ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠴᠠᠬᠠᠷ ᠰᠣᠶᠣᠯ
ᠬᠡᠭᠡᠷ ᠮᠤᠷᠢᠳᠠᠢ ᠬᠠᠷᠢᠶᠠᠴᠠᠢ        — ᠪᠦᠷᠢᠨᠴᠠᠩᠭᠡᠯ ᠵᠤᠬᠢ᠊
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2021/2/24
 ᠬᠡᠭᠡᠷ ᠮᠤᠷᠢᠳᠠᠢ ᠬᠠᠷᠢᠶᠠᠴᠠᠢ        — ᠪᠦᠷᠢᠨᠴᠠᠩᠭᠡᠯ ᠵᠤᠬᠢᠶᠠᠪᠠ                                            ᠨᠢᠭᠡ          ᠠᠪᠤ ᠬᠡᠭᠡᠷ ᠮᠤᠷᠢᠨ ᠤ ᠵᠢᠯᠤᠭᠤ ᠶᠢ ᠳᠠᠳᠠᠰᠬᠢᠨ ᠪᠢᠳᠡᠬᠦᠦ ᠳᠠᠷᠤᠭᠰᠠᠨ ᠰᠢᠨ᠎ᠡ ᠴᠠᠰᠥ ᠶᠢ ᠬᠠᠭᠵᠠ ᠳᠠᠳᠠᠬᠤ ᠠᠴᠠ ᠬᠠᠶᠢᠷᠠᠯᠠᠬᠤ ᠮᠡᠳᠥ ᠵᠦᠭᠡᠯᠡᠭᠡᠨ ᠠᠯᠬᠤᠭᠤᠯᠤᠭᠰᠠᠭᠠᠷ ᠤᠪᠤᠭᠠᠨ ᠠᠷᠤ ᠶᠢᠨ ᠬᠦᠳᠦᠯ ᠳᠠᠪᠠᠪᠠ᠃        ᠠᠪᠤ ᠠᠶᠢᠯ ᠳᠤ ᠡᠪᠤᠯ ᠤᠨ ᠢᠳᠡᠰᠢ ᠭᠠᠷᠭᠠᠬᠤ ᠪᠠᠷ ᠶᠠᠪᠤᠵᠦ ᠪᠠᠶᠢᠨ᠎ᠠ᠃ ᠳᠡᠬᠦᠦ ᠳᠠᠭᠠᠵᠦ ᠶᠠᠪᠤᠬᠤ ᠰᠠᠨᠠᠭᠠᠳᠠᠢ ᠪᠠᠶᠢᠭᠰᠠᠨ ᠴᠦ ᠠᠷᠠᠢ ᠪᠤᠯᠤᠭᠰᠠᠨ ᠦᠭᠡᠢ᠃ ᠤᠶᠠᠭᠠᠨ ᠤ ᠨᠠᠭᠠᠨ᠎ᠠ ᠬᠤᠴᠤᠷᠠᠴᠢᠬᠠᠭᠠᠳ ᠠᠪᠤ ᠶᠢᠨ ᠪᠠᠷ᠎ᠠ ᠳᠠᠯᠳᠠ ᠤᠷᠤᠳᠠᠯ᠎ᠠ ᠳᠡᠨᠳᠡ ᠪᠠᠨ ᠵᠤᠭᠰᠤᠭᠰᠠᠭᠠᠷ ᠪᠠᠶᠢᠯ᠎ᠠ᠃ ᠳᠠᠭᠠᠷᠠᠭᠰᠠᠨ ᠴᠢᠬᠢ ᠪᠠᠨ ᠭᠠᠷ ᠢᠶᠠᠷ ᠢᠶᠠᠨ ᠳᠠᠷᠤᠬᠤ  ᠳᠤᠨᠢ ᠰᠢᠨ᠎ᠡ ᠴᠠᠰᠥᠨ ᠳᠤ ᠨᠢᠳᠥ ᠨᠢ ᠬᠢᠯᠠᠰᠤᠭᠠᠳ ᠪᠠᠰᠠ ᠪᠤᠯᠬᠤ ᠦᠭᠡᠢ᠃ ᠦᠷᠦᠭᠡᠰᠦᠨ ᠴᠢᠬᠢ᠂ ᠳᠠᠯ᠎ᠠ ᠨᠢᠳᠤ  ᠪᠠᠨ ᠳᠠᠷᠤᠴᠢᠬᠠᠭᠰᠠᠨ ︽ᠮᠠᠯᠠᠭᠠᠢ︕ ᠴᠢᠬᠢ ᠤᠨᠠᠯ᠎ᠠ︾ ᠬᠡᠵᠦ ᠬᠠᠰᠬᠢᠷᠴᠦ ᠵᠤᠭᠰᠤᠬᠤ ᠨᠢ ᠱᠤᠭ ᠲᠠᠢ ᠮᠦᠷᠳᠡᠭᠡᠨ ᠬᠦᠭᠡᠷᠤᠬᠦᠨ᠃ ᠳᠡᠬᠦᠦ ᠶᠢᠨ ᠬᠡᠯᠡᠬᠦ ᠪᠠᠷ ᠡᠪᠤᠸ᠋ ᠪᠤᠯ ᠦᠯᠢᠭᠡᠷ ᠲᠤ ᠭᠠᠷᠳᠠᠭ ᠪᠠᠭᠠᠪᠠᠭᠠᠢ ᠠᠯᠠᠳᠠᠭ ᠪᠠᠭᠠᠳᠤᠷ ᠵᠠᠩᠵᠤᠨ ᠮᠦᠨ᠃ ᠳᠡᠶᠢᠮᠤ ᠪᠦᠳᠦᠬᠦᠨ ᠦᠭᠡᠷ ᠢ ᠤᠨᠠᠭᠠᠵᠦ ᠳᠤᠭᠤᠭᠠᠨ ᠳᠤ ᠪᠠᠭᠳᠠᠬᠤ ᠬᠡᠳᠦᠨ ᠬᠡᠰᠡᠭ ᠪᠤᠯᠭᠠᠨ᠎ᠠ ᠬᠡᠳᠡᠭ ᠦᠨᠡᠨ ᠠᠮᠠᠷ ᠦᠭᠡᠢ᠃ ᠤᠳᠤᠨ ᠤ ᠠᠪᠤ ᠪᠤᠯ ᠬᠤᠷᠠᠭᠠᠨ ᠤ ᠪᠦᠭᠡᠷ᠎ᠡ ᠪᠠᠰᠠ ᠠᠪᠴᠦ ᠴᠢᠳᠠᠬᠤ ᠦᠭᠡᠢ ᠪᠤᠯᠬᠤᠷ ᠠᠪᠤ ᠶᠢ ᠳᠠᠭᠤᠳᠠᠳᠠᠭ ᠶᠤᠮ ᠴᠢᠨᠢ ᠁          ᠳᠡᠶᠢᠮᠤ ᠡ︕ ᠬᠠᠶᠠ ᠠᠯᠭ᠎ᠠ ᠨᠢ ᠳᠡᠨᠡᠶᠢᠵᠦ ᠰᠢᠯ ᠠᠷᠢᠬᠢ᠂ ᠰᠠᠯᠠᠮ᠎ᠠ ᠲᠠᠢ ᠳᠠᠮᠠᠬᠢ ᠦᠭᠬᠦᠭᠰᠡᠨ ᠪᠠᠶᠢᠳᠠᠭ᠃ ᠠᠪᠤ ᠬᠠᠷᠢᠨ ᠠᠷᠢᠬᠢ ᠤᠤᠭᠤᠳᠠᠭ ᠦᠭᠡᠢ᠂ ᠳᠡᠷᠡ ᠠᠷᠢᠬᠢ ᠶᠢ ᠬᠠᠮᠢᠭ᠎ᠠ ᠳᠠᠯᠪᠢᠭᠰᠠᠨ ᠪᠤᠯ ᠳᠡᠨᠳᠡ ᠪᠠᠨ ᠤᠳᠠᠳᠠᠯ᠎ᠠ ᠪᠠᠶᠢᠵᠦ ᠯᠠ ᠪᠠᠶᠢᠳᠠᠭ᠃         ᠳᠡᠬᠦᠦ ᠪᠢᠳᠡ ᠬᠤᠶᠠᠷ ᠠᠪᠤ ᠶᠢ ᠳᠠᠭᠤᠷᠢᠶᠠᠬᠤ ᠳᠤᠷᠠᠳᠠᠢ᠂ ᠬᠤᠷᠳᠤᠨ ᠦᠰᠴᠦ ᠠᠪᠦ‍ ᠰᠢᠭ ᠳᠤᠮᠤ ᠡᠷ᠎ᠡ ᠪᠤᠯᠬᠤ ᠰᠠᠨ︕ ᠮᠤᠷᠢ ᠤᠨᠤᠵᠦ ᠠᠶᠢᠯ ᠳᠤᠭᠤᠷᠢᠭᠠᠳ ᠢᠳᠡᠰᠢ ᠭᠠᠷᠭᠠᠨ᠎ᠠ ᠬᠡᠵᠦ ᠳᠠᠩᠳᠠ ᠪᠠᠨ ᠶᠠᠷᠢᠨ᠃ ᠠᠷᠠᠰᠥᠨ ᠬᠤᠢ ᠲᠠᠢ ᠤᠷᠳᠤ ᠪᠤᠭᠤᠨᠢ ᠬᠢᠳᠤᠭ᠎ᠠ᠂ ᠡᠯᠡᠭᠳᠡᠵᠦ ᠨᠢᠮᠭᠡᠷᠡᠭᠰᠡᠨ ᠪᠢᠯᠡᠬᠦᠦ ᠳᠤᠨᠢ ᠬᠦᠷᠳᠡᠯ᠎ᠡ ᠳᠤᠷᠠᠯᠠᠨ᠎ᠠ᠃                                           ᠬᠤᠶᠠᠷ            ᠠᠪᠠᠭ᠎ᠠ ᠰᠤᠭᠳᠤᠴᠢᠬᠠᠵᠠᠢ᠃            ᠠᠷᠢᠬᠢ ᠨᠡᠭᠡᠭᠡᠳ ᠪᠠᠶᠢᠬᠤ ᠪᠠᠷ ᠨᠢ ᠠᠪᠤ᠄ ︽ᠶᠠᠭᠤᠮ᠎ᠠ ᠪᠠᠶᠢᠨ᠎ᠠ ᠦᠦ︖ ᠭᠠᠷᠭᠠᠭᠠᠳ ᠦᠭ︕︾ ᠬᠡᠪᠠ᠃            ᠡᠵᠢ ᠭᠠᠯ ᠳᠠᠭᠠᠨ ᠠᠷᠭᠠᠯ ᠬᠢᠬᠦ‍ ᠰᠢᠭ ᠪᠤᠯᠤᠭᠠᠳ ᠳᠤᠤᠭᠠᠷᠤᠭᠰᠠᠨ ᠦᠭᠡᠢ᠃            ︽ᠴᠢ ᠴᠦ ᠬᠦᠭᠡᠷᠤᠬᠦᠢ︕ ᠬᠦᠮᠦᠨ ᠤ ᠮᠡᠳᠡᠯ ᠨᠤᠬᠠᠢ ᠶᠢᠨ ᠬᠦᠳᠦᠯ ᠪᠤᠯᠵᠦ ᠳ᠋ᠠ︕︾          ᠡᠵᠢ ᠳᠤᠭᠤᠭ᠎ᠠ ᠰᠢᠨᠠᠭ᠎ᠠ ᠪᠠᠨ ᠰᠢᠷᠤᠬᠦᠨ ᠬᠠᠷᠰᠢᠯᠳᠤᠭᠤᠯᠵᠦ ᠭᠠᠯ ᠢᠶᠠᠨ ᠬᠦᠴᠦᠳᠠᠢ ᠰᠢᠯᠭᠡᠭᠡᠬᠦ ᠳᠤᠨᠢ ᠵᠤᠤᠬᠠᠨ ᠤ ᠠᠮᠠ ᠪᠠᠷ ᠪᠦᠭᠡᠮ ᠭᠠᠯ ᠠᠰᠬᠠᠷᠠᠵᠦ ᠳᠤᠭᠤᠭᠠᠨ ᠢᠷᠮᠡᠭ ᠳᠤᠯᠢᠶᠠᠭᠠᠳ ᠪᠤᠴᠠᠪᠠ᠃ ᠠᠪᠤ ᠠᠷᠭ᠎ᠠ ᠦᠭᠡᠢ ᠪᠤᠰᠴᠦ ᠬᠤᠨᠳᠠᠭ᠎ᠠ ᠳᠠᠯᠪᠢᠭᠠᠳ ᠦᠭᠬᠦᠭᠰᠡᠨ ᠴᠢᠨᠢ ᠪᠠᠰᠠ ᠤᠤᠭᠤᠬᠤ ᠦᠭᠡᠢ᠃ ᠬᠤᠨᠳᠠᠭ᠎ᠠ ᠪᠠᠨ ᠡᠷᠬᠦᠭᠡᠳ ᠴᠢᠬᠢᠨ  ᠳᠡᠭᠡᠨ ᠬᠢᠬᠦ ᠬᠡᠵᠦ ᠪᠠᠶᠢᠬᠤ ᠰᠢᠭ ᠳᠤᠩᠭᠤᠶᠢᠵᠦ ᠪᠠᠭ᠋ᠠᠨ ᠰᠠᠭᠤᠭᠰᠠᠨ ᠢᠶᠠᠨ᠄ ︽ᠴᠢ ᠳᠡᠷᠡ ᠦᠭᠡᠷ ᠠᠯᠠᠵᠦ ᠪᠠᠭᠠᠯᠵᠤᠤᠷ ᠤᠨ ᠮᠢᠬ᠎ᠠ ᠠᠪᠳᠠᠭ ᠢᠶᠠᠨ ᠪᠤᠯᠢᠭᠰᠠᠨ ᠳᠡᠭᠡᠷ᠎ᠡ︕ ᠡᠮᠬᠦ ᠮᠢᠬᠠᠨ ᠤ ᠳᠦᠯᠦᠭᠡ ᠢᠡᠭᠬᠢᠵᠦ ᠦᠢᠯᠡ ᠪᠠᠨ ᠦᠵᠡᠭᠡᠳ ᠶᠠᠭᠤ ᠬᠢᠨ᠎ᠠ︖ ᠠᠮᠢᠳᠠᠨ ᠬᠦᠮᠦᠨ ᠡᠯᠳᠡᠪ ᠢᠶᠠᠷ ᠮᠠᠭᠤᠯᠠᠵᠦ ᠪᠠᠶᠢᠨ᠎ᠠ᠂ ᠨᠢᠭᠤᠷ︕ ᠨᠢᠭᠤᠷ︕︾ ᠬᠡᠵᠦ ᠬᠠᠴᠠᠷ ᠢᠶᠠᠨ ᠵᠢᠭᠠᠪᠠ᠃ ᠠᠪᠤ ᠤᠨᠳᠠᠭ᠎ᠠ ᠰᠡᠷᠡᠬᠦᠨ ᠨᠢ ᠮᠡᠳᠡᠭᠳᠡᠬᠦ ᠦᠭᠡᠢ ᠬᠠᠨᠵᠤᠨ ᠤ ᠬᠤᠶᠢᠭᠤᠷ ᠨᠢᠳᠥ ᠪᠠᠨ ᠠᠨᠢᠨ ᠬᠡᠪᠳᠡᠭᠰᠡᠭᠡᠷ ᠪᠠᠶᠢᠯ᠎ᠠ᠃           ︽ᠦᠭᠡᠢ᠂ ᠴᠢ ᠰᠤᠨᠤᠰᠴᠦ ᠪᠠᠶᠢᠨ᠎ᠠ︖ ᠦᠭᠡᠢ ᠦᠦ︖︾ ᠬᠡᠵᠦ ᠠᠪᠤ ᠶᠢᠨ ᠳᠡᠭᠡᠷ᠎ᠡ ᠠᠴᠠ ᠦᠡᠭᠭᠡᠶᠢᠵᠦ ᠬᠠᠷᠠᠭᠰᠠᠨ ᠢᠶᠠᠨ᠄ ︽ᠴᠢᠮ᠎ᠠ ᠳᠤ ᠦᠭᠡ ᠬᠡᠯᠡᠬᠦ ᠳᠠᠷᠪᠠᠭ᠎ᠠ ᠶᠢᠨ ᠨᠦᠭᠡᠨ ᠳᠤ ᠶᠠᠷᠢᠬᠤ ᠦᠭᠡᠷ᠎ᠡ ᠴᠦ ᠦᠭᠡᠢ︾ ᠬᠡᠳ ᠪᠤᠴᠠᠵᠦ ᠰᠠᠭᠤᠪᠠ᠃          ︽ᠮᠢᠨᠤ ᠬᠠᠯᠢᠭᠤᠨ ᠦᠨᠢᠶ᠎ᠠ ᠰᠠᠭᠠᠮᠠᠯ ᠬᠡᠬᠦ ᠳᠤ ᠵᠡᠭᠡᠭᠰᠡᠨ ᠠᠯᠠᠭ ᠰᠡᠭᠡᠷ ᠲᠠᠢ᠂ ᠠᠬ᠎ᠠ ᠳᠡᠬᠦᠦ ᠬᠤᠶᠠᠭᠤᠯᠠ ᠪᠠᠨ ᠬᠤᠪᠢᠶᠠᠵᠦ ᠢᠳᠡᠨ᠎ᠡ᠂ ᠵᠤᠯᠠᠢ ᠵᠤᠯᠠᠢ ᠪᠠᠨ ᠬᠢᠰᠬᠢᠵᠦ ᠳᠦᠷᠦᠭᠰᠡᠨ ᠦᠭᠡᠢ ᠴᠦ ᠨᠢᠭᠡ ᠬᠡᠷ ᠲᠡᠭᠡᠨ ᠪᠠᠭᠳᠠᠵᠦ ᠦᠰᠦᠭᠰᠡᠨ᠂ ᠬᠤᠪᠢᠶᠠᠵᠦ ᠢᠳᠡᠭᠡᠳ ᠬᠤᠭᠤᠯᠵᠦ ᠮᠦᠯᠵᠢᠨ᠎ᠠ︾ ᠬᠡᠵᠦ ᠭᠠᠭᠴᠠᠭᠠᠷ ᠢᠶᠠᠨ ᠳᠠᠪᠳᠠᠨ ᠳᠠᠪᠳᠠᠨ ᠶᠠᠷᠢᠵᠦ ᠰᠠᠭᠤᠭᠰᠠᠨ ᠢᠶᠠᠨ ᠪᠤᠰᠬᠤ ᠬᠡᠵᠦ ᠦᠨᠳᠡᠶᠢᠬᠦ ᠳᠤᠨᠢ ᠳ᠋ᠸᠡᠭ ᠳᠤᠩᠭᠤᠷᠴᠦ ᠬᠡᠷ ᠳᠤᠳᠤᠷ᠎ᠠ ᠫᠠᠳ ᠬᠠᠷᠠᠩᠭᠤᠢ ᠪᠤᠯᠪᠠ᠃ ᠴᠤᠶᠢᠳᠡᠩ ᠳᠡᠮᠳᠡᠷᠢᠵᠦ ᠱᠠᠷ ᠱᠤᠷ ᠬᠡᠰᠡᠨ ᠢᠶᠠᠨ ᠳ᠋ᠸᠡᠭ ᠳᠠᠬᠢᠭᠠᠳ ᠠᠰᠠᠬᠤ ᠳᠤ ᠠᠪᠠᠭ᠎ᠠ ᠠᠪᠠᠭ᠎ᠠ ᠭᠠᠷᠤᠭᠠᠳ ᠶᠠᠪᠤᠴᠢᠬᠠᠵᠦ᠂ ᠠᠪᠤ ᠪᠤᠰᠤᠭᠠᠳ ᠰᠠᠭᠤᠴᠢᠬᠠᠭᠰᠠᠨ ᠪᠠᠶᠢᠪᠠ᠃           ︽ᠶᠠᠭ ᠪᠠᠶᠢᠬᠤ ᠦᠭᠡᠢ ᠪᠢᠰᠢ᠂ ᠬᠤᠷᠤᠭᠠᠨ ᠳᠤ ᠴᠢᠨᠢ ᠪᠠᠰᠠ ᠬᠡᠳᠥᠨ ᠶᠠᠭᠤᠮ᠎ᠠ ᠪᠠᠶᠢᠨ᠎ᠠ᠃ ᠬᠤᠶᠠᠷ ᠬᠤᠨᠢ ᠵᠠᠷᠤᠭᠠᠳ ᠠᠪᠤᠭᠰᠠᠨ ᠨᠢ ᠳᠡᠭᠡᠷ᠎ᠡ︕ ᠬᠠᠷ᠎ᠠ ᠰᠦᠨᠢ ᠪᠤᠯᠬᠤ ᠳᠤ ᠯᠠ ᠤᠯᠠᠭᠠᠨ ᠮᠢᠬ᠎ᠠ ᠤᠨᠵᠠᠶᠢᠯᠭᠠᠭᠠᠳ ᠢᠷᠡᠬᠦ ᠳᠤ ᠴᠢᠨᠢ ᠪᠢ ᠴᠦ ᠳᠤᠷ᠎ᠠ ᠦᠭᠡᠢ︾ ᠬᠡᠵᠦ ᠡᠵᠢ ᠰᠢᠪᠨᠡᠬᠦ‍ ᠰᠢᠭ ᠬᠡᠯᠡᠭᠡᠳ ᠬᠠᠷᠠᠩᠭᠤᠢ ᠤᠷᠤᠭᠤ ᠬᠠᠷᠠᠵᠦ ᠨᠢᠯᠪᠤᠰᠤ ᠪᠠᠨ ᠠᠷᠴᠢᠪᠠ᠃            ᠳᠡᠬᠦᠦ ᠠᠪᠤ ᠶᠢᠨ ᠨᠢᠷᠤᠭᠤᠨ ᠳᠤ ᠨᠠᠭᠠᠯᠳᠤᠵᠦ ᠴᠢᠬᠢᠨ ᠳᠤᠨᠢ᠄ ︽ᠠᠪᠤ ᠤᠳᠤ ᠠᠶᠢᠯ ᠳᠤ ᠦᠭᠡᠷ ᠠᠯᠠᠵᠦ ᠪᠠᠭᠠᠯᠵᠤᠤᠷ ᠤᠨ ᠮᠢᠬ᠎ᠠ ᠠᠪᠬᠤ ᠬᠡᠷᠡᠭ ᠦᠭᠡᠢ᠂ ᠠᠬ᠎ᠠ ᠪᠢᠳᠡ ᠬᠤᠶᠠᠷ ᠳᠠᠬᠢᠵᠦ ᠮᠢᠬ᠎ᠠ ᠢᠳᠡᠨ᠎ᠡ ᠬᠡᠬᠦ ᠦᠭᠡᠢ︾ ᠬᠡᠳ ᠤᠬᠢᠯᠠᠪᠠ᠃                                       ᠭᠤᠷᠪᠠ           ᠬᠦᠬᠦᠦᠷ ᠤᠨ ᠠᠮᠠ ᠬᠤᠯᠠᠳᠠᠵᠦ ᠬᠦᠢᠳᠡᠨ ᠤ ᠠᠮᠠ ᠨᠠᠰᠢᠯᠠᠵᠦ᠂ ᠰᠤᠮᠤᠨ ᠳᠦᠪ ᠤᠨ ᠠᠶᠢᠯ ᠤᠳ ᠡᠪᠤᠯ ᠤᠨ ᠢᠳᠡᠰᠢ ᠪᠠᠨ ᠪᠡᠯᠡᠳᠭᠡᠵᠦ ᠡᠬᠢᠯᠠᠪᠠ᠃ ᠰᠤᠷᠭᠠᠭᠤᠯᠢ ᠶᠢᠨ ᠳᠤᠭᠤᠭᠠᠨ ᠬᠡᠷ ᠪᠠᠭ᠎ᠠ ᠮᠠᠯ ᠵᠠᠷᠤᠵᠦ ᠤᠳᠠᠭᠠᠨ ᠡᠳᠥᠷ ᠬᠠᠷᠠᠰᠦ ᠰᠠᠭᠤᠭᠰᠠᠨ ᠪᠢᠳᠡᠨ ᠢ  ᠨᠢᠭᠡ ᠪᠠᠶᠠᠷᠯᠠᠭᠤᠯᠤᠭᠰᠠᠨ ᠪᠤᠯᠪᠠᠴᠦ ᠬᠡᠷ ᠢᠶᠠᠨ ᠰᠠᠨᠠᠬᠤ ᠬᠡᠳᠡᠭ ᠬᠡᠴᠡᠬᠦᠦ᠃ ᠳᠡᠬᠦᠦ ᠦᠴᠦᠭᠡᠳᠦᠷ ᠤᠬᠢᠯᠠᠴᠢᠬᠠᠭᠰᠠᠨ ᠢᠷᠠᠪᠠ᠃ ᠤᠳᠤᠨ ᠰᠠᠷᠠᠨ ᠬᠤᠶᠠᠭᠤᠯᠠ ᠤᠯᠠᠨ ᠬᠡᠥᠭᠡᠳ ᠤᠨ ᠳᠤᠮᠳᠠ ︽ᠠᠪᠤ ᠴᠢᠨᠢ ᠴᠢᠨ᠋ᠸ᠎ᠠ︕ ᠪᠠᠭᠠᠯᠵᠤᠤᠷ ᠠᠪᠳᠠᠭ ᠴᠢᠨ᠋ᠸ᠎ᠠ︕︾ ᠬᠡᠵᠦ ᠬᠡᠨ᠎ᠡ᠃            ᠠᠪᠤ ᠤᠳᠤ ᠯᠠ ᠢᠷᠠᠮᠠᠷ ᠶᠤᠮ ᠳ᠋ᠠ︕ ᠬᠡᠵᠦ ᠬᠠᠷᠠᠵᠦ ᠪᠠᠶᠢᠳᠠᠯ᠎ᠠ ᠬᠢᠴᠢᠶᠠᠯ ᠤᠨ ᠵᠠᠪᠰᠠᠷᠯᠠᠭ᠎ᠠ ᠪᠠᠷ ᠬᠡᠭᠡᠷ ᠮᠤᠷᠢ ᠬᠤᠷᠰᠢᠶᠠᠨ ᠤ ᠡᠬᠦᠳᠡᠨ ᠳᠤ ᠤᠶᠠᠭᠠᠰᠤᠳᠠᠢ᠃ ᠠᠪᠤ ᠪᠠᠰᠠ ᠨᠢᠭᠡ ᠳᠠᠨᠢᠬᠤ ᠦᠭᠡᠢ ᠬᠦᠮᠦᠨ ᠲᠠᠢ ᠬᠤᠶᠠᠭᠤᠯᠠ ᠳᠤᠭᠤᠭᠠᠨ ᠬᠡᠷ ᠤᠨ ᠡᠬᠦᠳᠡᠨ ᠳᠤ ᠦᠭᠡᠷ ᠦᠪᠴᠢᠵᠦ ᠪᠠᠶᠢᠪᠠ᠃             ᠠᠪᠤ ᠢᠷᠠᠯ᠎ᠠ︕ ᠬᠡᠵᠦ ᠬᠦᠭᠡᠷᠴᠦ ᠬᠦᠭᠰᠡᠭᠰᠡᠨ ᠰᠡᠳᠬᠢᠯ ᠳᠤᠤᠷ᠎ᠠ ᠪᠠᠨ ᠬᠦᠷᠦᠵᠦ ᠤᠷᠮ᠎ᠠ ᠬᠤᠭᠤᠷᠠᠨ ᠤᠬᠢᠯᠠᠮᠠᠷ ᠪᠤᠯᠵᠦ ᠳᠡᠬᠦᠦ ᠪᠠᠨ ᠰᠡᠮᠡᠭᠡᠨ ᠳᠠᠭᠤᠳᠠᠪᠠ᠃             ᠠᠪᠤ ᠶᠤᠰᠤᠳᠠᠢ ᠱᠠᠯ ᠳᠡᠮᠡᠢ︕ ᠮᠦᠳᠳᠦ ᠯᠠ ᠰᠤᠷᠭᠠᠭᠤᠯᠢ ᠶᠢᠨ ᠬᠦᠷᠢᠶ᠎ᠠ ᠪᠠᠷ ︽ᠠᠪᠤ ᠴᠢᠨᠢ ᠴᠢᠨ᠋ᠸ᠎ᠠ︕ ᠪᠠᠭᠠᠯᠵᠤᠤᠷ ᠠᠪᠳᠠᠭ ᠴᠢᠨ᠋ᠸ᠎ᠠ︕︾ ᠬᠡᠵᠦ ᠤᠷᠢᠶ᠎ᠠ ᠰᠢᠭ᠂ ᠴᠤᠤᠷᠢᠶ᠎ᠠ ᠰᠢᠭ ᠱᠤᠤᠬᠢᠨ᠎ᠠ ᠳ᠋ᠠ︕           ᠤᠷᠤᠢ ᠪᠢ ᠳᠤᠭᠤᠭᠠᠨ ᠬᠡᠷ ᠲᠤ ᠤᠴᠢᠵᠦ ᠬᠤᠭᠤᠯᠠ ᠢᠳᠡᠭᠰᠡᠨ ᠦᠭᠡᠢ᠃ ᠳᠡᠬᠦᠦ ᠳᠡᠭᠡᠨ ᠬᠤᠶᠠᠷ ᠦᠭᠡ ᠵᠢᠭᠠᠭᠠᠳ ᠠᠪᠤ ᠳᠡᠭᠡᠷ᠎ᠡ ᠤᠴᠢᠭᠤᠯᠵᠦ᠂ ᠦᠪᠡᠷ ᠢᠶᠠᠨ ᠬᠡᠭᠡᠷ ᠮᠤᠷᠢ ᠪᠠᠨ ᠠᠪᠴᠦ ᠤᠨᠤᠭᠠᠳ ᠰᠤᠷᠭᠠᠭᠤᠯᠢ  ᠶᠢᠨ ᠬᠦᠷᠢᠶ᠎ᠠ᠂ ᠪᠠᠶᠢᠷᠢ ᠶᠢᠨ ᠬᠡᠷ ᠤᠨ ᠤᠷᠢᠳᠠᠭᠤᠷ ᠬᠤᠶᠢᠭᠤᠷ ᠪᠠᠭ᠋ᠠᠨ ᠳᠤᠭᠤᠷᠢᠪᠠ᠃           ᠳᠡᠬᠦᠦ ᠬᠠᠷᠢᠨ ᠶᠡᠭᠡ ᠯᠠ ᠬᠦᠭᠡᠷᠴᠦ ᠳᠡᠪᠭᠡᠷᠤᠨ ᠠᠮᠢᠰᠬᠤᠭᠠᠳᠠᠴᠢᠬᠠᠭᠰᠠᠨ ᠬᠦᠶᠦᠵᠦ ᠢᠷᠡᠭᠡᠳ᠄ ︽ᠠᠪᠤ ᠴᠢᠮ᠎ᠠ ᠶᠢ ᠳᠠᠭᠤᠳᠠᠵᠦ ᠪᠠᠶᠢᠨ᠎ᠠ᠃ ᠵᠠᠬᠢᠷᠤᠯ ᠪᠠᠭᠰᠢ ᠨᠠᠳᠠᠳᠥ ᠦᠡᠭᠬᠦᠯᠴᠡᠭ ᠦᠭᠬᠦᠭᠡᠳ ᠬᠤᠶᠠᠭᠤᠯᠠ ᠪᠠᠨ ᠬᠤᠪᠢᠶᠠᠵᠦ ᠢᠳᠡᠶ᠎ᠠ︾ ᠬᠡᠳ ᠭᠠᠷ ᠠᠴᠠ ᠬᠦᠳᠦᠯᠪᠠ᠃         ᠠᠪᠤ ᠵᠠᠬᠢᠷᠤᠯ ᠪᠠᠭᠰᠢ ᠬᠤᠶᠠᠭᠤᠯᠠ ᠰᠢᠷᠡᠭᠡ ᠬᠠᠪᠴᠢᠨ ᠰᠠᠭᠤᠵᠦ ᠪᠠᠶᠢᠨ᠎ᠠ᠃ ᠠᠪᠤ ᠪᠠᠰᠠ ᠬᠤᠶᠠᠷ ᠬᠤᠨᠳᠠᠭ᠎ᠠ ᠤᠤᠭᠤᠴᠢᠬᠠᠭᠰᠠᠨ ᠪᠤᠯᠤᠯᠳᠠᠢ᠂ ᠴᠢᠷᠠᠢ ᠨᠢ ᠨᠠᠯᠢᠶᠠᠳ ᠤᠯᠠᠶᠢᠴᠢᠬᠠᠭᠰᠠᠨ᠂ ᠢᠨᠢᠶᠡᠭᠡᠳ ᠯᠠ ᠁ ᠪᠠᠭᠰᠢ ᠨᠠᠮᠠᠶᠢᠢ ᠬᠠᠵᠠᠭᠤ ᠳᠠᠭᠠᠨ ᠰᠠᠭᠤᠯᠭᠠᠵᠦ ᠮᠢᠬ᠎ᠠ ᠤᠭᠳᠤᠯᠵᠦ ᠦᠭᠬᠦᠭᠡᠳ᠄ ︽ᠰᠠᠶᠢᠨ ᠰᠤᠷᠬᠤ ᠦᠭᠡᠢ ᠪᠤᠯᠬᠤ ᠦᠭᠡᠢ ᠰᠢᠥ︕ ᠠᠪᠤ ᠴᠢᠨᠢ ᠳᠠᠨ ᠤ ᠬᠤᠶᠠᠷ ᠢ ᠰᠤᠷᠭᠠᠭᠤᠯᠢ ᠳᠤ ᠰᠠᠭᠤᠯᠭᠠᠨ᠎ᠠ ᠬᠡᠳᠡᠭ ᠠᠮᠠᠷ ᠦᠭᠡᠢ᠃ ᠬᠡᠪᠡᠴᠦ ᠭᠠᠶᠢᠭᠤᠢ︕ ᠤᠳᠤ ᠮᠠᠨ ᠤ ᠰᠤᠷᠭᠠᠭᠤᠯᠢ ᠶᠢᠨ ᠠᠵᠢᠯᠳᠠᠨ ᠪᠤᠯᠤᠭᠰᠠᠨ ᠁ ᠴᠠᠯᠢᠩ ᠤᠯᠤᠨ᠎ᠠ︕︾ ᠬᠡᠬᠦ  ᠳᠤᠨᠢ ᠳᠡᠬᠦᠦ ᠪᠢᠳᠡ ᠬᠤᠶᠠᠷ ᠠᠪᠤ ᠶᠢ ᠭᠠᠶᠢᠬᠠᠨ ᠬᠠᠷᠠᠪᠠ᠃       ᠠᠪᠤ ᠢᠡᠭᠬᠢᠭᠡᠳ ᠯᠠ ᠰᠤᠷᠭᠠᠭᠤᠯᠢ ᠶᠢᠨ ᠭᠠᠯᠴᠢ  ᠪᠤᠯᠪᠠ᠃ ᠦᠷᠯᠦᠭᠡ ᠬᠢᠴᠢᠶᠠᠯ ᠡᠬᠢᠯᠡᠬᠦ ᠳᠤ ᠯᠠ ᠬᠡᠭᠡᠷ ᠮᠤᠷᠢ ᠪᠠᠨ ᠤᠨᠤᠭᠠᠳ ᠰᠤᠷᠭᠠᠭᠤᠯᠢ ᠳᠡᠭᠡᠷ᠎ᠡ ᠢᠷᠠᠨ᠎ᠠ᠃ ᠵᠢᠳᠬᠦᠬᠦᠷ ᠳᠡᠷᠭᠡ ᠪᠠᠷ ᠠᠷᠭᠠᠯ ᠨᠡᠬᠦᠷᠠᠰᠥ ᠤᠶᠢᠷᠠᠳᠤᠭᠤᠯᠵᠦ ᠭᠠᠯ ᠳᠦᠯᠠᠵᠦ ᠳᠠᠷᠠᠭ᠎ᠠ ᠨᠢ ᠤᠰᠤ ᠳᠡᠭᠡᠭᠡᠨ᠎ᠡ᠃ ᠰᠤᠷᠭᠠᠭᠤᠯᠢ ᠶᠢᠨ ᠤᠰᠤ ᠳᠡᠭᠡᠭᠡᠳᠡᠭ ᠬᠦᠷᠠᠩ ᠦᠭᠡᠷ ᠬᠡᠭᠴᠢ ᠬᠦᠯᠦᠭᠡᠳ ᠳᠠᠯᠪᠢᠪᠠᠯ ᠬᠦᠳᠦᠯᠵᠦ ᠵᠠᠯᠠᠬᠤ ᠬᠡᠷᠡᠭ ᠦᠭᠡᠢ ᠦᠪᠡᠷ ᠢᠶᠠᠨ ᠶᠠᠪᠤᠭᠠᠳ ᠬᠤᠳᠳᠤᠭ ᠳᠡᠭᠡᠷ᠎ᠡ ᠤᠴᠢᠭᠠᠳ ᠵᠤᠭᠰᠤᠨ᠎ᠠ᠃ ᠤᠰᠤ ᠪᠠᠨ ᠳᠦᠬᠦᠷᠭᠡᠭᠡᠳ ᠠᠶ᠎ᠠ ᠪᠠᠷ ᠨᠢ ᠳᠠᠯᠪᠢᠪᠠᠯ ᠳᠤᠭᠤᠭᠠᠨ ᠬᠡᠷ ᠤᠨ ᠡᠬᠦᠳᠡᠨ ᠳᠤ ᠢᠷᠠᠵᠦ ᠵᠤᠭᠰᠤᠨ᠎ᠠ᠃ ᠰᠤᠮᠤᠨ ᠳᠦᠪ ᠤᠨ ᠠᠶᠢᠯ ᠤᠳ ᠠᠪᠤ ᠶᠢᠨ ᠴᠢᠯᠦᠭᠡ ᠶᠢ ᠬᠠᠷᠠᠵᠦ ᠢᠳᠡᠰᠢ  ᠪᠠᠨ ᠭᠠᠷᠭᠠᠭᠤᠯᠬᠤ ᠬᠡᠵᠦ ᠪᠤᠯᠢᠶᠠᠯᠳᠤᠨ᠎ᠠ᠃ ᠬᠠᠷᠢᠨ ᠳᠡᠳᠡᠭᠡᠷ ᠠᠶᠢᠯ ᠤᠳ ᠦᠭᠡᠷ ᠵᠠᠷᠤᠭᠰᠠᠨ ᠬᠦᠮᠦᠨ ᠳᠤ ᠪᠠᠭᠠᠯᠵᠤᠤᠷ ᠤᠨ ᠮᠢᠬ᠎ᠠ ᠦᠭᠳᠡᠭ ᠶᠤᠰᠤ ᠶᠢ ᠮᠡᠳᠡᠳᠡᠭ ᠦᠭᠡᠢ ᠶᠤᠮ ᠦᠦ︖ ᠠᠪᠤ ᠡᠰᠡᠬᠦᠯ᠎ᠠ ᠠᠪᠬᠤ ᠪᠠᠨ ᠪᠤᠯᠢᠭᠰᠠᠨ ᠦᠦ︕ ᠳᠡᠷᠡ ᠳᠤᠬᠠᠢ ᠶᠠᠷᠢᠶ᠎ᠠ ᠳᠡᠬᠢᠵᠦ ᠶᠠᠷᠤ ᠰᠤᠨᠤᠰᠳᠠᠭᠰᠨᠨ ᠦᠭᠡᠢ᠃ ᠳᠡᠬᠦᠦ ᠪᠢᠳᠡ ᠬᠤᠶᠠᠭᠤᠯᠠ ᠠᠶᠢᠯ ᠤᠳ ᠢᠶᠠᠷ ᠨᠢᠭᠤᠷ ᠪᠠᠷᠳᠠᠮ ᠤᠷᠤᠵᠦ ᠭᠠᠷᠬᠤ ᠪᠤᠯᠵᠦ ᠬᠠᠶᠠ ᠠᠶᠢᠯ ᠤᠨ ᠳᠤᠭᠤᠭ᠎ᠠ ᠬᠠᠳᠠᠬᠤ ᠪᠤᠯᠵᠦ ᠪᠢᠯᠡ᠃                                       ᠳᠦᠷᠪᠠ        ᠳᠡᠬᠦᠦ ᠪᠢᠳᠡ ᠬᠤᠶᠠᠷ ᠦᠨᠦᠳᠦᠷ ᠬᠦᠳᠡᠭᠡ ᠶᠠᠪᠤᠵᠦ ᠡᠪᠤᠯ ᠤᠨ ᠢᠳᠡᠰᠢ ᠪᠠᠨ ᠠᠪᠴᠢᠷᠠᠪᠠ᠃ ᠬᠤᠶᠠᠷ ᠠᠶᠢᠯ ᠢᠶᠠᠷ ᠢᠶᠠᠨ ᠳᠤᠭᠤᠭ᠎ᠠ ᠨᠡᠶᠢᠯᠡᠬᠦᠯᠵᠦ ᠰᠢᠨ᠎ᠡ ᠮᠢᠬ᠎ᠠ ᠴᠢᠨᠠᠯ᠎ᠠ᠃ ᠬᠤᠶᠠᠭᠤᠯᠠ ᠪᠠᠨ ᠤᠤᠭᠤᠳᠠᠭ ᠦᠭᠡᠢ ᠴᠦ ᠬᠤᠨᠳᠠᠭ᠎ᠠ ᠳᠠᠯᠪᠢᠭᠠᠳ ᠪᠡᠶ᠎ᠡ ᠪᠡᠶ᠎ᠡ ᠪᠠᠨ ᠱᠠᠯᠠᠭᠰᠠᠭᠠᠷ ᠪᠠᠶᠢᠵᠦ ᠮᠢᠬ᠎ᠠ ᠪᠤᠯᠤᠭᠠᠳ ᠭᠠᠷᠬᠤ ᠶᠢᠨ ᠬᠤᠭᠤᠷᠤᠨᠳᠥ ᠨᠠᠯᠢᠶᠠᠳ ᠬᠠᠯᠠᠰᠴᠦ ᠬᠦᠳᠡᠭᠡ ᠶᠢᠨ ᠠᠮᠢᠳᠤᠷᠠᠯ᠂ ᠡᠪᠤᠯ ᠤᠨ ᠢᠳᠡᠰᠢ ᠬᠡᠵᠦ ᠶᠠᠷᠢᠵᠦ ᠪᠠᠶᠢᠭᠰᠠᠭᠠᠷ ᠳᠡᠬᠦᠦ ᠤᠬᠢᠯᠠᠴᠢᠬᠠᠯ᠎ᠠ᠃        ︽ᠴᠢ ᠪᠢᠳᠡ ᠬᠤᠶᠠᠷ ᠴᠦ ᠶᠤᠰᠤᠳᠠᠢ ᠴᠢᠨ᠋ᠸ᠎ᠠ ᠪᠤᠯᠵᠠᠢ᠃ ᠨᠢᠭᠡ ᠡᠪᠤᠯ ᠤᠨ ᠢᠳᠡᠰᠢ ᠬᠡᠵᠦ ᠬᠤᠶᠠᠷ ᠡᠳᠥᠷ ᠪᠤᠵᠢᠬᠢᠨᠠᠭᠠᠳ ᠯᠠ ᠠᠪᠤ ᠶᠢᠨ ᠭᠤᠷᠪᠠᠨ ᠦᠭᠡᠷ ᠢ ᠪᠠᠷᠢᠭᠠᠳ ᠢᠳᠡᠴᠢᠭᠡᠯ᠎ᠡ᠃ ᠪᠢᠳᠡᠨ ᠢ ᠪᠠᠭ᠎ᠠ ᠪᠠᠶᠢᠬᠤ ᠳᠤ ᠮᠠᠨ ᠤ ᠭᠤᠷᠪᠠᠭ᠋ᠠᠨ ᠦᠭᠡᠷ ᠲᠠᠢ ᠠᠶᠢᠯ ᠪᠠᠶᠢᠭᠰᠠᠨ᠂ ᠠᠪᠤ ᠬᠦᠭᠡᠷᠤᠬᠦᠢ︕ ᠡᠪᠤᠯ ᠤᠨ ᠢᠳᠡᠰᠢ ᠪᠠᠨ ᠠᠷᠭᠠᠴᠠᠬᠤ ᠬᠡᠵᠦ ᠶᠠᠭᠠᠬᠢᠵᠦ ᠵᠦᠳᠡᠷᠡᠵᠦ ᠪᠠᠶᠢᠭᠰᠠᠨ ᠢ ᠪᠤᠳᠤᠬᠤ ᠳᠤ ᠡᠨᠡ ᠮᠢᠬ᠎ᠠ ᠴᠢᠨᠢ ᠬᠤᠭᠤᠯᠠᠢ ᠳᠠᠪᠠᠭ᠋ᠤ ᠦᠭᠡᠢ ᠵᠠᠩᠬᠢᠷᠠᠬᠤ ᠰᠢᠭ ᠪᠤᠯᠤᠭᠠᠳ ᠁︾ ᠬᠡᠵᠦ ᠠᠯᠠᠭ᠎ᠠ ᠪᠠᠷ ᠢᠶᠠᠨ ᠨᠢᠯᠪᠤᠰᠤ ᠪᠠᠨ ᠠᠷᠴᠢᠬᠤ ᠳᠤᠨᠢ ᠪᠢ ᠪᠠᠰᠠ ᠳᠡᠰᠦᠭᠰᠡᠨ ᠦᠭᠡᠢ ᠳᠠᠭᠠᠭᠠᠳ ᠤᠬᠢᠯᠠᠯ᠎ᠠ᠃           ᠁ ᠳᠡᠬᠦᠦ ᠶᠢᠨ ᠬᠡᠵᠦ ᠰᠢᠷ᠎ᠠ ᠳᠠᠷᠯᠠᠨ ᠦᠨᠢᠶ᠎ᠠ ᠬᠤᠸᠠ ᠪᠢᠷᠠᠭᠤ ᠲᠠᠢ᠂ ᠮᠢᠨᠤ ᠬᠡᠵᠦ ᠱᠠᠭᠠᠵᠠᠩ ᠰᠢᠭ ᠴᠠᠭᠠᠨ ᠦᠨᠢᠶ᠎ᠠ ᠡᠶᠢᠮᠤ ᠯᠠ ᠭᠤᠷᠪᠠᠭ᠋ᠠᠨ ᠦᠭᠡᠷ ᠲᠠᠢ ᠠᠶᠢᠯ ᠪᠠᠶᠢᠭᠰᠠᠨ᠃ ᠠᠪᠤ ᠵᠤᠨ ᠳᠠᠭᠠᠨ ᠠᠶᠢᠯ ᠤᠨ ᠬᠤᠨᠢ ᠶᠢ ᠬᠠᠷᠢᠭᠤᠯᠵᠦ ᠱᠦᠯᠦᠨ ᠤ ᠬᠤᠨᠢ ᠤᠯᠤᠨ᠎ᠠ᠃ ᠡᠪᠤᠯ ᠪᠤᠯᠵᠦ ᠳᠡᠭᠷᠢ ᠬᠦᠢᠳᠡᠷᠡᠬᠦ ᠪᠠᠷ ᠬᠡᠭᠡᠷ ᠮᠤᠷᠢ ᠪᠠᠨ ᠤᠨᠤᠭᠠᠳ ᠠᠶᠢᠯ ᠳᠤᠭᠤᠷᠢᠵᠦ ᠦᠭᠡᠷ ᠵᠠᠷᠤᠭᠠᠳ ᠪᠠᠭᠠᠯᠵᠤᠤᠷ ᠤᠨ ᠮᠢᠬ᠎ᠠ ᠠᠪᠤᠨ᠎ᠠ᠃ ᠳᠡᠬᠦᠨ ᠢ ᠪᠠᠨ ᠶᠠᠭᠠᠬᠢᠵᠦ ᠳᠡᠭᠡᠵᠦ ᠰᠠᠶᠢᠬᠠᠨ ᠠᠷᠪᠢᠯᠠᠵᠦ ᠡᠪᠯᠡᠬᠦᠯᠵᠦ ᠪᠠᠶᠢᠭᠰᠠᠨ ᠢ ᠮᠡᠳᠡᠬᠦ ᠦᠭᠡᠢ᠃ ᠬᠠᠪᠤᠷ ᠨᠢ ᠪᠤᠳᠠᠭ᠎ᠠ ᠤᠷᠬᠢᠭᠰᠠᠨ ᠴᠠᠢ  ᠳᠠᠭᠠᠨ ᠪᠠᠰᠠ ᠬᠤᠶᠠᠷ ᠬᠡᠰᠡᠭ ᠬᠠᠳᠠᠭᠰᠠᠨ ᠮᠢᠬ᠎ᠠ ᠬᠦᠪᠪᠦᠬᠦᠯᠵᠦ ᠪᠠᠶᠢᠭᠰᠠᠨ ᠢ ᠤᠳᠤ ᠬᠦᠷᠳᠡᠯ᠎ᠡ ᠮᠠᠷᠳᠠᠭ᠎ᠠ ᠦᠭᠡᠢ᠃ ᠦᠭᠡᠷ ᠤᠨᠠᠭᠠᠭᠰᠠᠨ ᠠᠶᠢᠯ ᠶᠤᠰᠤ ᠶᠢ ᠪᠤᠳᠤᠵᠦ ᠦᠭᠬᠦᠭᠰᠡᠨ ᠡᠮᠬᠦ ᠮᠢᠬ᠎ᠠ ᠪᠠᠨ ᠪᠠᠰᠠ ᠶᠡᠭᠡ ᠪᠠᠭ᠎ᠠ ᠢᠯᠡᠬᠦᠦ ᠳᠤᠳᠠᠭᠤ ᠬᠡᠵᠦ ᠠᠪᠤ ᠶᠢᠨ ᠠᠷᠤ ᠬᠤᠶᠢᠭᠤᠷ ᠶᠠᠭᠤ ᠶᠠᠷᠢᠵᠦ ᠶᠠᠭᠠᠬᠢᠵᠦ ᠮᠠᠭᠤᠯᠠᠳᠠᠭ ᠪᠠᠶᠢᠭᠰᠠᠨ ᠢ ᠮᠡᠳᠡᠬᠦ ᠦᠭᠡᠢ᠃ ᠠᠪᠤ ᠮᠦᠨ ᠯᠠ ᠳᠤᠭᠤᠷᠢᠬᠤ ᠪᠠᠷ ᠢᠶᠠᠨ ᠳᠤᠭᠤᠷᠢᠵᠦ᠂ ᠠᠪᠳᠠᠭ ᠢᠶᠠᠨ ᠵᠠᠪᠠᠯ ᠠᠪᠤᠨ᠎ᠠ᠃          ᠪᠠᠭᠠᠯᠵᠤᠤᠷ ᠮᠢᠬ᠎ᠠ ᠠᠪᠬᠤ ᠳᠤ ᠠᠪᠤ ᠴᠦ ᠪᠠᠰᠠ ᠮᠦᠨ ᠭᠠᠷ ᠤᠨ ᠳᠡᠮ ᠲᠠᠢ ᠬᠡᠵᠦ ᠪᠤᠯᠤᠨ᠎ᠠ᠃ ᠠᠯᠠᠭ᠎ᠠ ᠪᠠᠷ ᠢᠶᠠᠨ ᠬᠠᠵᠠᠭᠤ ᠳᠠᠯ᠎ᠠ ᠠᠴᠠ ᠨᠢ ᠬᠠᠰᠢᠵᠦ ᠪᠠᠶᠢᠭᠠᠳ ᠤᠭᠳᠤᠯᠬᠤ ᠳᠤᠨᠢ ᠳᠠᠯᠤᠨ ᠤ ᠮᠦᠭᠡᠷᠡᠰᠦ ᠨᠢ ᠨᠢᠮᠭᠡᠨ ᠳᠠᠭᠠᠵᠦ ᠢᠷᠡᠳᠡᠭ ᠬᠡᠵᠦ ᠦᠪᠡᠷ ᠢᠶᠠᠨ ᠶᠠᠷᠢᠵᠦ ᠪᠠᠶᠢᠭᠰᠠᠨ᠃          ᠠᠪᠤ ᠪᠠᠭᠠᠯᠵᠤᠤᠷ ᠮᠢᠬ᠎ᠠ ᠤᠭᠳᠤᠯᠬᠤ ᠳᠤ ᠤᠳᠤᠨ ᠤ ᠠᠪᠤ ᠬᠠᠵᠠᠭᠤ ᠳᠤᠨᠢ ᠶᠤᠤᠯᠠᠵᠦ ᠵᠤᠭᠰᠤᠳᠠᠭ ᠬᠡᠵᠦ ᠬᠦᠮᠦᠰ ᠱᠤᠭ ᠪᠤᠯᠭᠠᠵᠦ ᠪᠠᠶᠢᠭᠰᠠᠨ ᠬᠡᠳᠡᠭ᠃          ᠠᠪᠤ ᠭᠠᠭᠴᠠ ᠯᠠ ᠬᠠᠷ᠎ᠠ ᠠᠮᠢ᠂ ᠤᠯᠠᠭᠠᠨ ᠬᠤᠭᠤᠯᠠᠢ ᠪᠠᠨ ᠪᠤᠳᠤᠵᠦ ᠡᠮᠬᠦ ᠮᠢᠬ᠎ᠠ ᠢᠯᠡᠬᠦᠦ ᠠᠪᠬᠤ ᠬᠡᠵᠦ ᠤᠯᠠᠶᠢᠵᠦ ᠪᠠᠶᠢᠭᠰᠠᠨ ᠦᠦ︖ ᠦᠭᠡᠢ︕ ᠦᠷᠯᠦᠭᠡ ᠭᠠᠷᠤᠭᠠᠳ ᠤᠷᠤᠢ ᠢᠷᠡᠬᠦ ᠳᠤᠨᠢ ᠳᠡᠬᠦᠦ ᠪᠢᠳᠡ ᠬᠤᠶᠠᠷ ᠠᠩᠭᠠᠬᠠᠢ ᠰᠢᠭ ᠰᠢᠷ᠎ᠠ ᠵᠠᠪᠠᠵᠢ ᠲᠠᠢ ᠠᠮᠠ ᠪᠠᠨ ᠠᠩᠭᠠᠶᠢᠨ ᠬᠦᠯᠢᠶᠠᠵᠦ ᠪᠠᠶᠢᠭᠰᠠᠨ᠃          ᠠᠪᠤ ᠢᠡᠭᠬᠢᠵᠦ ᠯᠠ ᠠᠯᠳᠠᠨ ᠬᠠᠷᠢᠶᠠᠴᠠᠢ ᠰᠢᠭ ᠠᠮᠢᠳᠤᠷᠠᠯ ᠤᠨ ᠪᠡᠷᠭᠡ ᠶᠢ ᠰᠦᠯᠵᠢᠨ ᠰᠡᠯᠬᠢᠨ ᠪᠤᠷᠤᠭᠠᠨ ᠢ ᠰᠦᠷᠦᠨ ᠡᠮᠬᠦ ᠡᠮᠬᠦ ᠪᠠᠷ ᠵᠦᠭᠡᠭᠡᠵᠦ ᠪᠢᠳᠡᠨ ᠢ ᠳᠡᠵᠢᠭᠡᠵᠦ ᠦᠰᠭᠡᠭᠰᠡᠨ᠂ ᠡᠮᠬᠦ ᠡᠮᠬᠦ ᠪᠠᠷ ᠨᠠᠭᠠᠵᠦ ᠤᠷᠤᠨ ᠬᠡᠷ ᠲᠠᠢ ᠪᠤᠯᠭᠠᠭᠰᠠᠨ᠃           ᠤᠳᠤ ᠪᠤᠯᠳᠠᠯ᠎ᠠ ᠮᠠᠨᠠᠶᠢᠬᠢᠨ ᠳᠤ ᠳᠤᠭᠤᠯ ᠢᠶᠠᠨ ᠨᠡᠮᠡᠬᠦ ᠦᠭᠡᠢ ᠳᠠᠯᠠᠨ ᠨᠢᠭᠡᠨ ᠦᠭᠡᠷ ᠳᠤᠭᠠᠯᠠᠵᠦ ᠪᠠᠶᠢᠭᠰᠠᠨ ᠠᠶᠢᠯ ᠮᠠᠨᠠᠶᠢᠬᠢ ᠠᠴᠠ ᠦᠭᠡᠷ᠎ᠡ ᠭᠠᠷᠤᠭ᠎ᠠ ᠦᠭᠡᠢ᠃ ᠠᠪᠤ ᠪᠠᠭᠠᠯᠵᠤᠤᠷ ᠬᠤᠴᠢ ᠲᠠᠢ᠂ ᠵᠢᠳᠤᠭᠡᠷᠭᠡᠯ᠂ ᠪᠠᠭ᠋ᠠᠷᠬᠠᠯ ᠤᠨ ᠠᠯᠢ ᠨᠢ ᠴᠦ ᠮᠡᠳᠡᠭᠳᠡᠬᠦ ᠦᠭᠡᠢ ᠵᠠᠷᠢᠮ ᠨᠢ ᠪᠠᠰᠠ ᠪᠠᠶᠠᠨ ᠪᠠᠭᠠᠯᠵᠤᠤᠷ ᠬᠡᠨ᠎ᠡ᠃             ᠶᠠᠭᠤ ᠴᠦ ᠬᠡᠰᠡᠨ ᠮᠠᠨ ᠤ ᠬᠢ ᠴᠠᠭᠠᠨ ᠪᠠᠶᠠᠨ᠃
  
ᠢᠷᠡᠯᠲᠡ᠄ ᠲᠣᠲᠣᠷᠬᠠᠢ ᠦᠭᠡᠢ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠮᠤᠷᠢᠲᠠᠢ ᠪᠠᠭᠰᠢ — ᠪᠦ᠊᠂ ᠬᠤᠪᠢᠰᠬᠠᠯᠲᠤ
ᠣᠯᠠᠭᠠᠨ᠎ᠠ ᠪᠣᠯᠪᠠᠰᠣᠷᠠᠬᠤ ᠦᠶ᠎ᠡ ᠳᠤ ︵ᠨᠠᠶᠢᠷᠠᠭᠤᠯᠤᠯ︶᠁
ᠨᠤᠲᠤᠭ ᠭᠠᠨᠭ᠍ᠲᠠᠲᠠᠭ ᠥᠭᠡᠢ᠁
ᠮᠦᠡᠭᠭᠡ ᠭᠱᠠᠨ ᠤ ᠳᠠᠳᠠᠯᠠᠪᠦᠷᠢ᠁
ᠬᠠᠨ ᠬᠠᠶᠢᠷᠬᠠᠨ ᠳᠤ ᠠᠪᠠᠷᠢᠯ᠎ᠠ ᠁
ᠥᠪᠦᠷ ᠮᠣᠩᠭᠤᠯ ᠤᠨ ᠥᠪᠡᠷᠳᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠣᠷᠳᠣᠨ ᠠᠴᠠ ᠭᠤᠤᠯᠴᠢᠯᠠᠨ ᠡᠷᠬᠢᠯᠡᠪᠡ ᠥᠪᠦᠷ ᠮᠣᠩᠭᠤᠯ ᠤᠨ ᠥᠪᠡᠷᠳᠡᠭᠡᠨ ᠵᠠᠰᠠᠬᠤ ᠣᠷᠣᠨ ᠤ ᠠᠷᠠᠳ ᠤᠨ ᠵᠠᠰᠠᠭ ᠤᠨ ᠤᠷᠳᠤᠨ ᠤ ᠠᠯᠪᠠᠨ ᠲᠢᠩᠬᠢᠮ ᠠᠴᠠ ᠲᠠᠭᠠᠭᠠᠴᠢᠯᠠᠨ ᠡᠷᠬᠢᠯᠡᠪᠡ ᠃ ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠮᠡᠷᠭᠡᠵᠢᠯ ᠬᠠᠩᠭᠠᠪᠠ᠃ ᠰᠢᠤᠳᠠᠨ ᠳ᠋ᠤᠭᠠᠷ: 010098    蒙ICP备05000248号