| ᠳᠤᠷᠭᠠᠨ ᠴᠠᠬᠠᠷ | — ᠢ᠊᠂ ᠰᠤᠶᠤᠯ ᠵᠤᠬᠢᠶᠠᠪᠠ | ᠦᠯᠵᠠᠢ ᠲᠠᠢ ᠪᠦᠬᠦᠨ ᠤ ᠡᠮᠤᠨᠠ ᠳᠤᠷᠭᠠᠨ ᠬᠠᠳᠠᠭ ᠢᠶᠠᠨ ᠳᠡᠯᠭᠡᠳᠡᠭ | ᠦᠪ ᠰᠤᠶᠤᠯ ᠨᠤᠮ ᠢ ᠳᠤᠷᠭᠠᠨ ᠳᠤ ᠪᠠᠭᠯᠠᠵᠦ ᠪᠠᠷᠢᠨᠳᠠᠭᠯᠠᠳᠠᠭ | ᠦᠡᠭᠭᠡᠳᠦ ᠨᠤᠭᠤᠭᠠᠨ ᠳᠠᠯᠠ ᠪᠠᠨ ᠳᠤᠷᠭᠠᠨ ᠳᠠᠯᠠ ᠭᠡᠳᠡᠭ | ᠦᠰᠢᠶᠡᠳᠡᠨ ᠢ ᠳᠠᠷᠤᠬᠤ ᠰᠡᠯᠡᠮᠠ ᠪᠠᠨ ᠳᠤᠷᠭᠠᠨ ᠢᠷ ᠲᠠᠢ ᠪᠢᠯᠡᠬᠦᠳᠡᠳᠡᠭ | ᠡᠪᠡᠰᠦᠨ ᠤ ᠨᠠᠮᠤᠭᠤᠬᠠᠨ ᠨᠠᠶᠢᠭᠤᠭᠠ ᠶᠢ ᠳᠤᠷᠭᠠᠨ ᠳᠤᠯᠬᠢᠶᠠ ᠭᠡᠳᠡᠭ | ᠡᠮᠤᠰᠭᠡᠯ ᠵᠡᠬᠦᠳᠡᠯ ᠵᠠᠰᠠᠯ ᠳᠤᠷᠭᠠᠨ ᠤ ᠵᠦᠢᠯ ᠯᠠ ᠪᠠᠶᠢᠳᠠᠭ | ᠦᠪᠡᠷ ᠢ ᠮᠢᠨᠢ ᠳᠡᠭᠡᠭᠡᠳ ᠳᠤᠷᠭᠠᠨ ᠴᠠᠬᠠᠷ ᠬᠡᠮᠡᠳᠡᠭ | ᠳᠡᠯᠡᠭᠡᠢ ᠳᠤᠭᠤᠴᠢᠬᠤ ᠮᠤᠷᠢᠳ ᠨᠢ ᠳᠤᠷᠭᠠᠨ ᠬᠦᠶᠦᠳᠡᠯ ᠲᠠᠢ ᠳᠦᠷᠦᠳᠡᠭ | ᠳᠡᠭᠷᠢ ᠳᠤ ᠳᠡᠳᠬᠦᠬᠦᠯᠵᠦ ᠬᠦᠪᠡᠬᠦᠳ ᠨᠢ ᠳᠤᠷᠭᠠᠨ ᠴᠡᠷᠢᠭ ᠲᠡᠭᠡᠨ ᠮᠤᠷᠳᠠᠳᠠᠭ | ᠳᠡᠭᠡᠳᠦᠰ ᠢᠶᠠᠨ ᠬᠦᠨᠳᠤᠯᠠᠵᠦ ᠦᠬᠢᠳ ᠨᠢ ᠳᠤᠷᠭᠠᠨ ᠭᠤᠶᠤᠯ ᠲᠠᠢ ᠬᠠᠷᠢᠯᠠᠳᠠᠭ | ᠳᠡᠩᠬᠦᠢ ᠵᠢᠭᠠᠯ ᠢᠶᠠᠨ ᠪᠢᠳᠡ ᠳᠤᠷᠭᠠᠨ ᠳᠤ ᠳᠤᠭᠯᠠᠯᠠ ᠭᠡᠳᠡᠭ | ᠬᠦᠯᠦᠭ ᠤᠨ ᠢᠶᠠᠨ ᠳᠤᠭᠤᠰᠤ ᠶᠢ ᠠᠷᠠᠪ ᠲᠤ ᠮᠠᠨᠠᠷᠭᠠᠭᠰᠠᠨ ᠮᠤᠩᠭᠤᠯ ᠤᠨ ᠴᠠᠬᠠᠷ | ᠬᠦᠦ ᠶᠢᠨ ᠢᠶᠠᠨ ᠤᠬᠠᠭᠠᠨ ᠢ ᠤᠳᠤᠨ ᠳᠤ ᠬᠦᠷᠭᠡᠭᠰᠡᠨ ᠳᠡᠭᠷᠢ ᠶᠢᠨ ᠴᠠᠬᠠᠷ | ᠳᠦᠷᠦ ᠤᠯᠤᠰ ᠢᠶᠠᠨ ᠮᠠᠨᠵᠤ ᠠᠴᠠ ᠬᠠᠷᠮᠠᠨᠠᠭᠰᠠᠨ ᠯᠢᠭᠳᠡᠨ ᠤ ᠴᠠᠬᠠᠷ | ᠳᠡᠥᠭᠡ ᠰᠤᠶᠤᠯ ᠢᠶᠠᠨ ᠳᠠᠶᠠᠩ ᠳᠤ ᠭᠠᠶᠢᠬᠠᠭᠤᠯᠤᠭᠰᠠᠨ ᠦᠪᠦᠷ ᠤᠨ ᠴᠠᠬᠠᠷ | ᠱᠠᠵᠢᠨ ᠤ ᠨᠤᠮᠯᠠᠯ ᠢᠶᠠᠷ ᠰᠡᠳᠬᠢᠯ ᠢᠶᠠᠨ ᠠᠷᠢᠭᠤᠰᠬᠠᠭᠰᠠᠨ ᠪᠤᠷᠬᠠᠨ ᠤ ᠴᠠᠬᠠᠷ | ᠱᠠᠩᠳᠦ ᠶᠢᠨ ᠵᠠᠷᠯᠢᠭ ᠢ ᠳᠡᠯᠡᠭᠡᠢ ᠳᠤ ᠳᠦᠭᠡᠭᠡᠭᠰᠡᠨ ᠬᠠᠭᠠᠨ ᠤ ᠴᠠᠬᠠᠷ | ᠦᠷᠯᠦᠭ ᠡᠴᠢᠭᠡ ᠶᠢᠨ ᠢᠶᠠᠨ ᠭᠤᠯᠤᠮᠳᠠ ᠶᠢ ᠳᠤᠯᠤᠭᠰᠠᠨ ᠳᠤᠯᠤᠢ ᠶᠢᠨ ᠴᠠᠬᠠᠷ | ᠦᠨᠦᠳᠤᠷ ᠪᠤᠯᠳᠠᠯᠠ ᠪᠠᠭᠤᠴᠠ ᠪᠠᠨ ᠰᠠᠬᠢᠭᠰᠠᠨ ᠳᠤᠷᠭᠠᠨ ᠴᠠᠬᠠᠷ |