷᠡᠪᠡᠯ | ᠬᠦᠨᠡᠶᠢᠷᠬᠡᠵᠦ ᠴᠢᠳᠠᠳᠠᠭ ᠦᠭᠡᠢ | ᠬᠦᠷᠡᠩ ᠠᠪᠳᠠᠷᠠ ᠲᠠᠢ ᠰᠢᠬᠢᠷ ᠠᠴᠠ ᠪᠠᠨ | ᠭᠦᠷᠲᠡᠭᠡᠯ ᠪᠤᠯᠭᠠᠨ ᠲᠦᠭᠡᠭᠡᠨᠡ᠃ | | ᠱᠠᠷ | | ᠬᠦᠳᠡᠭᠡᠨ ᠤ ᠵᠢᠵᠢᠭᠬᠡᠨ ᠰᠤᠷᠭᠠᠭᠤᠯᠢ ᠳᠤ | ᠬᠦᠯᠪᠦᠷᠢ ᠶᠢᠨ ᠱᠠᠷ ᠪᠠᠶᠢᠳᠠᠭ | ᠬᠡᠦᠬᠡᠳ ᠤᠨ ᠤᠰᠤ ᠶᠢ ᠵᠦᠭᠡᠭᠡᠬᠦ ᠪᠠᠷ | ᠡᠳᠦᠷᠵᠢᠨ ᠰᠤᠮᠤ ᠤᠷᠤᠳᠠᠭ | ᠰᠤᠮᠤ ᠰᠤᠷᠭᠠᠭᠤᠯᠢ ᠶᠢᠨ ᠬᠤᠭᠤᠷᠤᠨᠳᠤ | ᠡᠳᠦᠷ ᠢ ᠪᠠᠷᠠᠳᠠᠭ ᠴᠦ | ᠰᠤᠷᠤᠭᠴᠢ ᠬᠡᠦᠬᠡᠳ ᠤᠨ ᠲᠦᠯᠦᠭᠡ | ᠰᠢᠷᠪᠦᠰᠦ ᠪᠠᠨ ᠰᠤᠨᠲᠠᠯᠠ ᠭᠡᠯᠳᠦᠷᠢᠳᠡᠭ | ᠨᠤᠮᠤᠬᠠᠨ ᠪᠤᠯᠬᠤᠷ ᠨᠤᠤᠯᠠᠳᠠᠭ | ᠨᠢᠷᠤᠭᠤᠨ ᠳᠡᠭᠡᠷᠡ ᠨᠢ ᠤᠨᠤᠳᠠᠭ | ᠵᠦᠪ ᠪᠤᠷᠤᠭᠤ ᠦᠭᠡᠢ ᠵᠡᠭᠦᠭᠳᠡᠭᠡᠳ | ᠴᠦᠬᠦᠷᠡᠩ ᠢ ᠨᠢ ᠳᠠᠩᠳᠠ ᠪᠠᠷᠠᠳᠠᠭ | ᠵᠠᠭᠠᠨ ᠰᠢᠭ᠋ ᠲᠤᠮᠤ ᠪᠡᠶᠡ ᠲᠠᠢ | ᠵᠠᠯᠬᠠᠭᠤ ᠬᠦᠷᠦᠮᠡᠷ ᠠᠯᠬᠤᠳᠠᠯ ᠲᠠᠢ | ᠪᠠᠷᠤᠭ ᠤᠨ ᠶᠠᠭᠤᠮᠠᠨ ᠳᠤ ᠠᠯᠵᠠᠬᠤ ᠦᠭᠡᠢ | ᠪᠠᠶᠢᠮᠠ ᠬᠤᠯᠠ ᠠᠴᠠ ᠴᠦ ᠵᠢᠳᠬᠦᠳᠡᠭ | ᠬᠡᠦᠬᠡᠳ ᠬᠦᠷᠲᠡᠯᠡ ᠬᠦᠯᠦᠴᠢᠬᠡᠳᠡᠭ | ᠬᠦᠩᠭᠡᠨ ᠨᠤᠮᠤᠬᠠᠨᠵᠠᠩ ᠲᠠᠢ ᠱᠠᠷ | ᠬᠤᠷᠰᠢᠶᠡᠨ ᠳᠤ ᠬᠦᠷᠲᠡᠯᠡ ᠤᠨᠤᠴᠢᠬᠠᠳᠠᠭ | ᠬᠤᠷᠤᠬᠠᠢ ᠬᠦᠳᠡᠯᠭᠡᠮᠡᠷ ᠱᠠᠷ | ᠬᠦᠳᠡᠭᠡᠨ ᠤ ᠵᠢᠵᠢᠭᠬᠡᠨ ᠰᠤᠷᠭᠠᠭᠤᠯᠢ ᠳᠤ | ᠬᠦᠯᠪᠦᠷᠢ ᠶᠢᠨ ᠱᠠᠷ ᠪᠠᠶᠢᠳᠠᠭ | ᠬᠦᠮᠦᠨ ᠤ ᠰᠠᠨᠠᠭᠠ ᠲᠠᠢ ᠱᠠᠷ | ᠬᠦᠮᠦᠨ ᠠᠴᠠ ᠴᠦ ᠳᠠᠪᠠᠮᠠᠷ ᠱᠠᠷ᠃ | | ᠬᠠᠪᠤᠷ | ᠴᠤᠩᠬᠤ ᠪᠠᠷ ᠨᠠᠷᠠ ᠠᠰᠬᠠᠷᠠᠨᠠ | ᠭᠠᠳᠠᠨᠠ | ᠬᠡᠦᠬᠡᠳ ᠤᠳ ᠲᠤᠭᠯᠠᠯᠠᠳᠤᠨᠠ | ᠤᠯᠠᠷᠢᠯ ᠤᠨ ᠬᠠᠪᠤᠷ | ᠬᠦᠮᠦᠨ ᠤ ᠬᠠᠪᠤᠷ | ᠭᠦᠰᠡᠯ ᠨᠢᠭᠡᠲᠡᠢ ᠳᠠᠭᠤᠯᠠᠯᠳᠤᠨᠠ᠃ | | | ᠴᠠᠭᠠᠨ ᠰᠠᠷᠠ | ᠴᠠᠭᠠᠨ ᠰᠠᠷᠠ ᠪᠤᠯᠬᠤ ᠪᠠᠷ | ᠮᠠᠨᠠᠶᠢᠬᠢᠨ | ᠭᠡᠶᠢᠴᠢᠳ ᠵᠤᠴᠢᠨ ᠳᠦᠭᠦᠷᠡᠩ | ᠴᠠᠰᠣ ᠰᠢᠳᠡᠯᠡᠭᠰᠡᠨ | ᠮᠤᠷᠢᠲᠠᠳ | ᠪᠠᠶᠠᠷ ᠭᠦᠷ ᠲᠠᠢ ᠤᠮᠤᠭᠯᠠᠩ | ᠡᠵᠢ ᠶᠢᠨ ᠠᠯᠠᠭᠠᠨ ᠠᠴᠠ | ᠬᠡᠦᠬᠡᠳ ᠤᠳ | ᠠᠮᠲᠠᠲᠠᠢ ᠰᠢᠬᠢᠷ ᠳᠤᠰᠤᠨᠠ | ᠠᠳᠬᠤ ᠰᠢᠬᠢᠷ ᠲᠠᠢ | ᠪᠢᠳᠡ | ᠠᠩᠭᠠᠶᠢᠳᠠᠯᠠ ᠪᠠᠨ ᠢᠨᠢᠶᠡᠯᠳᠦᠨᠡ᠃ | | ᠪᠤᠯᠵᠤᠮᠤᠷ ᠤᠨ ᠦᠭᠡ | ᠵᠢᠵᠢᠭᠬᠡᠨ ᠬᠤᠶᠠᠷ ᠪᠤᠯᠵᠤᠮᠤᠷ | ᠵᠢᠩᠳᠡᠭᠦᠨ ᠬᠦᠢᠲᠡᠨ ᠳᠤ ᠭᠠᠳᠠᠭᠠ | ᠪᠡᠶᠡ ᠪᠡᠶᠡ ᠪᠠᠨ ᠨᠠᠯᠠᠵᠤ | ᠢᠯᠴᠢ ᠢᠯᠴᠢᠨ ᠳᠤ ᠪᠠᠨ ᠳᠤᠯᠠᠭᠠᠴᠠᠨᠠ | ᠡᠵᠢ ᠶᠢᠨ ᠵᠢᠭᠠᠭᠰᠠᠨ ᠡᠷᠳᠡᠮ ᠳ᠋ᠡ | ᠦᠪᠯᠡᠵᠦ ᠪᠢᠳᠡ ᠠᠪᠤᠭᠰᠠᠨ ᠳ᠋ᠠ | ᠡᠯᠡ ᠬᠠᠯᠠ ᠦᠵᠡᠭᠰᠡᠨ ᠪᠤᠯᠬᠤᠷ | ᠡᠨᠡᠬᠡᠨ ᠬᠦᠢᠲᠡᠨ ᠳᠤ ᠠᠯᠵᠠᠬᠤ ᠪᠠᠷ ᠦᠭᠡᠢ | ᠬᠠᠯᠠᠭᠠ | | ᠦᠷᠯᠦᠬᠡ ᠪᠤᠰᠬᠤ ᠪᠠᠷ | ᠡᠪᠦᠯ | ᠴᠤᠩᠬᠤᠨ ᠲᠡᠬᠡᠷᠡ ᠰᠠᠭᠤᠴᠢᠬᠠᠭᠰᠠᠨ ᠪᠠᠶᠢᠯᠠ | ᠭᠤᠤᠯ ᠦᠲᠡ ᠳᠤ | ᠡᠩᠭᠡᠷ ᠲᠦᠬᠦᠷᠡᠩ ᠨᠢᠯᠪᠦᠰᠦ ᠲᠠᠢ | ᠮᠡᠯᠮᠡᠷᠡᠴᠢᠬᠡᠭᠰᠡᠨ ᠵᠤᠭᠰᠤᠵᠤ ᠪᠠᠶᠢᠪᠠ | ᠦᠲᠡᠰᠢ ᠬᠠᠷᠢᠨ | ᠠᠷᠠᠰᠤᠨ ᠲᠠᠬᠤ ᠲᠠᠢ ᠪᠠᠨ | ᠡᠭᠡᠯᠵᠢ ᠬᠠᠯᠠᠭᠠᠨ ᠳᠤ ᠪᠠᠨ ᠭᠠᠷᠴᠢᠬᠠᠭᠰᠠᠨ ᠪᠠᠶᠢᠪᠠ | ᠰᠢᠪᠠᠭᠤᠳ ᠤᠨ ᠬᠦᠰᠡᠯ | ᠲᠠᠯᠢ ᠵᠢᠬᠦᠷ ᠮᠢᠨᠢ | ᠬᠤᠯᠠᠭᠤᠭᠰᠠᠨ ᠴᠤ ᠶᠠᠭᠠᠬᠢᠬᠤᠪ | ᠲᠡᠩᠳᠡᠬᠦᠦ ᠠᠮᠠᠷᠠᠭ | ᠨᠤᠳᠤᠭ ᠢᠶᠠᠨ ᠵᠤᠷᠢᠬᠤ ᠶᠤᠮ ᠡ | ᠭᠠᠵᠠᠷ ᠤᠨ ᠬᠤᠯᠠ ᠳᠤ | ᠠᠩᠭᠠᠭᠰᠠᠨ ᠴᠤ ᠶᠠᠭᠠᠬᠢᠬᠤᠪ | ᠭᠠᠨᠭ᠍ᠭᠠᠡᠭ ᠪᠠᠶᠢᠭᠠᠯᠢ ᠲᠠᠢ | ᠨᠤᠲᠤᠭ ᠢᠶᠠᠨ ᠴᠢᠭᠯᠡᠬᠦ ᠶᠤᠮ ᠡ |